BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالامەن ۇيدە وتىرۋدىڭ ٴسىز ويلاماعان ارتىقشىلىقتارى

قازىرگىنىڭ ايەلدەرى ۇيدە بالامەن وتىرۋعا قينالادى. بايقايسىز با؟ ولاردى ۇنەمى سىرتقا قاراي ٴبىر كۇش تارتىپ تۇراتىنداي. نەگە؟ نەگە ٴبىر تويعا بارۋ ٴۇشىن بالاسىن بوتەن ادامعا باقتىرىپ كەتەدى؟ نەگە ايەل جانىن ٴسان مەن وسەك جاۋلاپ العان؟ دەنساۋلىق پەن ٴتالىم بەرۋدى ويلامايدى دا. نەگە ٴبىرىنشى ورىندا وتباسى تۇرمايتىن بولدى؟ نەگە ەكەنىن ولاردى ٴوزىن جەتىلدىرۋ مەن كەلەشەك كوپ مازالايدى. انانىڭ تىلەگى بالاسىنىڭ تىنىشتىعىنان ارتىق بولدى. وسى تەكتەس ساۋالدار مازالاي ما؟ بۇگىنگىنىڭ ايەلى باقىتتى انا، ايەل، اسپاز تۇگىلى، ٴجاي ايەل بولۋدان قالدى. ۋاقىتىنىڭ كوبىن بالاعا ارناۋ ورىندى دەپ بىلمەيتىن بولدى. بالاعا ارناپ ٴتاتتى ٴپىسىرۋ، كويلەك كيىپ، ٴۇي جيناۋ، كۇيەۋىنىڭ جەيدەسىن ۇتىكتەۋ، ونى ويلاۋ – ٴبارى-بارى ەكىنشى ساتىعا ٴتۇسىپ كەتتى. ماعىناسىز ىستەر سياقتى.

مۇنداي نارسەلەردەن ٴوزىمىزدى كورمەيمىز. وتباسى، انا بولۋ، ادالدىق، ٴوزىڭدى قۇربان ەتۋ، نازىك قالىبىمىزدى كورسەتۋگە ۇيالاتىن بولدىق. ٴبارىنىڭ قۇنى ٴتۇستى. ماعىناسى جوق. نەگە؟

جۇمىستان باسقا شارۋا جوق. بەسىكتەن ەندى شىققان بالانى بالاباقشاعا تاستاي جۇمىسقا اسىعامىز. ونداعى تۇسىنىكسىز تاربيەشىلەرگە ٴمان بەرمەيمىز. ول ٴسىزدىڭ بالاڭىزدى اناسىنداي جاقسى كورە المايدى عوي. ول بالانىڭ سانىنا عانا جاۋاپ بەرەدى. كۇندەلىكتى كونۆەيەرگە كەلگەن قاداعالاۋشى عانا. ٴسىزدىڭ بالاڭىزدىڭ جانىندا نە قايعى بۇرشىك جارعانىن دا بايقامايدى. وعان ٴبارىبىر. وعان بار بالا بىردەي بولۋى كەرەك. ولاردى باسقاشا يگەرۋ مۇمكىن ەمەس.

وقى. ايتپەسە ٴۇي كۇتۋشى بولىپ قالاسىڭ. بۇدان قورقىنىشتى ۇكىم جوق ەدى. عىلىم يگەرۋدەن ارتىق بايلىق جوق كورىنگەن. باستىسى – ديپلوم. جاقسى جۇمىس. اتاققا باستايتىن باسپالداق.

وتباسى سوڭعى رەت ٴبىر ادامداي قاشان ٴبىر داستارقان باسىندا وتىرعان ەدى؟ اسىعىس ٴومىردى اپتىعىپ ٴجۇرىپ وتكىزەمىز. اتا-انامىز بىزدەن كىمدى وسىرگەنىن ٴبىلدى مە ەكەن؟ ولار ٴبىزدىڭ ارمان-ماقساتىمىزدى سەزدى مە؟ جان جارامىزدى بولىسە دە المادى. ويتكەنى، ۋاقىتى جوق ەدى. جۇمىس، جۇمىس.

ٴبىز دە ولاردى بىلمەدىك. ۋاقىت جوق بولدى. بالاباقشا، مەكتەپ، ۋنيۆەرسيتەت. جۇمىس. جازدا لاگەر. قىستا ەرتە جاتۋ. بىرگە كىتاپ وقۋ، ويناۋعا قول تيمەيتىن. وستىك.

سوندىقتان ٴبىزدىڭ سانامىزدا وتباسىعا دەگەن ورىن ەڭ سوڭىندا تۇردى. بالانى تانۋ ٴۇشىن ونىمەن ويناۋ كەرەك. ويناۋ ٴۇشىن بالاڭدى جاقسى كورە ٴبىلۋ ماڭىزدى. كۇندە اسۇيدەن شىقپاي ٴتاتتى ٴپىسىرۋدى دە جاقسى كورۋ كەرەك. وعان ۋاقىت كەرەك. وسىنى ەسكەرۋدەن قالدىق. نە ىستەسەڭ دە ٴبارىن ىقىلاسپەن، ٴسۇيىپ ىستەۋىڭ كەرەك. كۇيەۋىڭدى ٴتۇسىنۋ ٴۇشىن دە ونىڭ جان دۇنيەسىندەگى مۇڭ مەن قايعىنى سەزۋ از، ٴبىلۋىڭ كەرەك. ونىڭ كەلەشەگىنە قام جەۋ ٴۇشىن رياسىز ٴسۇيۋىڭ قاجەت. كۇيەۋدى ٴسۇي. ونىڭ جانىنداعى ٴوزىڭدى عانا ەمەس.

انا – ۇستاز

جاقسى كورۋدى قىزىنا اناسى سىڭىرەدى. ول - قىزىنىڭ باستى ۇستازى. ومىرلىك باعىتتى نۇسقاۋشى. ول ٴسۇيۋدى ۇيرەتەدى. ونىڭ ايەلگە ٴتان ٴرولى سول. ايەل مەن انا بولۋدىڭ قاعيداسىن ۇيرەتۋشى. ەگەر قىزى اناسىن كورمەگەن بولسا نەمەسە ٴسۇيۋدى بىلمەيتىن انانىڭ اقىلىمەن وسسە، قايتۋى كەرەك؟

ايەل زاتى پاكتىگى مەن ماحابباتىن جوعالتقان زامان. بىزگە ونى ساقتاۋدى ەشكىم ۇيرەتپەدى. بىزگە ەركەكتىڭ قىزمەتىن تارتىپ الۋدى عانا ٴبىلدىرتتى. جەتىستىك قانا ماڭىزدى دەپ تىقپالادى. ەندى كەلىپ ارتىمىزداعى ورتەنگەن كوپىرلەردى كورىپ جىلايمىز. ويتكەنى، ايەلدىڭ كوبى كەرى باعىتقا تۇسكەن. كەزىندە ٴبىزدى بىرەۋ الداپ كەتكەندەي كۇي كەشەمىز.

امالىن تابۋ

امالىن تابۋعا بولادى، ارينە. انا بولۋعا، ايەل بولۋعا، جۇباي بولۋعا... ٴبارىن ٴوز تابيعاتىنا ساي مەڭگەرۋگە بولادى. اقىرىنداپ، باياۋلاتىپ. ومىرگە باسقا كوزبەن قاراۋعا داعدىلانايىق. ايەل كوزىمەن، مەيىرىمدى جۇرەكپەن قارايىق. ٴسۇيۋدى ۇيرەنەيىك... كۇنى بويى جۇمىس بابىن ەمەس، وتباسى قامىن ويلايىق. وتباسىمىزدى باعالاۋدى. كۇيەۋدى، بالاڭدى، ٴوزىڭدى جاقسى كور. ولارعا قىزمەت كورسەتۋ، وزگەدەن ارتىق بولۋىنا ۇلەس قوسۋ. سوندا ايەل گۇل سياقتى اشىلادى. ويتكەنى ونىڭ جانى ماحابباتپەن عانا جاسايدى.

بالاڭىز بەن كۇيەۋىڭىزگە كۇلىپ قاراۋدى ادەت ەتىڭىز. ولاردى ٴجيى-جيى قۇشاقتاڭىز. نە نارسەنىڭ بەتىنە قاراماي، تەرەڭىنە ۇڭىلەيىك. ايەل وتباسىنىڭ ىنتىماعىن قۇياتىن قالىپ. وتباسىنىڭ دامۋى، جەتىلۋى، مىقتى بولۋى سىزگە بايلانىستى. بالانىڭ بالالىق شاقتان باقىتتى مولىراق العانى ابزال. ول سول باقىتپەن ٴوز ٴومىرىنىڭ ىرگەتاسىن قۇيادى. بالا كۇنىندە العان ماحابباتتى ومىرىنە ازىق ەتەدى.

سوندىقتان ٴار ايەل ەڭ الدىمەن انا مەن جۇباي دەگەن ماماندىقتاردى تەرەڭ يگەرۋى كەرەك. ەگەر وسى باسپالداقتىڭ شىڭىنا جەتۋگە تالپىنباساق، وندا قارتايعان شاقتا وكىنىش ەرەن بولماق. ويتكەنى، مۇمكىندىكتى جىبەرىپ الۋ ەڭ قيىنى. موينىڭداعى جاۋاپكەرشىلىكتى ادال اتقارماۋدىڭ ايىبى زور.

ٴبارىنىڭ جەمىسىن كورەسىز. كىم نە كۇتەدى؟ ٴبارى ادامنىڭ ٴوز قولىندا. قانداي باعىت تاڭداپ، قانداي قۇندىلىقتى قۇنتتايتىنىمىزدى ٴوزىمىز تاڭدايمىز. ومىرگە نە بەرە الاسىز؟ ٴوز وتباسىڭىزعا شە؟

islam.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي