BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالاڭىزدىڭ كىتاپ وقىماۋىنا نە سەبەپ ەكەنىن بىلەسىز بە؟

فوتو: abai.kz

بالاڭىز بىلاي تۇرسىن، ٴوزىڭىز سوڭعى رەت قاشان، قاي اۆتوردىڭ كىتابىن وقىدىڭىز، قۇرمەتتى وقىرمانىم؟ كەڭەس وكىمەتى تۇسىندا تەلەفون، كومپيۋتەر، سمارتفونىڭىز بىلاي تۇرسىن، ەسى دۇرىس تەلەۆيزور جوق ەدى عوي. سونىڭ ارقاسىندا قازاق وقىرمانىنىڭ «التىن ٴداۋىرى» سول 70-90 جىلدار بولعانى جاسىرىن ەمەس. ارينە، كىتاپتى ٴسان ٴۇشىن، بىر-بىرىنەن مارتەبەسىن اسىرۋ ٴۇشىن جينايتىندار دا بولعانىن جاسىرا المايمىز. دەگەنمەن 30 مىڭ، 40 مىڭ دانامەن كىتابى شىققان ايگىلى اقىن-جازۋشىلارىمىز بولدى. دەمەك كىتاپقا سۇرانىس بار ەدى. ٴقازىر مىقتاعاندا 5 مىڭ دانامەن شىعادى. ايتپەسە 500 بەن 2000 دانانىڭ اراسى عانا. بۇل كىتاپقا سۇرانىستىڭ جوقتىعى. ياعني كىتاپ وقيتىن ادام جوق دەگەندى بىلدىرەدى.

قۇرمەتتى وقىرمانىم، ٴوزىڭىزدىڭ تۇسىڭىزدا ىزدەپ ٴجۇرىپ كىتاپ وقىدىڭىز. ال ٴقازىر بالاڭىز ىزدەپ ٴجۇرىپ كىتاپ وقي ما؟

ساباقتان كەلە سالىسىمەن نە تەلەۆيزورعا، نە كومپيۋتەرگە، بولماسا تەلەفونعا قاراي جۇگىرەتىنى انىق قوي.

ال ٴدال وسى كۇيى جالعاسا بەرەتىن بولسا الداعى 20-30 جىلدىڭ ىشىندە ٴسىزدىڭ كەلەسى ۇرپاعىڭىز رۋحاني توقىراۋعا ۇشىرايتىنى انىق. سەبەبى، اتا-بابالارىمىز تابيعاتپەن ۇندەس، تابيعاتپەن بىتە قايناسىپ، بىرىگىپ كەتكەن ەدى. وعان كوشپەلىلىك ٴومىر سالتى داعدىلاندىرعان بولاتىن. كوشپەلىلىكتەن اجىراپ، جارتىلاي وتىرىقشى بولعان ٴداۋىردىڭ وزىندە قازاق رۋحانياتى وزىندىك دەڭگەيىن ۇستاپ تۇردى. ال قازىرگى كەزدەگى جاپپاي قالاعا ۇمتىلعان تۇستا ٴبىزدىڭ رۋحاني دۇنيەمىز كەمەلدەنۋدىڭ ورنىنا قۇلدىراپ بارادى. ۇرپاق جاپپاي كىتاپ وقۋدان باس تارتىپ وتىر. ال قازىرگى كەزدە مۇحتار اۋەزوۆ، مۇحتار ماعاۋين، ٴىلياس ەسەنبەرلين سەكىلدى سۇبەلى رومان جازاتىن جازۋشى جوق. قازاقى دۇنيەتانىمدى قالىپتاستىراتىن، ۇرپاق بويىنداعى ۇلتتىق يممۋنيتەتتى تولىقتىراتىن روماندار تۋمايىنشا قازاق وقىرمانىن قايتا قالپىنا كەلتىرۋ مۇمكىن ەمەس سەكىلدى.

ارينە، بارشاعا توپىراق شاشۋدان اۋلاقپىز، دەگەنمەن جاستاردىڭ اسىرەسە مەكتەپ جاسىنداعى وقۋشىلاردىڭ كوبى رومان وقىمايدى. قازىرگى زاماننىڭ، قازىرگى قازاق قوعامىنىڭ جۇگىن كوتەرەتىن رومانداردىڭ جوقتىعى دا بۇعان سەبەپ.

بالاڭىزدىڭ كىتاپ وقۋعا دەگەن قىزىعۋشىلىعىن وياتپايىنشا بۇل ٴۇردىس وڭالمايدى. قوعامدىق ساۋالناما نەگىزىندە 100 اتا-انانىڭ ٴ75-ى ۇيدە بالاسىنىڭ كىتاپ وقىمايتىنىن ايتتى. ارينە، ساباقتا بەرىلگەن تاپسىرمانى ورىنداپ، بىر-ەكى ولەڭ جاتتاۋ ٴۇشىن ادەبيەت كىتابىن وقۋ ٴبىر باسقا دا، بوس ۋاقىتىن پايدالانىپ، كوركەم ادەبيەت وقۋ مۇلدە بولەك. ساۋالناما بارىسىندا كوپتەگەن اتا-انالار بالالارىن ٴتۇرلى سپورتتىق ۇيىرمەلەرگە، ٴتىل ۇيرەنۋ كۋرستارىنا نەمەسە مۋزىكالىق ٴبىلىمىن جەتىلدىرۋگە اپاراتىنىن ايتتى.

دۇرىس، سالاۋاتتى ٴومىر سالىتن ۇستاناتىن ۇرپاقتىڭ دەنساۋلىعى جاقسى بولادى. الايدا قالادا وسكەن، اسفالتتا وسكەن ۇرپاقتان ارى كەتسە مىقتى سپورتشى شىعۋى مۇمكىن. ٴبىراق ودان قازاق دۇنيەتانىمىن اشىپ بەرە الاتىن جازۋشى نە اقىن شىقپايدا عوي. ال ٴان مەن مۋزىكاعا بەيىمى بار بالادان مىقتاعاندا ەسترادا جۇلدىزى شىعار، ٴبىراق الەم مويىنداعان امىرەنىڭ دەڭگەيىنە جەتپەسى انىق. ال مىڭ جەردەن ٴجۇز ٴتىل ۇيرەتەتىن كۋرسقا اپارساڭىز دا، ٴال-فارابي قايتا دۇنيەگە كەلمەيدى.

ال قازىرگى قازاق رۋحانياتى ٴۇشىن قازاقتىڭ بولمىسىن، قازاقتىڭ ۇلتتىق ەرەكشەلىگىن بويىنا سىڭىرگەن ۇرپاق اۋاداي قاجەت. سوڭعى 10-15 جىلدا قازاقى ساناعا ٴسىڭىمدى جازا بىلەتىن ٴبىر جازۋشى شىقپاۋى قازاق ادەبيەتىن الاڭداتۋى كەرەك.

بالالاردىڭ كىتاپقا قىزىقپاۋىنىڭ ٴبىرىنشى سەبەبى ٴتۇرلى ٴىت تەحنولوگيالاردىڭ، ينتەرنەت ويىنداردىڭ پايدا بولۋى بولسا، ەكىنشىدەن بالا قىزىعىپ وقيتىن دۇنيەلەردىڭ جازىلماۋىنان. دەگەنمەن، قول قۋسىرىپ وتىرعاننان گورى، بۇرىنعى اقىن-جازۋشىلاردىڭ ەڭبەگى بولسا دا، بالاڭىزعا كىتاپ وقىتىڭىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي