BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كۇنا جاساۋعا بولاتىن 5 جاعداي

بىردە يبراھيم يبن ادحامعا ٴبىر زالىم ادام كەلىپ:- مەن كۇنا جاساماي جۇرە المايمىن، سوندىقتان ماعان كومەكتەسەتىن الدەبىر نارسەنى كەڭەس ەتشى، - دەيدى. يبراھيم: - ەگەر سەن مەن ايتقان بەس نارسەنىڭ بىرەۋىن ورىنداساڭ، قانشا قالاساڭ دا كۇنا جاساي الاسىڭ جانە اللا تاعالانىڭ بۇيرىعىنا قۇلاق اسپاعانداردىڭ قاتارىنان بولمايسىڭ، - دەپ ٴسوزىن جالعاستىرادى.

ٴبىرىنشى، ەگەر سەن كۇنا جاساپ، اللاعا قۇلاق اسقىڭ كەلمەسە، ونىڭ بەرگەن نەسىبەسىنەن جەمە.

– وسى دۇنيەدەگى بۇكىل نەسىبە اللاعا تيەسىلى بولسا وعان تيەسىلى ەمەس نەسىبەنى قايدان الامىن؟ – دەيدى الگى ادام.

– وندا اللا تاعالانىڭ بەرگەنىن جەپ، وعان قالاي قۇلاق اسپايسىڭ؟ – دەيدى يبن ادحام كەيىپ.

ەكىنشى، ەگەر اللاعا قۇلاق اسقىڭ كەلمەسە، ونىڭ جەرىن تاستاپ، وعان تيەسىلى ەمەس جەرلەرگە بارىپ تۇر.

– ٴبىراق بارلىق جەر مەن كوك اللاعا تيەسىلى عوي. كۇنا جاساۋ ٴۇشىن مەن قايدا بارۋىم كەرەك؟ - دەيدى الگى ادام.

– سوندا سەن اللا تاعالانىڭ جەرىندە، ونىڭ يەلىگىندە تۇرىپ وعان قالاي قۇلاق اسپايسىڭ؟ - دەيدى يبراھيم.

ٴۇشىنشى، كۇنا جاساعىڭ كەلگەن كەزدە ٴوزىڭدى اللا تاعالا كورمەيتىن جەرگە بار.

– و، يبراھيم، سەن نە ايتىپ تۇرسىڭ؟ ونداي جەردى مەن قايدان تابامىن؟ اللا تاعالا كورمەيتىن جەر جوق قوي، – دەيدى الگى ادام.

– سەن اللا تاعالانىڭ كورمەيتىن جەرى جوق ەكەنىن بىلە تۇرىپ، ونىڭ سەن نە ىستەسەڭدە كورەتىنىن بىلە تۇرىپ قالاي عانا كۇنا جاساماقسىڭ؟ – دەيدى يبراھيم.

ٴتورتىنشى، جانىڭدى الۋعا اجال پەرىشتەسى كەلگەندە، كۇنالارىڭا تاۋبە ەتۋ ٴۇشىن ونىڭ كۇتە تۇرۋىن سۇرا.

– بۇل مۇمكىن ەمەس قوي، اجال پەرىشتەسى ەشكىمگە ۋاقىت بەرمەيدى عوي – دەيدى الگى ادام.

– سوندا سەن كەز-كەلگەن ساتتە اجال پەرىشتەسى كەلىپ جانىڭدى الۋى مۇمكىن ەكەنىن بىلە تۇرا اللا تاعالانىڭ بۇيىرعانىنا قالاي قۇلاق اسپايسىڭ؟ – دەپ سۇرايدى يبراھيم. سۇراعىنا جاۋاپ بولماعان سوڭ ٴسوزىن جالعاستىرىپ: - جانە ەڭ سوڭعى بەسىنشى شارت. سونى ورىنداساڭ، قالاۋىڭشا كۇنا جاساي الاسىڭ. توزاققا جاۋاپتى پەرىشتەلەر سەنى توزاققا جەتەكتەگەندە وندا بارۋدان باس تارت، - دەيدى. سول كەزدە ايتارعا جاۋابى، جاسارعا امالى قالماعان الگى ادام سول جەردە جىلاپ، قاتەسىن ٴتۇسىنىپ، كۇنا جاساۋدى قويىپ، دۇرىس جولعا تۇسكەن دەسەدى.

شىنىندا ٴبىزدىڭ قايسىمىز جوعارىدا اتالعان بەس نارسەنى جاساي الادى ەكەنبىز؟ ەشقايسىمىز! ويتكەنى، قولىمىزدان كەلمەيدى. قاۋقارىمىزدان تىس. ٴبىراق كۇنا جاساۋدى جالعاستىرا بەرەمىز. نەلىكتەن؟

ihsan.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي