BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوكشەتاۋدا ەلباسى تۋرالى كىتاپ جارىق كوردى

استانا، baq.kz. قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا كوكشەتاۋدا «الەمگە! عارىشقا! بولاشاققا جول اشقان تۇڭعىش!» اتتى كىتابىنىڭ تۇساۋكەسەرى ٴوتتى.

كىتاپتىڭ اۆتورى – بەلگىلى جۋرناليست، دراماتۋرگ، قوعام جانە ساياسات قايراتكەرى، ٴ5-شى شاقىرىلعان قازاقستان رەسپۋبليكاسى پارلامەنتى سەناتىنىڭ دەپۋتاتى جابال ەرعاليەۆ.

اقمولا وبلىسى اكىمدىگىنىڭ قولداۋىمەن «رۋحاني جاڭعىرۋ» باعدارلاماسىنىڭ اياسىندا جارىق كورگەن كىتاپ قازاقستان رەسپۋبليكاسىنىڭ تۇڭعىش پرەزيدەنتى ن.ٴا.نازاربايەۆتىڭ قىزمەتىنە ارنالدى.

بۇل ماڭىزدى وقيعانى جازۋشىمەن بولىسۋگە ونىڭ ارىپتەستەرى، ٴوڭىردىڭ شىعارماشىلىق جانە عىلىمي ينتەلليگەنسيا وكىلدەرى كەلدى.

جابال ەرعاليەۆتى وبلىس اكىمى مالىك ٴمىرزاليننىڭ اتىنان ورىنباسارى اينا ٴمىسىرالىموۆا قۇتتىقتاپ، تاۋەلسىز قازاقستاننىڭ تاريحى مەن مەملەكەت باسشىسىنىڭ تاعدىرى – بارلىق حالىقتىڭ تاعدىرى ەكەنىن اتاپ ٴوتتى.

488 بەتتىك باسىلىم ٴۇش بولىكتەن تۇرادى. ٴبىرىنشىسى ەرعاليەۆتىڭ ماقالالارى. ەكىنشى تاراۋدا – مەملەكەت باسشىسى ن.نازاربايەۆتىڭ قاتىسۋىمەن قازىرگى زامانعى قازاقستاننىڭ تاريحىنداعى جارقىن كەزەڭدەردىڭ ٴبىرى بەينەلەنگەن. ولاردىڭ ىشىندە بۇۇ باس اسسامبلەياسىنىڭ سەسسياسىندا، الەمدىك دىندەر سەزدەرىن ۇيىمداستىرۋدا، استاناداعى ەقىۇ سامميتىندە سويلەگەن سوزدەرى بار.

اۆتور ٴوز كىتابىندا قازاقستان حالقىنا جولداۋدىڭ ماڭىزدىلىعىن، بيلىكتىڭ الدىندا تۇرعان مىندەتتەردى جانە وسى باعدارلامالىق قۇجاتتى جۇزەگە اسىرۋدىڭ قوعامعا جانە ەكونوميكاعا اكەلەتىن ارتىقشىلىقتارىن كورسەتتى. كىتاپتىڭ ٴۇشىنشى ٴبولىمى - حالىق پەن ەلباسى تۋرالى ويلار مەن پىكىرلەر


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي