BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«يراننىڭ قازىرگى ٴداۋىر ادەبيەتى» اتتى كىتاپ جارىققا شىقتى

«اسىل كىتاپ» باسپاسىنان يراندىق تانىمال عالىم دوكتور احماد حاتاميدىڭ «يراننىڭ قازىرگى ٴداۋىر ادەبيەتى» اتتى كىتابى 304 بەتتىك كولەمدە جارىققا شىقتى. كىتاپتى پارسى تىلىنەن اۋدارىپ، پارسى ٴتىلى مەن ادەبيەتىندە كەزدەسەتىن ەتنومادەني سوزدەرگە تۇسىنىك جازعان – شىعىستانۋشى-يرانتانۋشى عالىم، فيلولوگيا عىلىمدارىنىڭ كانديداتى ايناش قاسىم.

ەڭبەكتە پروزاداعى دجامالزادەنىڭ «يەكي بۋد، يەكي نابۋد» (ەرتە، ەرتە، ەرتەدە...) (1921 ج.) دەپ اتالاتىن نوۆەللالار جيناعى مەن پوەزياداعى نيما يۋشيدجدىڭ «عوعنوس» (جالىنقۇس) (1937 ج.) ولەڭىمەن باستالاتىن يراننىڭ قازىرگى ٴداۋىر ادەبيەتى (1921-2011 ج.ج.) جايلى جان-جاقتى مالىمەت، سونىڭ ىشىندە تانىمال جاڭاشىل اقىن-جازۋشىلاردىڭ ٴومىرباياندارى ساياسي-الەۋمەتتىك وقيعالار توعىسىندا قاراستىرىلىپ، شىعارمالارىنىڭ ۇزىندىلەرى ٴتۇپنۇسقا ٴتىل – پارسى تىلىنەن قازاق تىلىنە تۇڭعىش رەت اۋدارىلىپ، وقىرمانعا ۇسىنىلىپ وتىر.

كىتاپ زەرتتەۋشىلەرگە، سونىڭ ىشىندە، ادەبيەتتانۋشىلار مەن شىعىستانۋشىلارعا، فولكلورتانۋشىلارعا، ستۋدەنتتەر مەن ماگيسترانتتارعا، جالپى يران ادەبيەتىنە قىزىعۋشىلىق تانىتاتىن وقىرماندارعا ارنالعان.

parstoday.com


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي