BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيرو اندراش: كەيكى باتىر - ٴبىز قالپىنا كەلتىرگەن ەكىنشى قازاق ەكسكليۋزيۆ

فوتو: Ержан Жаубай

وتكەن جىلى ەلىمىزدەگى ەلەۋلى وقيعالاردىڭ ٴبىرى ايگىلى كەيكى باتىردىڭ باسىنىڭ ەلگە جەتكىزىلۋى بولاتىن. سول كەزدەگى پرەمەر-مينيستر كارىم ٴماسىموۆ پەن قازاقستاننىڭ رەسەيدەگى توتەنشە جانە وكىلەتتى ەلشىسى مارات ٴتاجيننىڭ اتسالىسۋىمەن وتانعا ورالعان ارۋاقتى ەردىڭ باس سۇيەگى بيىل باتىردىڭ دەنەسىمەن بىرگە، ٴوزى تۋعان تورعاي توپىراعىنا جەرلەنەدى دەلىنگەن ەدى.

بۇگىن استانادا ٴوتىپ جاتقان « ۇلى دالا» ٴىى گۋمانيتارلىق عىلىمدار فورۋمىندا كەيكى باتىردىڭ باس سۇيەگى ارقىلى ونىڭ كەلبەتىن قالپىنا كەلتىرگەن انتروپولوگ عالىم ماجارستاننىڭ «ماديار-تۋران» قورىنىڭ ٴتوراعاسى بيرو اندراش جولت مىرزامەن سۇقباتتاسۋدىڭ ٴساتى تۇسكەن ەدى.

«ونىڭ باس سۇيەگى وتە جاقسى ساقتالعان. انتروپولوگيالىق بەت الپەتىن قالپىنا كەلتىرۋدە تىم قينالا قويعامىز جوق. ٴبىزدىڭ نەگىزگى جۇمىستارىمىز ونىڭ بەت-الپەتىن تابيعي بەت-پىشىنىنە نەگىزدەپ جاسادىق» - دەيدى انتروپولوگ تاريحشى.

ونىڭ ايتۋىنا قاراعاندا ايگىلى باتىردىڭ بەينەسىنە وزدەرى جاساپ شىققان بەت-الپەت 90 پايىز ۇقسايدى.

«ٴبىز كوبىندە 3d تەحنولوگياسىن پايدالاناتىندىقتان كەلبەت باتىر بابالارىڭىزعا وتە ۇقساس بولدى. جانە باس سۇيەك ٴبىزدىڭ قولىمىزعا بۇتىندەي كەلدى. سوندىقتان زاماناۋي قۇرالداردىڭ كومەگىمەن ٴبىز كەيكى باتىردىڭ شىنايى كەلبەتىن تولىق بەرە الدىق دەپ ويلايمىن» - دەيدى بيرو اندراش.

اندراش جولتتىڭ ايتۋىنا قاراعاندا كەيكى باتىر ولاردىڭ قالپىنا كەلتىرگەن ەكىنشى قازاق.

«ٴبىز بۇعان دەيىن وتە كوپ ادامنىڭ بەينەسىن قالپىنا كەلتىردىك. ۇلكەن كوماندامەن جۇمىس ىستەپ جاتىرمىز. ماجارستاننىڭ ۇلتتىق انتروپولوگيالىق ينستيتۋتى تەك وسى جۇمىسپەن اينالىسادى. قازىرگى ۋاقىتتا ٴبىزدىڭ قاتارىمىزدا الەمگە ايگىلى ساراپشى-انتروپولوگ اگناش كۋشتەر بار. ٴبىز ٴبىر قۇرامدا بۇعان دەيىن ٴابىلقايىر حاننىڭ كەلبەتىن جاسادىق. وزدەرىڭىز بىلەتىندەي ول مۇردە اقتوبەدەگى «حان مولاسىندا» ساقتالعان. ال ودان بولەك بۋداپەشتە ەجەلگى عۇنداردىڭ، ەجەلگى تۇركىلەردىڭ كەلبەتىن قالپىنا كەلتىردىك. شامامەن كوشپەندىلەرگە قاتىستى 50-55 رەكونسترۋكسيا جاسادىق» - دەيدى انتروپولوگ.

قازاقستاننىڭ تاپسىرىسىمەن ٴابىلحايىر حان مەن كەيكى باتىردى عانا جاسادىق دەگەن انتروپولوگ ٴالى دە انىقتاۋدى، قالپىنا كەلتىرۋدى كۇتىپ جاتقان باس سۇيەكتەر جەتەرلىك دەيدى.

«بىزدە ٴالى دە كوپ باس سۇيەكتەر بار. ول ٴبىر عانا قازاقستاننان عانا ەمەس، الەمنىڭ كوپتەگەن ەلدەرىنەن كەلگەن. 40 مىڭنان استام سۇيەك تابيعي كەلبەتىن كۇتىپ جاتىر» - دەيدى اندراش جولت.

ەستەرىڭىزدە بولسا، ەلگە ورالعان كەيكى باتىردىڭ باس سۇيەگىن الماتىداعى ۇلتتىق مۋزەيدىڭ باسشىسى نۇسان ٴالىمباي ماجارلىق عالىمداردىڭ قالپىنا كەلتىرىپ جاتقاندىعىن ايتقان بولاتىن. سوڭىنان باتىردىڭ قالپىنا كەلتىرىلگەن بەينەسى دە كورسەتىلگەن ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي