BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كورمەگە دايىندالعاندا قازاقستاندىقتاردىڭ جان دۇنيەسىن ەلەستەتتىم – كورەيالىق شەبەر لي چولسۋ

فوتو: Гүлжан Раманкулова

«كۇلىمدەگەن الەم» كورمەسىنە دايىندالعاندا قازاقستاندىقتاردىڭ ٴجۇزى مەن جان دۇنيەسىن ەلەستەتتىم. مەن سىزدەردىڭ كوكتەمىڭىز، جاز، كۇز بەن قىسىڭىز، تاۋ، ورمان مەن كولدەرىڭىز، وسى جەرلەردە ٴومىر سۇرەتىن، جاقسى كورەتىن جانە ەڭبەك ەتەتىن ادامدارىڭىز تۋرالى ويلاندىم»... ٴدال وسىنداي سوزدەرمەن باستالعان اعاش بەتىنە ناقىشتى ورنەكتەر سالۋ شەبەرى، كورەيالىق لي ٴچولسۋدىڭ كورمەسى استاناداعى ۇلتتىق مۋزەيدە اشىلدى، دەپ حابارلايدى ۆaq.kz ٴتىلشىسى.

وكىنىشكە قاراي، كورمەگە شەبەردىڭ ٴوزى كەلە المادى. دەگەنمەن جىلى لەبىزى مەن سەزىمىن ارنايى جولدادى.

«مەن بۇل سوزدەردى كورەيانىڭ ورتالىق اۋدانىندا جەر وڭدەپ، قوسىمشا گراۆيۋرا ازىرلەپ جازىپ وتىرمىن. ٴقازىر سىزدەردىڭ قاستارىڭدا بولماعانىم وكىنىشتى، ٴبىراق ٴبىزدىڭ جۇرەگىمىز بەن كوڭىلىمىز بىرگە بولعانىن تىلەيمىن. وسى كورمەگە قويىلعان جۇمىستارىم كوپتەگەن ادامنىڭ جۇرەگىنەن ورىن الادى دەپ ويلايمىن. مەنىڭ ارمانىم جاساعان جۇمىسىم قاراپايىم ادامدارعا تۇسىنىكتى ٴارى ۇناۋ بولاتىن. تازا ٴارى قاراپايىم ٴومىردى بەينەلەيتىن جۇمىستارىم – مەنىڭ الەمدى سۇلۋلىقپەن، كوڭىل جىلۋلىعىمەن، دانالىقپەن تولتىرۋ دەگەن ٴۇمىتىمنىڭ بەلگىسى»، - دەپ جولداپتى شەبەر لي چولسۋ.

فوتو: گۇلجان رامانكۋلوۆا

كورمەنى قازاقستانداعى كورەيا ەلشىلىگىنىڭ كورەي مادەنيەت ورتالىعى مەن ۇلتتىق مۋزەي بىرلەسە ۇيىمداستىردى. ورتالىقتىڭ ديرەكتورى لي حەراننىڭ ايتۋىنشا، كورمەگە لي ٴچولسۋدىڭ 60 جۇمىسى ۇسىنىلعان.

«قازاقستان استاناسىنىڭ 20 جىلدىعى تويلانعان جىلى كورەي ليريكاسى مەن سەزىمىنە باي «كۇلىمدەگەن الەم» گراۆيۋرا كورمەسىنىڭ ۇيىمداستىرىلىپ جاتقانىنا قۋانىشتىمىن. كورەي گراۆيۋرا ونەرىنىڭ ەڭ تانىمال وكىلدەرىنىڭ ٴبىرى لي چولسۋ ٴوز جۇمىستارىندا قاراپايىم جولاقتار ارقىلى كۇندەلىكتى ٴومىر مەن ليريكالىق پەيزاجدى، سونىمەن قاتار اسەرلى كورىنىس پەن وعان ادەمى پوەتيكالىق ٴماتىندى ۇسىندى. بۇگىن كورمەگە لي ٴچولسۋدىڭ 1990-2017 جىلدار ارالىعىندا دايىنداعان 60 جۇمىسى قويىلدى»، - دەدى لي حەران.

فوتو: گۇلجان رامانكۋلوۆا

قازاقستانداعى كورەيا ەلشىسى كيم دەسيك ارنايى كەلىپ، كورمەنى سالتاناتتى تۇردە اشتى.

«بۇگىنگىدەي تاماشا كۇندە اتاقتى اقىن ريلكەنىڭ «كۇز» ولەڭى ەسكە تۇسەدى. ٴدال وسى ۋاقىتتا الماتىدا المالار قىزارىپ، استانادا اعاشتار سارى التىنعا وراندى. وسىنداي تاماشا ساتتە «كۇلىمدەگەن الەم» كورمەسىنىڭ ٴوتىپ جاتقانىنا قۋانىشتىمىز. كورمە اۆتورى تۋرالى قىسقاشا ايتىپ كەتەتىن بولسام، لي چولسۋ ٴوز جۇمىسىنا، ومىرگە فيلوسوفيالىق تۇرعىدان قارايدى. ول الەم ٴبىر بولعانىن، بەيبىت جانە گارمونيادا بولعانىن قالايدى. اۆتور اۋىلدىق جەردە جۇمىس ىستەپ، ولەڭ جازادى ٴارى وسىنداي ادەمى تۋىندىلار دايىندايدى. بۇگىن قاسىمىزدا بولعاندا قۋانار ەدىك. دەگەنمەن ونىڭ جۇمىستارى نيۋ-يورك، گامبۋرگ، دۋبلين، بازەل، سيەتل جانە ت.ب. قالالاردى كورمە رەتىندە قويىلدى. مىنە، استاناعا دا جەتتى. تۋىندىلار قويىلعان زالعا كىرگەندە كۇزگى ساياباقتا وتىرىپ، قاسىڭىزدان ٴوتىپ جاتقان تاماشا ٴومىردى ەلەستەتە الاسىز»، - دەپ ٴبولىستى ەلشى.

فوتو: گۇلجان رامانكۋلوۆا

ۇلتتىق مۋزەيدە مۇنداي كورمەلەر ٴجيى بولادى. مۋزەي ديرەكتورىنىڭ مىندەتىن اتقارۋشى لەونيد كوچەتوۆتىڭ ايتۋىنشا، بۇل كورمە 1 اي بويى جالعاسادى.

«ۇلتتىق مۋزەي كورەيا ەلشىلىگىمەن مۋزەي ٴىسى سالاسىندا تىعىز بايلانىستا جۇمىس ىستەيدى. بىلتىر كورەيا وبرازدارى جانە قازاقستانداعى كارىستەر فوتوكورمەسىن ۇيىمداستىردىق. ەلشىلىكتىڭ ارقاسىندا قازاقستاندىق كورەرمەندەرگە تاماشا سۋرەتشى لي ٴچولسۋدىڭ جۇمىسىن كورۋگە مۇمكىندىك تۋىپ وتىر. كورمە 1 اي بويى اشىق بولادى»، - دەپ مالىمدەدى ديرەكتوردىڭ مىندەتىن اتقارۋشى.

فوتو: گۇلجان رامانكۋلوۆا

لي چولسۋ – كورەيانىڭ سولتۇستىگىندەگى چحۋنچحون پروۆينسياسىندا جەر جىرتىپ، اۋىل شارۋاشىلىعىمەن اينالىساتىن شارۋا، قوسىمشا گراۆيۋرا ونەرىمەن شۇعالدانعان. شىعارماشىلىق ٴومىرىن 1980 جىلداردان باستاعان. ول تابيعات، قاراپايىم جۇمىسشىلار مەن فەرمەرلەردى بەينەلەي وتىرىپ، قوعامداعى سىني كوزقاراستى دا جەتكىزەدى.

فوتو: گۇلجان رامانكۋلوۆا

1990 جىلداردان باستاپ بۋدديزم جانە ٴتۇزۋ سىزىقتارمەن اينالىسا باستايدى. وسىلاي ٴوز جۇمىستارىندا رۋحانيات پەن شىعارماشىلىق ۇيلەسىمدىلىگىن، ولاردىڭ ەرەكشە سۇلۋلىعىن بەينەلەۋگە كوشەدى. ەرەكشەلىككە اۋىسقان ساتتەن باستاپ، ونىڭ جۇمىستارى الەمدىك دارەجەگە دەيىن كوتەرىلەدى.

«ادام بەرەتىن جىلۋلىققا تولى ٴداستۇرلى جانە ساۋ ٴومىر تۋرالى ايتاتىن بولساق، بار ٴومىرىمىز ٴبىر كارتيناعا ۇقساس. مىنە – ٴدال وسى ەڭ كەرەمەتى»، - دەگەن ەكەن سۋرەتشى ٴوزىنىڭ شىعارماشىلىعى مەن جەر جىرتاتىن شارۋانىڭ جۇمىسىن قالاي قاتار الىپ ٴجۇرسىز دەگەن سۇراققا جاۋاپ بەرە وتىرىپ.

فوتو: گۇلجان رامانكۋلوۆا

لي ٴچولسۋدىڭ كورمەسى شۆەيساريانىڭ بازەل (2016)، ساحالين (2017)، سيەتل (2017) قالالارىندا جانە ۆەنگريا، يسپانيا، گەرمانيا، فرانسيا مەن بەلگيادان كەيىن قازاقستاندا ۇيىمداستىرىلىپ وتىر.

فوتو: گۇلجان رامانكۋلوۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي