BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا "ەلباسى جانە تۇركىستان" كورمەسى وتۋدە

استانا، baq.kz. بۇگىن «استانا» كونسەرت زالىندا قر تۇڭعىش پرەزيدەنتى كۇنىنە وراي قر مادەنيەت جانە سپورت مينيسترلىگى، «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ۇيىمداستىرۋىمەن «ەلباسى جانە تۇركىستان» كورمەسى وتۋدە.

ٴۇش بولىمگە توپتاستىرىلعان كورمە ەكسپوزيسياسىنا قورىق-مۋزەي قورىنان 60-تان اسا جادىگەر قويىلعان.

كورمەنىڭ ٴبىرىنشى بولىمىندە ەلباسى ن.ٴا.نازاربايەۆتىڭ 1985 جىلى قازاق سسر مينيسترلەر كابينەتىنىڭ باسشىسى، ەگەمەندى، تاۋەلسىز قازاقستاننىڭ تۇڭعىش پرەزيدەنتى تۇسىنداعى، باۋىرلاس تۇركيا رەسپۋبليكاسىنىڭ پرەزيدەنتتەرى تۇرعىت وزال، سۇلەيمەن دەميرەل، احمەت سەزار، ابدۋللا گۇل، رەدجەپ تايىپ ەردوعان، وزبەكستان رەسپۋبليكاسىنىڭ پرەزيدەنتى ي.كاريموۆپەن، 2018 جىلعى تۇركىستانداعى رەسمي ساپارلارىنان سىر شەرتەتىن فوتوسۋرەتتەرى ەكسپوزيسيادان ورىن تەپسە، ەكىنشى بولىمدە اۋليەلەردىڭ سۇلتانى اتانعان قوجا احمەت ياساۋي مۇراسىنا ارنالدى. قوجا احمەت ٴياساۋيدىڭ ارتىندا قالعان باعا جەتپەس مۇرالارى ٴحvىىى عاسىرعا ٴتان «ديۋاني حيكمەت» كىتابىنىڭ قولجازبا جانە باسپا نۇسقالارى، ٴحىح عاسىردا قايتا كوشىرىلگەن «ٴريسوللا ٴدار ادابي تاريقات»، «ناسابناما» شەجىرەسى، ۇلى تۇلعانىڭ شاكىرتتەرى س.ٴباقىرعانيدىڭ «ديۋان» قولجازبا ەڭبەگى، شەيح حۋدايداد تاش-مۋحاممەد ٴال-بۋحاريدىڭ «بۋستان ۋل ٴمۋحيببيننىڭ» تۇركى تىلىندە جازىلعان قولجازبا ەڭبەگى، ٴا.ٴناۋايدىڭ «عازالدارى»، سوفى اللاياردىڭ «مۋسليك ال-مۋتتاكين»، «اۋليەنىڭ وسيەتتەرى» ەڭبەگى، قوجا ٴحافيزدىڭ «ديۋانى»، يمام ٴماعرۋديدىڭ «قيسسالارى»، اۋليە بيدەلدىڭ «ديۋان» ەڭبەكتەرى ورنالاستىرىلدى.

كورمەنىڭ ٴۇشىنشى ٴبولىمى تۇركىستان وڭىرىندەگى كيەلى ورىندار مەن تاريحي ەسكەرتكىشتەر جايىنداعى فوتوسۋرەتتەرگە ارنالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي