BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەن ٴۇشىن احمەت بايتۇرسىن ۇلى ۇلى ساياساتكەر– مامبەت قويگەلدى 

1920 جىلدارى احاڭ لەنيننىڭ اتىنا 3-4 حات جازعان. سونىڭ بىرىندە ماسكەۋدىڭ قازاقستاندى باسقارۋعا جىبەرگەن ادامىنىڭ قولىنان تۇك كەلمەيتىندىگى جايىندا ايتىلادى. بۇل جايىندا تاريحشى مامبەت قويگەلدى قازاقستان تىلدەرى كۇنىنە وراي وتكەن كوفەرەنسيا بارىسىندا ايتتى، دەپ حابارلايدى baq.kz اقپارات اگەنتتىگى.

تاريحشىنىڭ ايتۋىنشا، 1920 جىلدارى ماسكەۋ كاز ۆوەن رەدكومنىڭ ٴتوراعاسى رەتىندە ستانيسلاۆ پەسكوۆتى تاعايىنداپ، ەلدى باسقارۋعا جىبەرگەن جانە ول ەش دايىندىقسىز كەلگەن.

«بايتۇرسىنوۆ حاتىندا بىلاي دەيدى: ٴسىزدىڭ قازاقستانعا جىبەرگەن باسشىڭىز نە ىستەۋ كەرەتىگىن بىلمەيدى. ويتكەنى ونىڭ قولىندا ەشقانداي باعدارلاما جوق. بۇل قازاق قوعامىن بىلمەيدى، ول قالاي ٴبىزدى باسقارادى؟ ٴسىز جىبەرگەن ادامنىڭ قولىندا باعدارلاما بولماسا، ونداي باعدارلاما ۇكىمەتتە دە جوق دەگەن ٴسوز. حالىقتاردىڭ تەڭدىگى تۋرالى دەكلوراسيادان وزگە باسقا باعدارالاما جوق»، دەگەن. وكىنىشكە وراي لەنين وعان جاۋاپ بەرمەگەن. مەنىڭ تۇسىنىگىم بويىنشا لەنين جاۋاپ بەرە الماس ەدى»، -دەيدى ول.

تاريحشىنىڭ دەرەگى بويىنشا، احمەت بايتۇرسىنوۆ لەنينگە جازعان حاتىندا قازاق قوعامىن قيىندىقتان الىپ شىعۋ جولىن دا كورسەتكەن، الايدا لەنين وعان قۇلاق اسپاعان.

«احاڭ شىعاتىن ٴبىر-اق جول بار دەدى. «قازاقتا اتتوبەلىندەي ازداعان زيالىلار بار، ولار قازاق حالقىنىڭ بولاشاعى ٴۇشىن كۇرەسىپ كەلە جاتىر، ٴسىز سولارعا سەنىڭىز، سولارعا تىزگىندى بەرىڭىز. ولار قاتەلەسۋى مۇمكىن، ٴبىراق ەش ۋاقىتتا حالقىن ساتپايدى»، دەدى. لەنين، ستالين دە ونىڭ ۇسىنىسىن قابىلداعان جوق. سوۆەت ۇكىمەتىنىڭ ەڭ ۇلكەن قاتەلىگى وسى بولاتىن. سوۆەت ۇكىمەتىنىڭ بيلىگى لەگيتيمدى بيلىك ەمەس، پاتشا ۇكىمەتىنىكى قانداي بولسا، ولاردىكى دە سونداي بولدى»، -دەيدى م. قويگەلدى.

ٴسوز اراسىندا تاريحشى سوۆەت ۇكىمەتىنىڭ ۇستانىمىنا قاتىستى پارلامەنت بولاشاقتا قاۋلى قابىلداسا دەگەن ۇسىنىسىن دا ايتتى.

«ٴبىز، گۋمانيتارلىق عالىمدار احاڭنىڭ كەزىندەگى ۇستانىمىنىڭ دۇرىس ەكەندىگىن دالەلدەۋىمىز كەرەك، سونىڭ نەگىزىندە پارلامەنت شەشىم قابىلداۋ كەرەك. سوۆەتتىك جۇيەنىڭ قاتە، قياناتشىل جۇيە بولعاندىعىن ايتۋ كەرەك. بۇل احاڭداردان، ٴاليحانداردان قالعان امانات دەپ ٴتۇسىنۋىمىز كەرەك»، -دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي