BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اسەت يسەكەشەۆ ەلوردالىق دارىگەرلەرگە پاتەر كىلتىن تابىستادى

فوتو: Абзал Қалиев

اقحالاتتىلاردىڭ كاسىبي مەرەكەسى قارساڭىندا استانا اكىمى اسەت يسەكەشەۆ 10 مەديسينا قىزمەتكەرىنە پاتەر كىلتىن تابىستادى، دەپ حابارلايدى baq.kz ٴتىلشىسى.

وقۋشىلار سارايىندا وتكەن مەرەكەلىك جيىندا ەلوردا اكىمى اسەت يسەكەشەۆ دارىگەرلەردى ٴتول مەرەكەسىمەن قۇتتىقتاپ، 10 پاتەردىڭ كىلتىن تاپسىردى.

«قۇرمەتتى اقحالاتتى ابزال جاندار! سىزدەردى كاسىبي مەرەكەلەرىڭىزبەن شىن جۇرەكتەن قۇتتىقتايمىن. ومىرگە كەلگەن ساتتەن باستاپ ٴبىز سىزدەردىڭ مەيىرىمدەرىڭىزگە بولەنەمىز. ادامزات ٴۇشىن دەنساۋلىقتان، جاقىن ادامدارىنىڭ اماندىعىنان اسقان قۇندىلىق جوق. ال ونى مىنا وتىرعان سىزدەر ساقتاپ كەلەسىزدەر. «دارىگەر دارىمەن ەمدەمەيدى، كوڭىلمەن ەمدەيدى» دەگەن ٴسوز بار. كاسىبي شەبەرلىكپەن قاتار، جۇرەك جىلۋلارىڭىزدىڭ ارقاسىندا قانشاما ازامات اياققا تۇرىپ، ساۋىعىپ كەتكەنىن بىلەمىز. زامان اۋىسىپ، ۋاقىت وتسە دە، دارىگەرلەردىڭ گيپپوكرات انتىنا ادالدىعى وزگەرىسسىز قالىپ وتىر. اۋرۋ – ۋاقىت، كۇن، جىل، كەزەڭ تاڭداماي كەلەدى. سوندىقتان سىزدەردىڭ شيپالى الاقاندارىڭىز بىزگە ٴارقاشان قاجەت. ادام ٴومىرىن ساقتاۋدا جاساپ وتىرعان قىزمەتتەرىڭىز ٴۇشىن ۇلكەن العىسىمدى بىلدىرەمىن. سىزدەرگە جانە جاقىندارىڭىزعا زور دەنساۋلىق جانە قىزمەتتە تابىس تىلەيمىن. مەرەكەلەرىڭىز قۇتتى بولسىن»، - دەپ يگى تىلەگىن جەتكىزدى قالا باسشىسى.

ٴتول مەرەكەسىندە باسپانالى بولىپ، قۋانىشىنا قۋانىش قوسىلعان جانداردىڭ ٴبىرى ەلوردالىق سەيىتجان قۋاتباي ۇلى. ەكىنشى قالالىق بالالار اۋرۋحاناسىندا انەستەزيولوگ-رەانيماتولوگ بولىپ ىستەيتىن دارىگەر – ەكى بالانىڭ اكەسى. پاتەر بەرەدى دەگەن ٴۇش ۇيىقتاسام دا تۇسىمە كىرمەگەن ەدى، دەيدى ول.

«شىنىن ايتسام، پاتەر بەرەدى دەپ ويلاماعان ەدىم. جۇرتپەن قاتارلاسىپ، بىزدە كەزەككە جۇگىرىپ جۇرگەن ەدىك. جاقىن ارادا پاتەر بۇيىرادى دەپ ەش ويلامادىم. قۋانىشتى حاباردى كەشە كەشكە عانا ەستىدىم. بۇگىن، مىنە ەندى كىلتىن الىپ وتىرمىن»، - دەگەن جاس جىگىت ارىپتەستەرىن كاسىبي مەرەكەمەن قۇتتىقتادى.

«اقحالاتتى ابزال جاندار كۇنى بارشاسىنا قۇتتى بولسىن. بارىنە ەڭ باستىسى زور دەنساۋلىق، وتباسىلارىنا باق-بەرەكە، جۇمىستا تابىس تىلەيمىن»، - دەپ ىزگى تىلەگىن جەتكىزدى س.قۋاتباي ۇلى.

سونىمەن قاتار، مەرەكەلىك شارا بارىسىندا ٴبىرقاتار دارىگەر استانا اكىمىنىڭ العىس حاتىمەن، گراموتالارىمەن ماراپاتتالدى.

ايتا كەتسەك، بۇگىنگى تاڭدا استانادا 37 مەديسينالىق مەكەمەدە 3606 دارىگەر جانە 6579 ورتا توپ قىزمەتكەرى ەڭبەك ەتەدى. قالانىڭ دەنساۋلىق ساقتاۋ سالاسى كۇن ساناپ ٴوز مۇمكىندىگىن ارتتىرۋدا: مەديسينالىق مەكەمەلەر جاڭادان سالىنىپ، جاڭعىرتۋ جۇمىستارى جۇرگىزىلۋدە. تەك 2015-2016 جىلدىڭ وزىندە بىرنەشە دەنساۋلىق ساقتاۋ نىسانى بوي كوتەرگەن. №4 قالالىق ەمحانادا سوڭعى ۇلگىدەگى جابدىقتارى بار گەرونتولوگيالىق ورتالىق اشىلدى. سونداي-اق ەلوردا تۇرعىندارىنىڭ ٴومىر ٴسۇرۋ ۇزاقتىعى ارتقان. جىل قورىتىندىسى بويىنشا، استانالىقتاردىڭ ٴومىر ٴسۇرۋ ۇزاقتىعى 75،4 جاستى قۇرادى.

فوتو: ابزال قاليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي