BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا كورنەكتى عالىمداردىڭ قۇندى كىتاپتارى تانىستىرىلادى

ەرتەڭ، 16-شى ماۋسىم كۇنى تۇركى اكادەمياسى حالىقارالىق ۇيىمى (twesco) استانادا ەۋرازيالىق حالىقارالىق كىتاپ كورمەسى اياسىندا كورنەكتى تۇركولوگتاردىڭ عىلىمي مۇراسى مەن ەڭبەكتەرىنە ارنالعان «رۋحاني جاڭعىرۋدىڭ وزەكتى ماسەلەسى: تۇركى سوزدىكتەرى مەن ٴتىلتانىمدىق زەرتتەۋلەر» اتتى عىلىمي-پراكتيكالىق سەمينار وتكىزۋدى جوسپارلاپ وتىر.

شارا بارىسىندا تۇركى ٴتىلتانىمدىق زەرتتەۋلەرى مەن سوزدىكتەرى جايىندا كەلەلى ماسەلەلەر قاراستىرىلىپ، ٴا.ٴناجىپ، ٴا.قايدار، م.جولداسبەكوۆ، ٴا. جۇنىسبەك سياقتى بەلگىلى عالىمداردىڭ اكادەميا تاراپىنان شىعارىلعان ەڭبەكتەرىنىڭ تۇساۋكەسەر ٴراسىمى وتەدى.

سەمينار جۇمىسىنا تۇركى الەمىنىڭ بەلگىلى تۇركىتانۋشى عالىمدارى، ٴتىلتانۋشىلار، فيلولوگتار، مەملەكەت جانە قوعام قايراتكەرلەرى، ديپلوماتيالىق ميسسيا باسشىلارى مەن وكىلدەرى قاتىسادى دەپ كۇتىلۋدە.

وسىعان وراي، ەرتەڭ استانا قالاسى، دوستىق كوشەسى، 3 مەكەن-جايىندا ورنالاسقان «كورمە» كەشەنىندە وتەدى.

كورمەنىڭ باستالۋ ۋاقىتى استانا ۋاقىتىمەن 15:00 دە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي