BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەيكى باتىر تۋرالى دەرەكتى فيلم تۇسىرىلەدى

قر مادەنيەت جانە سپورت مينيسترلىگىنىڭ جۇمىس توبى تانىمال قاھارماننىڭ سىرتقى بەينەسى مەن مۇسىندىك رەكونسترۋكسياسىن ازىرلەۋ بويىنشا عىلىمي جۇمىستار كەشەنىن اياقتادى. بۇل تۋرالى كەيكى باتىردىڭ دايىن ٴمۇسىنىن تاپسىرۋ بارىسىندا وتكەن قر مادەنيەت جانە سپورت ٴمينيسترى ا. مۇحامەدي ۇلىنىڭ جۇمىس توبىمەن كەزدەسۋىندە بەلگىلى بولدى، دەپ حابارلايدى baq.kz قر مسم ٴباسپاسوز قىزمەتىنە سىلتەمە جاساپ.

مينيستر ا.مۇحامەدي ۇلىنىڭ ايتۋىنا قاراعاندا، قر مادەنيەت جانە سپورت مينيسترلىگى قازاق حالقىنىڭ ۇلت-ازاتتىق قوزعالىسىنىڭ ەڭ تانىمال كوشباسشىلارىنىڭ ٴبىرى بولعان كەيكى باتىردىڭ باس سۇيەگىن قازاقستانعا قايتارۋ ماسەلەسى بويىنشا ۇلكەن جۇمىس جۇزەگە اسىردى. ۇلتتىق قاھارماننىڭ باس سۇيەگى سانكت-پەتەربۋرگ قالاسىندا ورنالاسقان رەسەي عىلىم اكادەمياسى ۇلى پەتر اتىنداعى انتروپولوگيا جانە ەتنوگرافيا مۋزەيىندە ساقتالعاندىعى بەلگىلى.

«بۇل مەملەكەتىمىز جانە ۇلتتىق تاريحىمىز ٴۇشىن ەرەكشە ماڭىزى بار تاريحي وقيعا، - دەدى قازاقستاندىق ۆەدومستۆونىڭ باسشىسى. رەسەي مادەنيەت مينيسترلىگى جانە مادەنيەت ٴمينيسترىنىڭ ٴوزى ۆلاديمير مەدينسكيي جان-جاقتى قولداۋ كورسەتتى. باس سۇيەكتى قازاقستانعا قايتارۋ جانە تاسىمالدى ۇيىمداستىرۋ بويىنشا بىرلەسكەن جۇمىستىڭ ٴىرى كولەمى جۇزەگە اسىرىلدى»، - دەدى مينيستر.

كەيكى باتىر باس سۇيەگىن قازاقستانعا قايتارۋ ەكى مەملەكەت پرەمەر-مينيسترلەرىنىڭ جۇزەگە اسىرعان كەلىسسوزدەردىڭ ناتيجەسى بولىپ تابىلادى.

ا.مۇحامەدي ۇلىنىڭ پىكىرى بويىنشا، كەيكى باتىر باس سۇيەگىن قايتارۋ ماسەلەسىنىڭ ماڭىزدىلىعى تۋرالى تۇسىنىستىك حالىقتار اراسىنداعى دوستىق قارىم-قاتىناستاردىڭ نىعايۋىنا باعىتتالعان. قازاقستان جانە رەسەي، سونىڭ ىشىندە قازاقستان جانە رەسەي مادەنيەت مينيسترلىكتەرى، قازاقستان سىرتقى ىستەر مينيسترلىگى، رەسەي عىلىم اكادەمياسىنىڭ انتروپولوگيا جانە ەتنوگرافيا مۋزەيى قازاقستانعا باسسۇيەكتى قايتارۋ بويىنشا بىرلەسكەن تاريحي جۇمىستى جۇزەگە اسىردى.

«قازاقستان تاۋەلسىزدىگى تاريحىندا العاش رەت ەلىمىزگە وسىنداي ايرىقشا ماڭىزى بار ارتەفاكتىنى قايتارۋعا مۇمكىندىك تۋدى»، - دەدى مينيستر.

ۆەنگريا عالىمدارى جۇرگىزگەن عىلىمي زەرتتەۋلەردىڭ ناتيجەلەرى تۋرالى تانىمال عالىم، قر ورتالىق مەملەكەتتىك مۋزەيدىڭ ديرەكتورى نۇرسان ٴالىمباي بايانداپ بەردى.

«كەيكى باتىردىڭ بەينەسىن قالپىنا كەلتىرۋ بارىسىندا بەلگىلى ٴبىر قيىندىقتار بولدى. انتروپولوگتاردىڭ ايتۋى بويىنشا، باتىرىمىزدىڭ باسىنا جەتى اۋىر سوققى تيگەن ەكەن. باس سۇيەكتىڭ وزگە دە زاقىمدانۋلارى بولدى. ٴبىراق انتروپولوگيالىق رەكونسترۋكسيالاردى جاساۋعا ارنالعان زاماناۋي تەحنولوگيالاردىڭ ارقاسىندا، ۆەنگر عالىمدارى ەكى اي بويى ۇزدىكسىز جۇمىس ناتيجەسىندە كەيكى باتىردىڭ ٴمۇسىنىن قالپىنا كەلتىردى»، - دەپ حابارلادى ن. ٴالىمباي.

كەيكى باتىردىڭ ەرلىگى، باتىلدىعى، تۋعان ەلىن باقىتتى جانە تاۋەلسىز ەتۋگە دەگەن ۇمتىلىسى تۋرالى كوپتەگەن كىتاپ، پوۆەست، پوەمالار مەن دەرەكتى اڭگىمەلەر جازىلدى. ولاردىڭ ىشىندە 2001 جىلى جارىق كورگەن سەرىك تۇرعىنبەكتىڭ «كەيكى باتىر» تاريحي داستانى، 2014 جىلى ش. بايديلدين شىعارعان «كەيكى باتىر» كىتابى بار.

سونىمەن قاتار، بيىل تالانتتى قالامگەر ا. نۇرمانوۆتىڭ كەيكى باتىر جونىندەگى «قۇلاننىڭ اجالى» رومانى 2 مىڭ دانامەن باسىلىپ شىعارىلدى. 2017 جىلى ت.ع.ك. و. بەكماعامبەتوۆتىڭ اۆتورلىعىمەن «كەيكى باتىر» عىلىمي مونوگرافياسى شىعادى دەپ كۇتىلۋدە.

الداعى ۋاقىتتا مادەنيەت مينيسترلىگى تاراپىنان كەيكى باتىر تۋرالى تەاترالدىق قويىلىمدار، دەرەكتى جانە كوركەم فيلمدەر ٴتۇسىرۋدى جوسپارلاپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي