BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴقابىر باسىندا ٴوزىڭدى وسىلاي ۇستا

مۇقاعالي ماقاتايەۆ ايتقانداي:

ۋاقىتتى توقتاتار شاماڭ بار ما؟

ٴبارى وتەدى: داۋىرلەر، زاماندار دا.

مەنىڭ جانىم اشيدى مىنا ٴومىردى،

وتپەيتىندەي كورەتىن ادامدارعا! ٴيا، شىنىمەن جەر باسىپ ماڭگى جۇرمەيتىنىمىزدى بىلسەك تە، بىرەۋدىڭ باسىنا كەلگەن ٴولىم بىزگە دە ٴبىر كۇن كەلەتىنىن ۇمىت قالدىرىپ جاتامىز. ٴسويتىپ جۇرگەندە قامشىنىڭ سابىنداي از عانا عۇمىرىڭ وتە شىعادى.

بۇگىنگى كۇنى ٴولىم-جىتىم دەگەن وتە كوپ. كارىسى دە جاسى دا اجال قۇشىپ جاتىر. قازاق بولعاننان كەيىن تۋعان-تۋىس، تانىس-تامىر كوپ. ەكى كۇننىڭ بىرىندە پالەنشەنىڭ پالەنشەسى قايتىس بولىپتى دەگەن سۋىت حابار ەستيمىز. جاقىن تانىسىڭ بولسا، ەكى-ۇش كۇن قابىرعامىز قايىسار، تانىماساق ٴتىپتى ويلامايمىز. قۇداي بەتىن اۋلاق قىلسىن دەيمىز دە، ٴوز جۇمىسىمىزبەن جۇرە بارامىز.

ولىم-وسيەت دەگەن پايعامبارىمىزدىڭ (س.ع.س) ٴسوزى بار ەمەس پە؟! ٴولىم جايىندا ٴقابىر باسىندا، بىرەۋدىڭ جانازاسىندا كوبىرەك ويلاناتىنىمىز انىق. جەرلەۋ راسىمىندە، قوناقاسىندا دۇنيەاۋي اڭگىمە ايتىپ كەتەتىندەر دە بار. كوڭىل ايتا بارعاندا كىمنىڭ قالاي جىلاپ وتىرعانىن اڭدىپ، سونى ٴسوز قىلىپ وتىراتىندار دا جوق ەمەس. ماسەلە وندا ەمەس، ٴولىم پەرىشتەسى ٴبىزدى دە اينالىپ وتپەيتىنىن، ٴبىز دە ٴولىمنىڭ اششى ٴدامىن تاتاتىنىمىزدى سەزىنۋ، ٴتۇيسىنۋ.

ٴابۋ حۋرايرا (ر.ا) بىرەۋدى جەرلەپ جاتىپ; «بارىڭدار، ٴبىز دە ۋاقىتى كەلگەندە ارتتارىڭنان ىلەسەمىز»، -دەگەن ەكەن. بۇگىن بە، ەرتەڭ بە بارلىعىمىزدىڭ باسىمىزعا تۇسەتىن كۇن.

ٴقابىردىڭ جانىندا تۇرىپ، وسەك-اياڭ ايتۋ استامشىلىق. ٴتىپتى ويىمىزعا دا اباي بولعانىمىز ٴجون. ادامعا جامان وي الدىمەن تاپ بولادى عوي. انا دۇنيەگە اتتانعان ادامنىڭ دۇنيەدە جاساعان جامانشىلىعى بولسا، سونى ويلاپ تۇرۋدىڭ ٴوزى ٴولىمنىڭ عيبراتىن تۇسىنبەگەنىمىزدە. ٴقابىر باسىندا داۋىستاپ سويلەۋ، كۇبىرلەپ اڭگىمە ايتۋ ادەپسىزدىك. حاتىب ٴاش-شيربيني (اللا وعان رازى بولسىن) «مۋعني مۋحتاج» كىتابىندا: «قايتىس بولعان ادامدى اقتىق ساپارعا شىعارىپ سالعاندا شۋلاماعان ابزال» دەسە، ال-بايحاكيي ساحابالار (اللا ولارعا رازى بولسىن) ٴقابىر جانىندا، شايقاس كەزىندە جانە زىكىر ايتىلعاندا داۋىس كوتەرىپ سويلەۋدى قۇپ كورمەگەنىن جەتكىزەدى. يمام ٴان-ناۋاۋي ٴوزىنىڭ «ٴال-مادجمۋ» كىتابىندا بىلاي دەپ جازادى: «سالياف اس-ساليح ٴقابىر باسىندا مۇلدەم سويلەمەگەن. بۇل وتە دۇرىس شەشىم ەدى».

مۇسىلمان قايدا جۇرسە دە شاريعاتتىڭ شەڭبەرىنەن شىقپاي، ايتىلعانعا قۇلاق سالسا، وزىنە قايىرلى بولماق. قورىتا كەلگەندە مىنا ٴفاني اقىرەتتىك جەمىستەردى ەگەتىن ەگىن القابى سياقتى، باپتاپ-دۇرىستاپ ەكسەڭ، ياعني جاقسى امالدارىڭ بولسا، سوعان قاراي نەسىبەڭدى الاسىڭ.

ihsan.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي