BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گ.ٴابدىقالىقوۆا ددسۇ ەۋروپا بيۋروسىنىڭ وڭىرلىك ديرەكتورىمەن كەزدەستى

فوتو: Baq.kz архивінен

قازاقستان رەسپۋبليكاسىنىڭ مەملەكەتتىك حاتشىسى گۇلشارا ٴابدىقالىقوۆا دۇنيەجۇزىلىك دەنساۋلىق ساقتاۋ ۇيىمىنىڭ ەۋروپا بيۋروسىنىڭ وڭىرلىك ديرەكتورى جۋجاننا ياكابپەن كەزدەستى، دەپ حابارلايدى اقوردانىڭ ٴباسپاسوز قىزمەتى.

كەزدەسۋ بارىسىندا قازاقستان مەن دۇنيەجۇزىلىك دەنساۋلىق ساقتاۋ ۇيىمى اراسىنداعى ىنتىماقتاستىقتى دامىتۋ پەرسپەكتيۆالارى تالقىلاندى. گۇلشارا ٴابدىقالىقوۆا ج.ياكابتى تەدروس ادحانومنىڭ دۇنيەجۇزىلىك دەنساۋلىق ساقتاۋ ۇيىمىنىڭ جاڭا باس ديرەكتورى بولىپ تاعايىندالۋىمەن قۇتتىقتادى.

مەملەكەتتىك حاتشى دۇنيەجۇزىلىك دەنساۋلىق ساقتاۋ ۇيىمىنىڭ قوعامدىق دەنساۋلىق ساقتاۋ جۇيەلەرى مەن قىزمەتتەرىن نىعايتۋعا باعىتتالعان بارلىق باستامالارىنىڭ ماڭىزدىلىعىن اتاپ ٴوتتى.

گۇلشارا ٴابدىقالىقوۆا دەنساۋلىق ساقتاۋدىڭ، سونىڭ ىشىندە بۇۇ-نىڭ ورنىقتى دامۋ ماقساتتارىنا قول جەتكىزۋدىڭ وزەكتى ماسەلەلەرىن شەشۋدە دۇنيەجۇزىلىك دەنساۋلىق ساقتاۋ ۇيىمىمەن بىرلەسكەن جوبالاردى ىسكە اسىرۋعا ەلىمىزدىڭ بەلسەندى تۇردە اتسالىسىپ وتىرعانىن ايتتى.

مەملەكەتتىك حاتشى قازاقستان رەسپۋبليكاسىنداعى دەنساۋلىق ساقتاۋدى دامىتۋدىڭ مەملەكەتتىك باعدارلاماسىن ىسكە اسىرۋدا، اتاپ ايتقاندا انا مەن بالا دەنساۋلىعىن قورعاۋ، وكپە اۋرۋىنىڭ الدىن الۋ ٴارى ونىمەن كۇرەسۋ، مەديسينالىق جانە فارماسەۆتيكالىق ٴبىلىم بەرۋ جانە ت.ب. ماسەلەلەر بويىنشا دۇنيەجۇزىلىك دەنساۋلىق ساقتاۋ ۇيىمى تاراپىنان قولداۋ كورسەتىلىپ جاتقانىن اتاپ ٴوتتى.

اڭگىمەلەسۋ بارىسىندا دۇنيەجۇزىلىك دەنساۋلىق ساقتاۋ ۇيىمىنىڭ گەوگرافيالىق تۇرعىدا شالعايدا ورنالاسقان الماتى قالاسىنداعى العاشقى مەديسينالىق-سانيتارلىق كومەك كورسەتۋ جونىندەگى ٴوفيسىنىڭ قىزمەتى تالقىلاندى.

سونداي-اق، گۇلشارا ٴابدىقالىقوۆا قازاقستاننىڭ الماتى قالاسىندا بۇۇ-نىڭ كوپجاقتى ديپلوماتيا جونىندەگى حابىن قۇرۋ باستاماسى تۋرالى ايتتى.

ج.ياكاب قازاقستانعا دەنساۋلىق ساقتاۋ سالاسىندا جۇرگىزىپ وتىرعان ساياساتى ٴۇشىن ريزاشىلىق ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي