BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى قورىنىڭ جاستارعا قامقورلىعى ەرەكشە - قور ستەپەنديانتى

استانا، baq.kz. قازاقستان رەسپۋبليكاسى تۇڭعىش پرەزيدەنتى ەلباسى قورى ەلىمىزدىڭ دامۋى جولىندا ٴتۇرلى شارالار اتقارىپ كەلە جاتقان بىرەگەي ورتالىقتاردىڭ ٴبىرى.

ادەبيەت پەن الەۋمەت سالاسىنداعى ٴارتۇرلى بايقاۋلار، تەحنيكالىق ماماندىقتار بويىنشا ٴتۇرلى جارىستار، ۇلت پەن ۇرپاققا ۇلاعاتتى ٴسوزىن ايتا الاتىن تۇلعالارمەن وتكىزىلگەن كەلەلى كەزدەسۋلەر سونىڭ دالەلى بولسا كەرەك. قازاقستان رەسپۋبليكاسى تۇڭعىش پرەزيدەنتى – ەلباسى قورىنىڭ ستەپەندياسى دا ەلىمىزدىڭ تۇكپىر-تۇكپىرىندەگى تالاناتتى جاستاردىڭ تالابىن ۇشتاۋعا، ولارعا قارجىلاي ٴھام رۋحاني قولداۋ كورسەتۋگە باعىتتالعان.

تۇركىستان قالاسىنداعى قوجا احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ تۋريزم ماماندىعىنىڭ 4-كۋرس ستۋدەنتى سۇڭقار مادەنيەتقىزى اتالعان ستەپەنديانىڭ يەگەرى اتانعان.

«مەن 2015 جىلى مەكتەپتى «التىن بەلگىمەن» ٴتامامداپ، مەملەكەتتىك گرانتتى جەڭىپ الدىم. اكەم: «باستاعان ىسىڭدە تەك الدى بول»، دەپ ايتىپ وتىرادى. سوندىقتان دا بولار ۋنيۆەرسيتەت قابىرعاسىندا كوپتەگەن عىلىمي-تەوريالىق كونفەرەنسيالارعا، رەسپۋبليكالىق وليمپيادالارعا قاتىسىپ، جۇلدەلى ورىنداردى يەلەندىم، ۋنيۆەرسيتەتتىڭ قوعامدىق ومىرىنە دە بەلسەنە ات سالىسىپ كەلەمىن، وقۋ ۇلگەرىمىمدە وتە جاقسى. جاقىندا وتكەن قازاقستان رەسپۋبليكاسى تۇڭعىش پرەزيدەنتى – ەلباسى قورىنىڭ تالاناتتى جاستاردى قارجىلاي قولداۋى ماقساتىندا ۇيىمداستىرىلعان كونكۋرسقا قاتىسىپ، قازاقستان رەسپۋبليكاسى تۇڭعىش پرەزيدەنتى – ەلباسىنىڭ قورىنىڭ ستەپەنديانتى اتاندىم. قازاقستان رەسپۋبليكاسى تۇڭعىش پرەزيدەنتى – ەلباسىنىڭ قورىنىڭ ٴبىلىمدى، تالاناتتى ستۋدەنتتەردى قارجىلاي قولداۋى، ول ارينە ستۋدەنتتەردى تەك قارجىلاي عانا ەمەس، رۋحاني جاقتاندا ۇلكەن موتيۆاسيالىق قولداۋعا يە. ەلباسى قورىنىڭ ستەپەندياتى اتانعاندا مەنىڭ بويىمدى بولاشاققا دەگەن سەنىمدىلىكپەن ەرتەڭگى كۇنى حالقىم مەن مەملەكەت الدىندا جاۋاپكەرشىلىك كۇشى بيلەدى. ەلباسى قورى تاراپىنان بۇنداي قولداۋعا يە بولۋ، ول ٴار ستۋدەنت ٴۇشىن ۇلكەن جەتىستىك»، - دەيدى ول.

قازاقستان رەسپۋبليكاسى تۇڭعىش پرەزيدەنتى – ەلباسى قورىنىڭ 2018 جىلعى ستەپەندياتتارىن ماراپاتتاۋ الماتى قالاسىندا، تۇران ۋنيۆەرسيتەتىندە ٴوتتى. قازاقستاننىڭ جوعارعى وقۋ ورىندارىنان جينالعان ەلباسى قورىنىڭ ستەپەنديا جەڭىمپازدارى بىر-بىرىمەن تانىسىپ، پىكىر الماستى. «قازىرگى قازاقستاندا عىلىمنىڭ يننوۆاسيالىق دامۋى مەن سۇرانىس» اتتى xii حالىقارالىق عىلىمي كونفەرەنسيانىڭ اشىلۋىندا ۇزدىكتەرگە سالتاناتتى تۇردە سەتەپەنديا كۋالىگى تابىستالدى.

ەلباسى قورىنىڭ جاستاردى قارجىلاي قولداۋى «بولام دەگەن بالانىڭ بەتىن قاقپا، بەلىن بۋ» دەگەن قازاقتىڭ جاقسى ٴبىر ماقالىنا نەگىزدەلگەندەي. تالانتتى ستۋدەنتتەردى قولداۋ، ول ەلىمىزدىڭ ەرتەڭىنە ينۆەستيسيا سالعانمەن تەڭ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي