BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مادريدتە قازاق ادەبيەتى مەن ونەرىنىڭ ورتالىعى اشىلدى

استانا، baq.kz. يسپانيانىڭ استاناسىندا دامۋ جونىندەگى حالىقارالىق ىنتىماقتاستىق بويىنشا يسپان اگەنتتىگىنىڭ (aecid) كىتاپحاناسىندا قازاق ادەبيەتى مەن ونەر ورتالىعىنىڭ اشىلۋ ٴراسىمى ٴوتتى.

قازاقستاننىڭ يسپانياداعى ەلشىسى كونستانتين جيگالوۆ ٴوز سوزىندە شەتەلدە قازاق ادەبيەتى ورتالىقتارىن اشۋ جوباسى قوعامدىق سانانى ترانسفورماسيالاۋ بويىنشا «رۋحاني جاڭعىرۋ» مەملەكەتتىك باعدارلاماسىنىڭ اياسىندا جۇزەگە اسىرىلىپ جاتقاندىعىن اتاپ ٴوتتى. سونداي-اق، ەلشى قازاقستان پرەزيدەنتى نۇرسۇلتان نازاربايەۆتىڭ « ۇلى دالانىڭ جەتى قىرى» اتتى جۋىرداعى باعدارلامالىق ماقالاسى «رۋحاني جاڭعىرۋ» باستاماسىنىڭ جالعاسى ەكەندىگىن جانە قازاقستاننىڭ تاريحي جانە مادەني مۇراسىن وزەكتەندىرۋگە ىقپال ەتەتىنىنە نازار اۋداردى.

ٴىس-شاراعا قر ۇلتتىق اكادەميالىق كىتاپحاناسىنىڭ باس ديرەكتورى ۋ. مۇنالبايەۆا، aecid مادەني جانە عىلىمي بايلانىستار جونىندەگى ديرەكتورى م. البەرو، aecid كىتاپحاناسىنىڭ ديرەكتورى م.ا. گارسيا مارتين، اگەنتتىكتىڭ قىزمەتكەرلەرى، يسپانيانىڭ جوعارى وقۋ ورىندارىنىڭ وكىلدەرى، يسپان تىلىندەگى كازاق پوەزيا مەن پروزاسى «انتولوگيا» جوباسىنىڭ قاتىسۋشىلارى، سونداي-اق قازاق دياسپوراسىنىڭ وكىلدەرى قاتىستى.

سالتاناتتى ٴراسىمنىڭ قورىتىندىلارى بويىنشا، قازاقستان رەسپۋبليكاسىنىڭ ۇلتتىق اكادەميالىق كىتاپحاناسى مەن دامۋ جونىندەگى حالىقارالىق ىنتىماقتاستىق بويىنشا يسپان اگەنتتىگىنىڭ (aecid) كىتاپحاناسى اراسىندا ارەكەتتەردىڭ جالپى حاتتاماسىنا قول قويىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي