BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا ونىنشى مەشىت بوي كوتەردى

استانا، baq.kz. بۇل تۋرالى muftyat.kz سايتى جازدى.

«اق مەشىت» مەشىتىنىڭ اشىلۋ سالتاناتىنا ارنالعان يگى شاراعا قازاقستان مۇسىلماندارى ٴدىني باسقارماسىنىڭ ٴتوراعاسى سەرىكباي قاجى وراز قاتىسىپ، جاڭادان اشىلعان مەشىت رۋحاني ورتالىق بولا وتىرىپ ەلوردانىڭ ساۋلەتتىك كەلبەتىن اشا تۇسكەنىن ايتتى.

«راسىندا، ٴومىردىڭ تىرشىلىكسىز، ال تىرشىلىكتىڭ قۇلشىلىقسىز قۇنى جوق. يسلام ٴدىنى تىرشىلىك پەن قۇلشىلىقتى قاتار ۇيلەستىرىپ، ونەگەلى ٴومىر سالتىن ساباقتاستىرىپ، عۇمىر كەشۋگە ۇندەيدى. پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن) ٴوزىنىڭ قاسيەتتى حاديس-شاريفىندە: «اللا تاعالا مەشىتتى جاقسى كورگەن پەندەنى جاقسى كورەدى»، – دەگەن. تاعى ٴبىر حاديستە ايتىلعانداي، «مەشىت سالعان ادام ٴۇشىن اللا تاعالا ٴجانناتتا ساراي تۇرعىزادى». مەشىت سالۋ – ساۋابى ۇزىلمەيتىن ساۋاپتى ٴىس! وسى رەتتە مەشىتتى سالعان ازاماتتارعا ايرىقشا العىسىمدى بىلدىرەمىن»، - دەدى باس ٴمۇفتي.

ونىڭ ايتۋىنشا، مەشىت مۇسىلمانداردىڭ ٴمىناجات ورنى بولۋمەن قاتار، بەيبىتشىلىك پەن كەلىسىم جانە قازاق ەلىنىڭ تاريحىن، ٴسالت-داستۇرىن وقۋ ورتالىعى سونداي-اق، ۇلتارالىق جانە كونفەسسياارالىق كەلىسىمدى نىعايتۋ الاڭى بولادى.

جاڭادان اشىلعان «aq meshit» مەشىتىنىڭ عيماراتى تولىعىمەن اق مارمارمەن كومكەرىلگەن.

قۇرىلىستىڭ بىرەگەيلىگى مۇنارالاردىڭ سانىندا. مەشىتتەردە ٴداستۇر بويىنشا ٴتورت مۇنارا بولادى. ارحيتەكتورلاردىڭ سىزباسى بويىنشا جاڭا مەشىتتە ەكى مۇنارا ٴبىراق، ٴۇش ٴتۇرلى ستيلدەگى سەكسيالاردان تۇرادى. «اق مەشىتتە» ٴبىر مەزەتتە 1200 ادام قۇلشىلىعىن وتەي الادى. مەشىت جانىندا سالىنعان مەدرەسە 75 ادامعا ارنالعان. مەشىتتە ەرلەر مەن ايەلدەر ارنالعان ناماز زالى، نەكە قييۋ بولمەسى، ٴماجىلىس زالى، قۇران وقۋعا ارنالعان بولمە، مەيرامحانا جانە ٴمايىتحانا بار.

مەدرەسەدە ساباق وتەتىن 9 اۋديتوريا، وقۋشىلار مەن وقىتۋشىلاردىڭ تۇرۋىنا ارنالعان 28 بولمە بار. سونىمەن قاتار، مۇندا كىتاپحانا، جاتتىعۋ زالى، جەكە اسحانا، مەديسينالىق پۋنكت، شاشتاراز جانە كيىم جۋۋ بولمەسى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي