الماتىدا «ەلتانىم» بايقاۋى مارەسىنە جەتتى

الماتى، baq.kz. الماتى قالاسى ٴدىن ىستەرى جونىندەگى باسقارما ۇيىمداستىرۋىمەن بىرنەشە تۋرعا سوزىلعان «ەلتانىم» بايقاۋى مارەسىنە جەتتى.

يمامداردىڭ ۇلتتىق قۇندىلىقتاردى قانشالىقتى مەڭگەرگەنىن، ٴسالت-داستۇر مەن ۇلى تۇلعالاردىڭ ٴدىن جايىنداعى ەڭبەكتەرىنە قاتىستى بىلىمدەرىن ساراپقا سالعان جوبا جوعارى دەڭگەيدە ٴوتتى.

مەملەكەتتىك ٴتىل جاناشىرى، «ٴۇش بايلىق» قوعامدىق بىرلەستىگىنىڭ باسشىسى، قوعام قايراتكەرى و.اسانعازى حانىمنىڭ ۇسىنىسىمەن جۇزەگە اسقان جوباعا الماتى قالاسى ٴدىن ىستەرى جونىندەگى باسقارما باسشىسى ا.ەسەنبەكوۆ پەن شاھاردىڭ باس يمامى ە.شوقاي مىرزالار ۇيىتقى بولدى.

العاشقى تۋردان وتكەن 25 يمامنىڭ اراسىنان اقتىق سىنعا 8 ۇمىتكەر جولداما الىپ، كەلەسى باعىتتاردا باق سىنادى:

1. ۇلتتىق ٴسالت-داستۇر مەن يسلام ٴدىنى قاعيداتتارىنىڭ ۇندەستىگىنە قاتىستى ٴبىلىمىن باعالاۋ;
2. قازاق دالاسىنا يسلام ٴدىنىن تاراتۋشى ۇلى تۇلعالاردىڭ ەڭبەكتەرىن ٴبىلۋ دەڭگەيى;
3. ۋاعىز بارىسىندا سايىسكەر ٴتىلىنىڭ ادەبي نورماعا ساي تازالىعىن تارازىلاۋ.

ۇمىتكەرلەر دەڭگەيىن ٴدىن مەن داستۇردە جەتىك عىلىم دوكتورلارى، عالىمدار انىقتادى.

سايىس قورىتىندىسى بويىنشا باس جۇلدەنى (300 مىڭ تەڭگە) كۇنى ەرتەڭ اشىلۋ سالتاناتى وتەتىن الاتاۋ اۋدانىنداعى د.قونايەۆ مەشىتىنىڭ باس يمامى م،كۋلسۋماكوۆ جەڭىپ الدى.

1 - ورىن جەتىسۋ اۋدانى سۇلتان-قورعان مەشىتىنىڭ ازانشىسى م.كاسيموۆ (200 مىڭ تەڭگە);

2- ورىن بوستاندىق اۋدانى «وربيتا – 3» مەشىتىنىڭ نايب يمامى ە.ماجەن (150 مىڭ تەڭگە);

3- ورىن ناۋرىزباي اۋدانى قاراعايلى مەشىتىنىڭ نايب يمامى ت.پەرنەبەك ۇلى (100 مىڭ) يەلەندى.

ال ارنايى نوميناسيا بويىنشا (75 مىڭ تەڭگەدەن) ورتالىق مەشىتتىڭ نايب يمامى ق.اشيموۆ، اۋەزوۆ اۋدانى اقساي مەشىتىنىڭ نايب يمامى ق.ابيشەۆ يەلەنسە، ەرەكشە كورسەتكىشى ٴۇشىن (50 مىڭ تەڭگەدەن) بەكەت اتا مەشىتىنىڭ نايب يمامى ب.سابراليەۆ، س.راحيمبايەۆتار ماراپاتتالدى. بۇدان وزگە «ەلتانىمنىڭ» بيىك دەڭگەيدە وتۋىنە ات سالىسقان قازىلار القاسىنىڭ مۇشەلەرىنە، بايگەنىڭ ىرىكتەۋ سىنىنا قاتىسۋشىلارى دا العىس حاتپەن ماراپاتتالدى.

بايقاۋ بارىسىندا بەلگىلى ونەر جۇلدىزدارى ە.قانايەۆ، ا.تۇرعىنبەك، ب.ٴبازىلجانوۆ ونەگەلى سوزبەن ورىلگەن جىر-تەرمەدەن شاشۋ شاشتى. قازىلار القاسىنىڭ مۇشەسى فيلول.ع.ك.، ابايتانۋشى، «حارەكەت»، «جاقسى» كىتاپتارىنىڭ اۆتورى ومار جالەلدىڭ، قوعام قايراتكەرى ورازكۇل اسانعازىنىڭ، ت.ب.ٴسوز سويلەگەن بەلگىلى تۇلعالاردىڭ ۇلتتىق رۋحقا دەم بەرگەن لەبىزدەرى «ەلتانىمنىڭ» ابىرويىن اسقاقتاتا ٴتۇستى.

نۇر-مۇباراك ۋنيۆەرسيتەتىنىڭ رەكتورى، پروفەسسور مۋحامماد ٴاش-شاححات ٴال-جيندي مىرزا قازاق حالقىنىڭ وتانسۇيگىشتىك ىقىلاستارىنا ريزاشىلىعىن جاۋدىرىپ، مۇنداي شارالارعا ٴاردايىم قولداۋ بىلدىرەتىندىگىن جەتكىزدى. ال ۇيىمداستىرۋشى الماتى اكىمدىگىنىڭ باسقارما باسشىسى ايدار راحىمجان ۇلى «ەلتانىم» جوباسى ٴداستۇرلى جالعاسىن تابادى دەپ كوپشىلىكتىڭ قۋانىشىن ەسەلەي ٴتۇستى.

تەگي
• الماتى
• رەسپۋبليكالىق بايقاۋ

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!