BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەرىك ٴابدىعالي ۇلى: ەندى كەنەسارىنىڭ باس سۇيەگىن قايتارۋ كەرەك

فوتو: qasym.kz

تاۋەلسىزدىكتىڭ 25 جىلدىعىندا كەيكى باتىردىڭ باس سۇيەگىنىڭ ەلگە جەتكىزىلۋى يگىلىكتى شارا. بۇل تۋرالى استاناداعى حالىقارالىق اۋەجايدا باتىر بابانىڭ باس سۇيەگىن قارسى الۋعا كەلگەن ساياساتتانۋشى، قوعام قايراتكەرى بەرىك ٴابدىعالي ۇلى ايتتى، دەپ حابارلايدى قازاقپارات.

«كەيكى باتىردىڭ باس سۇيەگى ەلگە جەتكىزىلدى، ەندىگى كەزەكتە كەنەسارى حاننىڭ باس سۇيەگىن الىپ كەلۋ مىندەتى تۇر. كوپ جىلدان بەرى قازاقستاننىڭ عالىمدارى ىزدەستىرۋ جۇمىستارىن ۇزبەي جۇرگىزىپ كەلەدى. ازىرگە تابىلماي جاتىر. وسى رەتتە رەسەيدىڭ عالىمدارى قوسىلىپ، تاۋىپ بەرسە جاقسى بولار ەدى. ويتكەنى، ولاردا كوپتەگەن قۇجاتتى تەكسەرىپ شىعۋعا مۇمكىندىك بار»،-دەدى قوعام قايراتكەرى.

سونىمەن قاتار ول قىرعىزستان جەرىندە دە ٴتيىستى زەرتتەۋ جۇمىستارىن جۇرگىزۋ ماڭىزدى ەكەنىن جەتكىزدى.

«حاننىڭ باسىن تاپپاساق تا، كەنەسارىنىڭ قازا بولعان جەرى بەلگىلى عوي. قىرعىزستان جەرىندە زەرتتەۋ جۇمىستارىن تەرەڭدەتىپ، ساراپتامالىق جۇمىستار جۇرگىزۋگە بولادى. سوندىقتان ىزدەۋدى توقتاتپاۋ كەرەك. سەبەبى، بۇل قازىرگى بۋىننىڭ پارىزى دەپ بىلەمىن»،-دەدى ٴابدىعالي ۇلى.

ونىڭ سوزىنە قاراعاندا، وسىدان 10 جىل بۇرىن عىلىمي جۇمىستار ارقىلى سانكت-پەتەربورداعى انتروپولوگيالىق قوردىڭ كۋنستكامەراسىنا بارىپ، كەيكى باتىردىڭ باس سۇيەگىن سۇراعان ەكەن. سول كەزدە مۋزەي باسشىلىعى باس سۇيەكتى بەرمەيتىندىگىن حابارلاعان كورىنەدى.

«ولار وزدەرىنىڭ جاۋابىندا باس سۇيەك رەسەي ۇكىمەتىنىڭ مەنشىگىندە تۇرعاندىعىن، بۇدان باسقا كۋنستكامەرادا كاۆكازدان جانە باسقا دا ەلدەردەن كوپتەگەن ادامداردىڭ باسى ساقتاۋلى ەكەنىن، ەگەر باس سۇيەكتى رەسەي تاراپى قازاقستانعا بەرسە، قالعان ەلدەر جاپپاي سۇراۋ جولدايتىنىن ايتقان بولاتىن. بۇل تۇرعىدا مۋزەي باسشىلىعى ۇكىمەت قاۋلىسى شىققان جاعدايدا عانا بىزگە تابىستاي الاتىنىن حابارلادى»،-دەپ ناقتىلادى قوعام قايراتكەرى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي