BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۋداپەشتە كەيكى باتىردىڭ باس سۇيەگىن قالپىنا كەلتىرۋ جۇمىسى باستالدى

13 قازان كۇنى قازاقستان ەلشىلىگىنىڭ كومەگىمەن قر ورتالىق مەملەكەتتىك مۋزەيى بۋداپەشت قالاسىنا كەيكى باتىردىڭ باس سۇيەگىن جەتكىزدى، دەپ حابارلايدى قازاقپارات.

بۇل تۋرالى قازاقستاننىڭ ماجارستانداعى ەلشىسى نۇرباق رۇستەموۆ فەيسبۋكتەگى پاراقشاسىندا حابارلاپ وتىر.

«ۆەنگريانىڭ جاراتىلىستانۋ عىلىمدارى مۋزەيىندە قازاقستان رەسپۋبليكاسىنىڭ ورتالىق مەملەكەتتىك مۋزەيىنىڭ ديرەكتورى نۇرسان ٴالىمباي ۆەنگريا مۋزەيىنىڭ باس ديرەكتورى زولتان كورشوشقا دنك ساراپتاماسىن جۇرگىزىپ، قالپىنا كەلتىرۋ ٴۇشىن كەيكى باتىردىڭ باس سۇيەگىن تاپسىردى. مۋزەيدىڭ انتروپولوگيالىق بولىمىنە جەتەكشىلىك ەتەتىن اگنەش كۋشتار كەيكى باتىردىڭ باس سۇيەگىن قالپىنا كەلتىرۋ جۇمىستارىن ٴوز باسشىلىعىنا الدى»،-دەپ حابارلاعان ەلشى ن.رۇستەموۆ.

كەزدەسۋ بارىسىندا ن.ٴالىمباي ماجارلىق عالىمدارعا 1916 جىلعى ۇلت-ازاتتىق كوتەرىلىسىنە قاتىسقان كەيكى باتىردىڭ باس سۇيەگى 93 جىل وتكەن سوڭ وتانىنا قايتارىلعانىن جانە دە باتىردىڭ باس سۇيەگىن قالپىنا كەلتىرۋ قازاقستان ٴۇشىن تاريحي وقيعا ەكەنىن اتاپ وتكەن.

بۋداپەشتەگى مۋزەيدىڭ باس ديرەكتورى زولتان كورشوش بولسا، وسىنداي تاريحي مىندەتتى سەنىپ تاپسىرعان قازاقستاندىقتارعا العىس ايتىپ، ماجارلىق عالىمدار سوڭعى تەحنولوگيالاردىڭ ارقاسىندا ساپالى جۇمىس اتقاراتىنىنا سەندىردى.

«ايتا كەتۋ كەرەك، ۆەنگريانىڭ جاراتىلىستانۋ عىلىمدارى مۋزەيىنە بيىل 214 جىل تولدى. مۋزەي ىشىندە 10 ميلليونعا جۋىق ەكسپونات بار. ال انتروپولوگيالىق ٴبولىم 70 رەت ادامنىڭ باس سۇيەگىن قالپىنا كەلتىرەتىن تاسىلمەن جۇمىس ىستەگەن، سونىڭ ىشىندە ٴابىلحايىر حاننىڭ دا باس سۇيەگىن قالپىنا كەلتىرگەن»،-دەپ حابارلادى ەلشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي