BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«حاليفا التاي» مەشىتى الاش قوزعالىسىنىڭ 100 جىلدىعىن ۇلىقتاۋدى باستاپ كەتتى

قمدب-نىڭ عۇلامالار كەڭەسىنىڭ xv ماجىلىسىندە الاشوردا ۇكىمەتىنىڭ 100 جىلدىعىنا وراي الاش قايراتكەرلەرىنىڭ ەرەن ەڭبەگى تۋرالى قمدب ٴتوراعاسى، باس ٴمۇفتي ەرجان قاجى مالعاجى ۇلى: «مۇسىلماندىقتى مۇرات ەتكەن كەشەگى الاش قايراتكەرلەرىنىڭ ەل ىشىندەگى ساۋاتسىزدىقپەن ايانباي كۇرەسىپ، اعارتۋشىلىقپەن اينالىسۋى – وتكەن عاسىردىڭ ولمەس ونەگەسى، ەستەن كەتپەس ەرلىگى دەپ ايتار ەدىك» دەپ اتاپ كورسەتتى.

شقو «حاليفا التاي» مەشىتىنىڭ ٴباسپاسوز قىزمەتىنىڭ حابارلاۋىنشا، سونىمەن قاتار الاش ۇكىمەتىنىڭ 100 جىلدىعىنا ارنالعان كونفەرەنسيا وتكىزىلەتىندىگىن ايتقان بولاتىن.

الاش قايراتكەرلەىرنىڭ وتانشىلدىق يدەيالارىن ناسيحاتتاۋ، ولاردىڭ تاريحي ەڭبەگىن تانىتۋ، زەردەلەۋ ماقساتىندا قمدب-نىڭ وسكەمەن ايماعى وكىلدىگى «الاش ۇكىمەتىنە 100 جىل:تاريح تاعىلىمى» اتتى شارا وتكىزدى.

جيىنعا وبلىستىق «حاليفا التاي مەشىتىن مەن وسكەمەن قالالىق مەشىتتەردىڭ يمامدارى، شاكىرتتەرى، جاستار، تاريحشىلار قاتىستى. شارا الاشوردا تاريحىنا بايلانىستى جازىلعان كىتاپ كورمەسىمەن تانىسۋدان باستالدى.

«الاشوردا تاريحى تاۋەلسىز قازاقستاننىڭ تاريحىنداعى ماڭىزدى پاراقتار دەپ ايتۋعا بولادى. الاش زيالىلارى تاۋەلسىزدىك يدەياسىن ناسيحاتتاپ، قازاقتىڭ ٴبىلىمدى، باسەكەگە قابىلەتتى، دامىعان ەل بولۋ ٴۇشىن جان اياماي ەلگە، ۇلتقا قىزمەت ەتتى. ولاردىڭ ٴجۇرىپ وتكەن جولىنداعى تاعىلىمعا تولى ەرلىك ىستەرى بىزگە ۇلگى. الاش زيالىلارى ەڭ باستىسى ٴبىلىمدى ۇرپاق تاربيەلەۋدى باستى ماقسات ەتكەن» دەپ اتاپ ٴوتتى، وكىل يمام شارا بارىسىندا.

سونىمەن قاتار ول ٴوز سوزىندە الاش ارداقتىلارىن ۇلىقتاپ، تاريحىن تانىپ جاتقانىمىزدىڭ ٴوزى تاۋەلسىزدىكتىڭ ارقاسى ەكەندىگىن ايتىپ، الاش قايراتكەرلەرىن ۇلىقتاۋدىڭ ماڭىزدىلىعىن جەتكىزدى.

جيىندا تاريح عىلىمىنىڭ كانديداتى ٴادىل سايلاۋ «الاش ۇكىمەتىنىڭ قۇرىلۋى مەن ماقساتى» تۋرالى بايانداما جاسادى. ول ٴوز بايانداماسىندا كوپتەگەن قۇندى دەرەكتەردى كەلتىردى.

شاراعا قاتىسقاندار الاش ۇكىمەتى جايلى، الاش قايراتكەرلەرى ٴاليحان بوكەيحان، احمەت بايتۇرىسىن ۇلى، ٴمىرجاقىپ دۋلاتوۆ، وتىنشى ٴالجانوۆ، رايىمجان مارسەكوۆ، ماعجان جۇمابايەۆتاردىڭ ومىرىنەن مول ماعۇلمات الدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي