BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق ەرتەگىلەرى ليتۆا تىلىندە جارىق كوردى

استانا، baq.kz. ليتۆاداعى قازاقستان ەلشىلىگى «رۇحاني جانعىرۋ» باعدارلاماسى مەن « ۇلى دالانىڭ جەتى قىرى» اتتى ماقالانىڭ باستى قاعيدالارىن ىسكە اسىرۋ شەڭبەرىندە ليتۆا تىلىندە قازاق ەرتەگىلەرىنىڭ جيناعىن باسپادان شىعاردى.

ەندى جانۋارلار ايتىسى، قارلىعاش پەن «قاڭباق شال» تۋرالى اڭىزدار، «الدار كوسەنىڭ» قىلىقتارى مەن قازاق ەرتەگىلەرىنىڭ باسقا دا تانىمال كەيىپكەرلەرى تۋرالى شىتىرمان وقيعالار كىشكەنتاي ليتۆالىق وقىرماندار مەن ولاردىڭ اتا-انالارى ٴۇشىن قول جەتىمدى بولادى. كىتاپتىڭ العاشقى باسىلىمدارى مەن روجدەستۆو مەرەكەسىنە ورايلاستىرىلعان سىيلىقتار ۆيلنيۋس قالالىق ەمحاناسىنىڭ پەدياتريا ورتالىعىندا ەم الىپ جاتقان بالالارعا سىيعا بەرىلدى.

بالالاردى كىتاپپەن تانىستىرا وتىرىپ، قازاقستاننىڭ ليتۆاداعى ەلشىسى ۆيكتور تەمىربايەۆ ەلىمىز تۋرالى قىزىقتى فاكتىلەرگە توقتالىپ ٴوتتى. اتاپ ايتقاندا، ەلشى الما مەن قىزعالداقتىڭ الەمگە قازىرگى قازاقستان اۋماعىنان تاراعانى مەن العاش رەت جىلقىنى ۇلى دالا كوشپەندىلەرى قولعا ۇيرەتكەنى تۋرالى اڭگىمەلەپ بەردى.

ليتۆالىق بالدىرعانداردىڭ بىرنەشە بۋىنى باعدارلامالارىن كورىپ وسكەن تانىمال تەلە جانە راديو ديكتور بەرنادەتا لۋكوشيۋتە پەدياتريا ورتالىعىنىڭ جاس سىرقاتتارىنا قازاق ۇلتتىق ەرتەگىلەرىنىڭ كەيىپكەرلەرى تۋرالى بىرنەشە ەرتەگى وقىپ بەردى. وسى رەتتە ايتا كەتەرى، قازاق ەرتەگىلەرى بۇلدىرشىندەرگە ارنالعان ليتۆالىق راديودا ەفيرگە بەرىلەدى دەپ كۇتىلۋدە. جاقىن كۇندەرى، قازاق ەرتەگىلەرىنىڭ جيناعىنىڭ جۇزدەگەن داناسى ليتۆا كىتاپحانالارى مەن مەكتەپتەرىنە تاراتىلادى.

سونىمەن قاتار، كىتاپپەن 2019 جىلى اقپاندا وتەتىن «vilnius book fair» كىتاپ جارمەڭكەسىندە تانىسۋعا بولادى. بۇل جەردە، جيناقتىڭ رەسمي تۇساۋكەسەرى دە وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي