BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«حاليفا التاي» مەشىتى 2-كەزەڭدىك وقۋ ماۋسىمىن اياقتادى

اۋىلدار مەن اۋدانداردى ٴدىني ماماندارمەن قانىمداۋ تۋرالى ٴدىني باسقارمانىڭ العا قويعان ماقساتتارى اياسىندا قمدب-نىڭ وسكەمەن ايماعى وكىلدىگى وتكەن جىلدىڭ قازان ايىنان باستاپ مەشىت جانىنان ارناۋلى 2 ايلىق كۋرس اشقان بولاتىن. وعان ٴار اۋداندارداعى يمامدىققا بەيىمى بار ازاماتتار جيناپ، وقىتىپ، سەرتيفيكات بەرىپ، يمامى جوق مەشىتتەرگە قىزمەتكە جىبەرىلگەن ەدى.

وسى وقۋ كۋرسىنىڭ 2 ايلىق ەكىنشى ماۋسىمىندا وقىعان شاكىرتتەر وقۋلارىن اياقتادى. الدىمەن ولاردان بىلىكتى ۇستازداردان قۇرالعان توپ 2 ايدا يگەرگەن بىلىمدەرىنەن ەمتيحان الىپ، مەڭگەرگەن ٴبىلىم دەڭگەيلەرىن باعالادى. شاكىرتتەر سىناقتى ۇزدىك تاپسىردى.

ولارعا قاسيەتتى جۇما كۇنى جاماعات الدىندا وسكەمەن ايماعىنىڭ وكىل يمامى سەرتيفيكاتتارىن ۇلەستىردى. يمامدىققا بەيىمى بار ازاماتتاردىڭ بۇل جولعى وقۋ ماۋسىمىن وبلىستىڭ 11 اۋدانىنان 40-تان استام شاكىرت ٴبىتىرىپ شىقتى. ولارعا جەرگىلىكتى بىلىكتى ۇستازدارمەن قاتار مىسىر اراب ەلىنەن، تۇركيا مەملەكەتىنەن ارنايى ۇستازدار شاقىرىلىپ، ٴدارىس بەردى.

«حالىقتىڭ ٴدىني ساۋاتتىلىعىن ارتىرۋ ٴۇشىن جانە يمامى جوق مەشىتتەردى يمامدارمەن قامتۋ ماقساتىندا وبلىستىق مەشىتتەن ارناۋلى 2 ايلىق كۋرس ۇيىمداستىرعامىز. العاشقى كۋرس جەلتوقسان ايىندا بىتىرگەن بولاتىن. بۇگىن 2-ايلىق وقىتۋدىڭ 2-كەزەڭى وقۋلارىن تابىستى اياقتاپ وتىر. بۇل شارا الدا دا جالعاسىن تابادى.. ٴبىز اۋدانداردان كەلگەن شاكىرتتەرى مەشىتتە جاتار ورىنمەن، اس-سۋمەن قانىمداپ وتىرمىز. وڭىردە ٴدىني ماماندار تاپشىلىعىن جويۋ باعىتىن ۇستانىپ وتىرمىز» دەپ اتاپ ٴوتتى وكىل يمام جاماعات الدىندا.

سونىمەن قاتار ول شاكىرتتەرگە ساتتىلىك تىلەپ، دۇعا جاسادى.

وبلىستىق مەشىتتە 2 اي وقىپ، ساپالى ٴبىلىم الىپ شىققان شاكىرتتەر مەشىت ۇجىمىنا، ۇستازدار قاۋىمىنا العىستارىن ايتتى.

«حاليفا التاي» مەشىتى ەندى 2 ايلىقتىڭ كەلەسى كەزەڭىنە اۋدانداردان شاكىرتتەر قابىلداپ جاتىر..

شقو «حاليفا التاي» مەشىتىنىڭ ٴباسپاسوز قىزمەتى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي