BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قورقىت مازارىنىڭ كارتاسى تانىستىرىلدى

استانا، baq.kz. بۇگىن استاناداعى ۇلتتىق اكادەميالىق كىتاپحانادا «قازاق ونەرىنىڭ انتولوگياسى» جوباسى نەگىزىندە جارىق كورگەن جاڭا كىتاپتاردىڭ تۇساۋكەسەرى ٴوتتى.

ٴىس-شارا بارىسىندا قازاق ۇلتتىق ونەر ۋنيۆەرسيتەتىنىڭ قورقىت اتا عىلىمي-زەرتتەۋ ينستيتۋتى دايىنداعان «شەشەندىك ونەر» (viii-ix توم)، مىرزاتاي جولداسبەكوۆتىڭ «ويتولعاۋ»، «قالىڭ قازاقتىڭ ٴقادىرلىسى» جانە ٴالقۋات قازاقبايەۆتىڭ «قورقىت اتا اڭىزدارى مەن كۇيلەرى» اتتى كىتاپتار تانىستىرىلدى.

اتالمىش كىتاپتار قر پرەزيدەنتى ن.ٴا.نازاربايەۆتىڭ « ۇلى دالانىڭ جەتى قىرى» اتتى باعدارلامالىق ماقالاسىن قولداۋ ماقساتىندا جۇزەگە اسىرىلىپ وتىر.

«شەشەندىك ونەر» كىتابىندا قازاق حالقىنىڭ شەشەندىك ونەرىنىڭ فيلوسوفيالىق ٴمان-ماڭىزى جايىندا باياندالادى.

«ويتولعاۋ» كىتابىندا م. جولداسبەكوۆتىڭ ەل مەن جەر تاعدىرى، رۋحاني
مۇرا، كىسىلىك تۇلعا تۋرالى ناقىل سوزدەرى مەن ولەڭدەرى جانە ۇزەڭگىلەس دوستارى، زامانداستارى مەن ٴىزىن قۋعان ارىپتەستەرىنىڭ جىلى لەبىزدەرى بەرىلگەن.

«قالىڭ قازاقتىڭ ٴقادىرلىسى» كىتابىندا كورنەكتى مەملەكەت جانە قوعام قايراتكەرى، تۇركولوگ عالىم، مىرزاتاي جولداسبەكوۆتىڭ ونەگەلى ٴومىر جولىن، مەملەكەت ىسىندەگى قاجىرلى ەڭبەگىن، قازاق عىلىمى مەن مادەنيەتىنىڭ دامۋىنا قوسقان ۇلەسىن جان-جاقتى زەرتتەگەن وتاندىق جانە شەتەل عالىمدارىنىڭ عىلىمي ماقالالارى مەن تانىمال تۇلعالاردىڭ ەسسەلەرى جانە مازمۇندى سۇحباتتارى ەنگىزىلگەن.

«قورقىت اتا اڭىزدارى مەن كۇيلەرى» كىتابىندا قورقىت اتا جايىنداعى اڭىزدار مەن ۇلى قوبىزشىنىڭ كۇيلەرى العاش رەت كەڭ اۋقىمدا بەرىلىپ وتىر. كەيبىر اڭىزدار مەن جاڭادان تابىلعان كۇيلەرى مۋزىكالىق مۇراسىن زەرتەۋشىلەر جاعىمدى جاڭالىق بولارى انىق. سونداي-اق، قۇندى تاريحي دەرەك قورقىت اتانىڭ ٴجۇرىپ وتكەن جەرلەرى مەن سىر بويىنداعى مازارىنىڭ كارتاسى تۇڭعىش رەت تانىستىرىلادى.

جيىنعا ادەبيەت، ونەر، تاريح، ەتنوگرافيا، تۇركولوگيا سالاسىنداعى وتاندىق تانىمال عالىمدار، عىلىمي ينستيتۋتتار مەن جوو رەكتورلارى مەن قىزمەتكەرلەرى، ەتنومادەني قوعامدىق ۇيىمدار، مەملەكەتتىك قۇرىلىم وكىلدەرى، پارلامەنت دەپۋتاتتارى، شەتەل ەلشىلىكتەرى جانە باسقا دا ۇيىم وكىلدەرى قاتىسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي