BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يسلامداعى سالەمدەسۋ تاعىلىمى

«باستالار ٴسوزدىڭ باسى امانمەن» قازاق حالقىنىڭ ەجەلدەن كەلە جاتقان جىرلارىندا ايتىلاتىنداي، كەزدەسكەندە الدىمەن سالەم بەرۋدىڭ ماڭىزى ايىرىقشا. ۇلتىمىزدا «سالەم ٴ–سوزىڭ اناسى» دەگەن ۇلاعاتتى ٴسوز بار.

...سويلەۋ ٴۇشىن جاراتقان

ٴسوز اناسى – سالەمدى ايت، دەپ توكپە جىردىڭ جورعاسى بۇقار بابامىز بەكەر ايتپاسا كەرەك. قازاقتا سالەمگە ايىرىقشا ٴمان بەرگەن. الىستان كەلگەن ادامعا جاسى ۇلكەن دەمەي سالەم بەرگەن. «الىستان التى جاسار بالا كەلسە الپىستاعى كەپ سالەم بەرەدى» دەگەن ٴسوز وسىدان قالسا كەرەك. قازاقتا سالەم بەرگەندە انىق داۋىسپەن اماندىق-ساۋلىق سۇراسادى. ادامنىڭ ادامگەرشىلىگىن ونىڭ بەرگەن سالەمىنەن تانيتىن بولعان.

اسىل دىنىمىزدە دە سالەم بەرۋگە ەرەكشە ماڭىز ەرىلگەن.

اللانىڭ ەلشىسى (س.ع.س):«راسىندا، ٴاس-سالام – ول اللاتاعالانىڭ جەردە قالدىرعان ەسىمدەرىنىڭ ٴبىرى. ەندەشە ونى ارالارىڭدا تاراتىڭدار! ەگەر ٴبىر ادام باسقا ادامدارعا سالەم ايتسا جانە ولار بۇنىڭ سالەمىنە جاۋاپ بەرسە، بۇل ادامنىڭ انالاردان ارتىقشىلىعىن كورسەتەدى. ويتكەنى ول ٴبىرىنشى بولىپ ولارعا ەسكە ٴتۇسىردى. ال ەگەر وعان جاۋاپ بەرمەسە، وندا وعان ودان دا جاقسىلار مەن لايىقتىلارى جاۋاپ بەرەدى».[ٴات-تاباراني 10391، ٴال-باززار 1999.] دەپ وسيەت ەتكەن.

ٴبىر سوزبەن ايتقاندا سالەم بەرۋدە جانە سالەمدى قابىلداۋدا ەرەكشە ساۋاپ بار ەكەندىگىن وسىدان بىلەمىز.

ارداقتى پايعامبارىمىز (س.ع.س) ٴوز حاديستەرىندە: «راسىندا، مىندەتتى تۇردە كەشىرىلۋلەرىڭنىڭ سەبەپتەرى بولىپ – سالەمدى تاراتۋ مەن جاقسى ٴسوز سويلەۋ بولىپ تابىلادى» دەپ ادامدار سالەم بەرىپ، سالەم ايتىپ جاقسى ٴسوزدىڭ اسا زور ساۋاپتىڭ باستاۋى ەكەندىگىنە توقتالعان.

ابدۋللا يبن وماردان (ر.ا) جەتكەن حاديستە اللانىڭ ەلشىسى (س.ع.س) بىلاي دەپ ايتقان ەكەن: «سۇراق قويۋدان الدىن ٴبىرىنشى سالەمنەن باستاۋ كەرەك! ال سالەمدەسۋدەن بۇرىن سۇراقتى قويعان ادامعا كەلسەك، وندا وعان جاۋاپ بەرمەڭدەر».

دەمەك، ادامدار الدىمەن ٴسوزىن سالەمنەن باستاۋ كەرەكتىگىن ناقتى جەتكىزگەن.

«سالەم – سوزدەن بۇرىن» دەپ ارداقتى پايعامبارىمىز (س.ع.س) وسيەت ەتكەن.

سالەمدەسۋ ادامدار اراسىنداعى بىرلىكتى، دوستىقتى، ىنتىماقتى كورسەتەدى. پايعامبارىمىزدىڭ (س.ع.س) حاديسىندە: «مۇسىلمان ادامنىڭ باسقا مۇسىلماندا التى اقىسى بار»، — دەدى. سوندا ساحابالار: «يا، راسۋلۋللا! ولار نە؟» — دەپ سۇرايدى. سوندا اللا ەلشىسى: «ەگەر ونى كەزدەستىرسەڭ، وعان سالەم بەر…»، — دەپ جاۋاپ بەرگەن ەدى.

دەمەك، مۇسىلمان مقسىلمانعا كەزدەسكەندە سالەم بەرۋ ونىڭ پارىز اقىسى بولىپ ەسەپتەلەدى.

قازاقتا «سالەمىم ٴتۇزۋ» دەگەن ٴسوز بار. ەندەشە، امان-سالەمىمىز ٴتۇزۋ بولعاي!

تيمۋر قاجى قايدار ۇلى

شقو «زايسان اۋداندىق مەشىتىنىڭ» باس يمامى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي