BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يمانعالي كەيكىنى بەكەر ىزدەمەيدى

يمانعالي كەيكىنى بەكەر ىزدەمەيدى

يمانعالي تاسماعامبەتوۆ كەيكى باتىرعا بايلانىستى جيىن وتكىزىپتى. ٴبىر نارسەنى باسا ايتقىم كەلەدى. بۇل جيىندى ول ۆيسە-پرەمەر بولعاندىقتان عانا وتكىزدى دەسەك، قاتەلەسەمىز.

استانا قالاسىنىڭ اكىمى قىزمەتىندە جۇرگەندە، الدەبىر جيىننان كەيىن: "ٴجۇر، اكىمدىككە دەيىن جاياۋ بارايىق" دەدى. قالانى ارالاپ كەلەمىز. جالپى، يمەكەڭ تۇڭعيىققا، تىلسىم دۇنيەگە جانى قۇمار ادام. ەل مەن جەردى ارالاپ، تاريحي دۇنيەنى اقتارعاندى، ەكسپەديسياعا شىققاندى جانى سۇيەدى. مەنىڭ دەرەكتى فيلمدەر جاسايتىنىمدى دا، تاريحي تۇلعالاردىڭ ىشىندە كەيكىنى زەرتتەۋگە قۇلشىنىپ جۇرگەنىمدى دە جاقسى بىلەدى.

"كەيكىنى تەرەڭ زەرتتەۋىمىز كەرەك. بىرەۋىمىز ەمەس، جابىلىپ زەرتتەسەك تە ارتىق بولمايدى. ول تاۋەلسىزدىك جولىندا جانىن قۇربان ەتكەن ەرەكشە تۇلعا. كينو تۇسىرگەنىمىز دۇرىس. ەكسپەديسيا ۇيىمداستىرۋدى قولعا العانىڭ دۇرىس بولار" دەپ تاپسىرىپ ەدى سوندا.

استاناداعى، قوستانايداعى، ارقالىقتاعى كەيكىنىڭ تاريحىن بىلەدى-اۋ دەگەن ازاماتتارمەن تىلدەسىپ، جول كارتاسىن جاساپ، ەندى كىرىستىك دەگەندە بىردەڭەنىڭ قييۋى كەلمەي قالدى. قورعانىس ٴمينيسترى بولىپ جۇرگەندە تاعى دا قۇلاققاعىس جاسادى. "انە، مىنە" دەدىك تاعى دا. سوندىقتان دا بۇل جيىندى يمەكەڭ ۆيسە-پرەمەر بولماسا دا وتكىزەر ەدى دەپ ويلايمىن. وسى ەلدىڭ رۋحى مەن تاريحىنا قاجەتتى تەرەڭىنەن تۇسىنەتىن ەلدىڭ ازاماتى بولعاندىقتان دا، كەيكى سياقتى قىننان سۋىرىلعانداي قىلپىلداپ تۇرعان الماستى جانى سۇيەتىندىكتەن، كەيكى سياقتى ەرلەرگە جانى جاقىن بولعاندىقتان دا.

ال، جىگىتتەر، جازايىق ەندى. كينو تۇسىرەيىك، دراما جازايىق، ٴبىر ەمەس، بىرنەشەۋ بولسىن. كەيكى مەرگەن قالاي سيپاتتاۋعا دا ساي تۇلعا. كەيكىگە جاقىندايىق تا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي