BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ماجارستان تۇركى اكەدەمياسىنا باقىلاۋشى ەل رەتىندە مەملەكەتتىك تۋىن تابىس ەتتى

فوتو: Нұржас Жақсыбай

استانا، baq.kz. بۇگىن قازاقستانداعى تۇركى تىلدەس مەملەكەتتەردىڭ ەلشىلەرى قازاقستان رەسپۋبليكاسىنىڭ تاۋەلسىزدىك كۇنى مەرەكەسىنە وراي باس قوستى.

شارا بارىسىندا ماجارستان ەلى حالىقارالىق تۇركى اكادەمياسىنا (twesco) باقىلاۋشى ەل رەتىندە مەملەكەتتىك تۋىن تابىس ەتتى.

ايتا كەتەرلىگى، ۇستىمىزدەگى جىلدىڭ قىركۇيەك ايىندا شولپان-اتادا (قىرعىز رەسپۋبليكاسى) وتكەن تۇركى تىلدەس مەملەكەتتەردىڭ ىنتىماقتاستىق كەڭەسىنىڭ التىنشى سامميتىندە ماجارستاننىڭ حالىقارالىق تۇركى اكادەمياسىنا باقىلاۋشى-مۇشە بولۋ مارتەبەسى رەسمي تۇردە بەكىتىلگەن بولاتىن.

مىنە، وسىعان بايلانىستى قازاقستاننىڭ تاۋەلسىزدىك كۇنى قارساڭىندا حالىقارالىق تۇركى اكادەمياسى ماجارستاننىڭ مەملەكەتتىك تۋىن قابىلداۋ قۇرمەتىنە وراي شارا وتكىزدى.

جيىنعا تۇركى تىلدەس مەملەكەتتەردىڭ ەلشىلەرى، مەملەكەت قايراتكەرلەرى، عالىمدار مەن تۇركولوگتار، باق وكىلدەرى شاقىرىلعان.

«ٴبىز اكادەميانىڭ قۇرىلتايشى مەملەكەتەرىنىڭ ەڭ باستى مەرەكەلەرىن اتاپ ٴوتۋدى داستۇرگە اينالدىرعان بولاتىنبىز. وسىعان وراي قازاقستاننىڭ ەڭ باستى مەيرامى تاۋەلسىزدىك كۇنىن اتاپ وتۋدەمىز. شىن مانىندە تاۋەلسىزدىك ەڭ باستى قۇندىلىعىمىز، تاۋەلسىزدىك ارقىلى قازاقستان الەمگە تانىمال بولدى،. وسىنداي حالىقارالىق ۇيىمدار دۇنيەگە كەلدى. ەلباسىنىڭ باستاماسىمەن استانادا حالىقارالىق تۇركى اكادەمياسىنىڭ قۇرىلۋى دا وسى تاۋەلسىزدىكپەن تىكەلەي بايلانىستى. سىرتقى ساياساتتاعى جەتىستىكتەرىمىز، تۇركى الەمىندەگى ىنتىماقتاستىق، جاقىندا عانا جارىق كورگەن ەلباسىنىڭ « ۇلى دالانىڭ جەتى قىرى» اتتى ماقالاسى دا ٴبىزدىڭ ٴوزارا ىنتىماقتاستىعىمىزدى ارتتىرا تۇسەدى عوي دەگەن ويدامىز»،-دەدى حالىقارالىق تۇركى اكادەمياسىنىڭ پرەزيدەنتى دارحان ٴقىدىرالى.

twesco باسشىسى ٴوز سوزىندە، بۇگىنگى شارا بارىسىندا ماجارستاننىڭ تۋىن كوتەرىلەتىنىن، ۋاقىتى كەلگەندە وزبەكستان مەن موڭعوليانىڭ دا تۋلارى وسى اكادەميادا كوتەرىلەر دەپ سەنىم ٴبىلدىردى.

ال قر-داعى ماجارستاننىڭ توتەنشە جانە وكىلەتتى ەلشىسى اندراش باراني قازاق تىلىندە ٴسوز سويلەپ، ماجارستاننىڭ تۇركى اكادەمياسىنا باقىلاۋشى-مۇشە بولۋ مارتەبەسىنىڭ بەرىلۋىنە ٴوزىنىڭ ەلشىلىك قىزمەتى تۇسپا-تۇس كەلگەنىنە قۋانىشتى ەكەنىن ٴبىلدىردى.

«بۇل مەن ٴۇشىن زور قۇرمەت. حالىقارالىق تۇركى اكادەمياسىنىڭ شتاب-پاتەرى استانادا ورنالاسۋىنىڭ ارقاسىندا ماجارستان جانە قازاقستان اراسىنداعى قارىم-قاتىناستار دامىپ كەلە جاتقانىن ايتا كەتەيىن. ماجارستان مەن قازاقستان اراسىنداعى قارىم-قاتىناستاردىڭ قارقىندى دامۋىنا باۋىرلاس حالىقتاردىڭ ورتاق تاريحي تامىرلارىنىڭ اسەرىن سەزۋگە بولادى. سول سەبەپتى ماجارستاننىڭ مەملەكەتتىك بايراعىن تۇركى اكادەمياسىنىڭ شتاب-پاتەرىنە تابىستايمىز»، - دەدى قازاق تىلىندە بايانداما جاساعان اندراش باراني.

سونىمەن بىرگە، سالتاناتتى جيىن بارىسىندا مەملەكەت قايراتكەرى مىرزاتاي جولداسبەكوۆ پەن سىرتقى ىستەر ۆيسە-مينيسترى ەرلان اشىقبايەۆ ٴسوز سويلەپ، تۇركى اكادەمياسىنىڭ الداعى جۇمىسىنا تابىس تىلەدى.

«حالىقارالىق تۇركى اكادەمياسى ەلباسىنىڭ باستاماسىمەن سەگىز جىل بۇرىن قۇرىلعان بولاتىن. بۇگىندە بۇل قۇرىلىم تۇركى حالىقتارىنىڭ تاريحى مەن مادەنيەتىن زەرتتەۋ سالاسىنداعى ايتۋلى جەتىستىكتەرىنىڭ ارقاسنىدا حالىقارالىق دەڭگەيدە تانىمال عىلىمي-ينتەللەكتۋالدى ورتالىققا اينالىپ وتىر. اكادەميا كونە داۋىردەن بۇگىنگە دەيىن تۇركى الەمىنىڭ تاريحى، ٴتىلى مەن ادەبيەتىن، مادەنيەتىن زەرتتەۋ، تۇركى مەملەكەتتەرىنىڭ الەمدىك وركەنيەتتەگى ورنى مەن ەرەكشە ۇلەسىن، ٴتولتۋما دەرەكتەر نەگىزىندە اشا وتىرىپ، جالپى تۇركى الەمىنە قاتىستى عىلىمي زەرتتەۋلەردى ۇيلەستىرە بىلگەن بىرەگەي ورتالىققا اينالۋدا. اكاداميانىڭ قولعا العان جۇمىسى ٴوز قۇندىلىعىن تەك عىلىمي تۇرعىدا عانا راستاپ قويماي، تۇركى ەلدەرىنىڭ ينتەگارسياسى مەن ٴوزارا ىقپالداستىعىنا زور ۇلەس قوسىپ وتىرعانىن ايتا كەتۋ كەرەك»، - دەدى ەرجان اشىقبايەۆ.

فوتو/ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي