BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باس ٴمۇفتي ٴوزارا ىقپالداستىق كەلىسىمىنە قول قويدى

استانا قالاسىنداعى مينيسترلىكتەر ٴۇيى عيماراتىندا قر ٴدىن ىستەرى جانە ازاماتتىق قوعام مينيسترلىگى مەن قازاقستان مۇسىلماندارى ٴدىني باسقارماسى اراسىندا ىنتىماقتاستىق تۋرالى كەلىسىمگە قول قويىلدى.

قمدب ٴباسپاسوز قىزمەتىٴنىڭ حابارلاۋىنشا، ٴىس-شارانىڭ باسىندا ٴسوز العان مينيسترلىك باسشىسى نۇرلان ەرمەكبايەۆ قازاقستان مۇسىلماندارى ٴدىني باسقارماسى ەل مۇسىلماندارىنىڭ باسىن قوسىپ وتىرعان جانە قوعام اۋىزبىرشىلىگى مەن تۇراقتىلىعىن نىعايتۋ ىسىندە ۇلكەن جۇمىستاردى ىسكە اسىرىپ وتىرعان ٴدىني بىرلەستىك ەكەنىن ايتتى.

«...ٴبىز ٴدىن سالاسىنداعى مەملەكەتتىك ساياساتتىڭ تيىمدىلىگىن ارتتىرۋعا باعىتتالعان ٴىس-شارالاردا ٴدىني باسقارمامەن جان-جاقتى ٴوزارا ٴىس-قيمىل جاسايتىن بولامىز. كەلىسىمگە قول قويۋىمىزدىڭ باستى سەبەبى دە وسى» دەپ اتاپ ٴوتتى.

مينيستر مەملەكەت باسشىسىنىڭ حالىققا ارناعان بيىلعى جولداۋىندا ايتىلعان قوعام قاۋىپسىزدىگىن قامتاماسىز ەتۋ جەلىسىندە ٴدىني ەكسترەميزمدى ناسيحاتتاۋدىڭ الدىن الۋدا جانە وسكەلەڭ ۇرپاقتى رۋحاني-ادامگەرشىلىك رۋحىندا تاربيەلەۋ ىسىندە ٴدىني بىرلەستىكتەرمەن بىرلەسىپ جۇمىستار جۇرگىزۋ تۋرالى تاپسىرماسىن ورىنداۋ بارىسىندا مۋفتياتپەن كوپتەگەن ٴىس-شارالاردى بىرلەسىپ اتقارۋدى كوزدەپ وتىرعانىن جەتكىزدى.

قمدب ٴتوراعاسى، باس مۋفتي ەرجان قاجى مايامەروۆ «ىنتىماقتاستىق تۋرالى كەلىسىم مۋفتيات جانە مەملەكەت اراسىندا ىنتاماقتاستىقتى نىعايتۋعا جول اشادى.

بۇل ەكى تاراپقا تۇرعىندار اراسىندا ٴداستۇرلى رۋحاني قۇندىلىقتاردى ناسيحاتتاۋعا جانە ٴدىني ەكسترەميزم مەن تەرروريزمنىڭ الدىن الۋعا باعىتتالعان ٴاقپاراتتىق-تۇسىندىرۋ جۇمىستارىن قارقىندى جۇرگىزۋگە مۇمكىندىك بەرەدى.

سايىپ كەلگەندە، ٴدىن سالاسىنداعى ۋاكىلەتتى ورگانمەن بىرلەسىپ ىسكە اسىرىلاتىن جۇمىستار جاستارىمىزدىڭ بويىندا زايىرلى مەملەكەتتىڭ قاعيداتتارىنا سايكەس كەلەتىن رۋحاني قۇندىلىقتاردى قالىپتاستىرۋعا نەگىز بولادى» دەپ اتاپ كورسەتتى. ٴىس-شارا تاراپتاردىڭ كەلىسىمگە قول قويۋىمەن اياقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي