BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا اسقار سۇلەيمەنوۆتىڭ 80 جىلدىق مەرەيتويىنا ارنالعان ەسكە الۋ كەشى ٴوتتى

استانا، baq.kz. الماتىدا قر ۇلتتىق كىتاپحاناسىندا جازۋشى، ادەبيەت سىنشىسى، دراماتۋرگ، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى اسقار سۇلەيمەنوۆتىڭ 80 جىلدىق مەرەيتويىنا وراي «پاراسات پاديشاسى» اتتى ەسكە الۋ كەشى ٴوتتى.

ٴىس-شارانى قر ۇلتتىق كىتاپحاناسى ديرەكتورىنىڭ كىتاپحانالىق جۇمىستارى جونىندەگى ورىنباسارى باقىتجامال وسپانوۆا اشتى. كەش اياسىندا قر ۇلتتىق كىتاپحاناسى قورىنان اسقار سۇلەيمەنوۆتىڭ ٴومىرى مەن شىعارماشىلىعىنان «پاراسات پاديشاسى» اتتى كىتاپ كورمەسى ۇيىمداستىرىلدى. شارانى جازۋشى، پۋبليسيست، عالىم - بەيبىت قويشىبايەۆ جۇرگىزدى.

ٴىس-شاراعا مۇرات اۋەزوۆ، ٴومىرزاق ايتبايەۆ، سماعۇل ەلۋباي، تەمىرحان تەبەگەنوۆ، نۇكەتاي مىشبايەۆا، قانات تورەباي، مامبەت قويگەلدى، ٴاليا بوپەجانوۆا، دوسحان جولجاقسىنوۆ، قاراكوز سۇلەيمەنوۆا، ساتىبالدى نارىمبەتوۆ جانە ت.ب. اقىن-جازۋشىلار، قوعام جانە مادەنيەت قايراتكەرلەرى قاتىسىپ، ٴسوز سويلەدى.

«اسقار سۇلەيمەنوۆ ۇلتتىق رۋحاني جاڭعىرۋعا، ويدىڭ، ونەردىڭ تۇلەۋىنە ۇلكەن ۇلەس قوسقان ساناتكەر تۇلعا. ٴوز كەزەڭىنىڭ رۋحاني كوشباستارلارىنىڭ ٴبىرى بولعان ول قاي جەردە قىزمەت ەتسىن مەيلى، قاشاندا ۇلتتىق مۇددەنى تۋ ەتتى» دەپ اتاپ ٴوتتى ەسكە الۋ كەشىنىڭ قاتىسۋشىلارى.

«قازاقفيلم» كينوستۋدياسىندا ونىڭ سسەنارييىمەن «ادامدار مەن ارعىماقتار»، «قۇلاگەر» فيلمدەرى ٴتۇسىرىلدى، ول «قىز جىبەك» ٴفيلمىنىڭ رەداكتورى رەتىندە كوپ جۇمىس تىندىردى، م.اۋەزوۆ تەاترىنىڭ ادەبيەت ٴبولىمىنىڭ مەڭگەرۋشىسى بولىپ قىزمەت ەتكەن جىلدارى ۇلتتىق كلاسسيكانىڭ جاڭاشا ينتەرپرەتاسيالانۋىنا ۇلەس قوستى.

ەستەرىڭىزگە سالساق، بيىل كورنەكتى جازۋشى-دراماتۋرگ، قر مەملەكەتتىك سىيلىعىنىڭ لاۋرەاتى اسقار سۇلەيمەنوۆتىڭ تۋعانىنا 80 جىل تولۋىنا وراي ٴىس-شارالار وتۋدە. 2018 جىلدىڭ 23 جەلتوقسان كۇنى مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىندا كورنەكتى «ا.سۇلەيمەنوۆ جانە تەاتر» كورمەسىنىڭ اشىلۋى ٴوتىپ، جازۋشىنىڭ «اداسقاق» سيكلى بويىنشا ساحنالانعان «ٴبىرجاننىڭ سوڭعى ٴانى» سپەكتاكلى قويىلادى. 2018 جىلدىڭ 24 جەلتوقسان كۇنى اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا مادەنيەت جانە ونەر قايراتكەرلەرىنىڭ قاتىسۋىمەن سالتاناتتى كەش وتەدى.

اسقار سۇلەيمەنوۆ ۇلتتىق رۋحاني جاڭعىرۋعا، ويدىڭ، ونەردىڭ تۇلەۋىنە ۇلكەن ۇلەس قوسقان ساناتكەر تۇلعا. ٴوز كەزەڭىنىڭ رۋحاني كوشباستارلارىنىڭ ٴبىرى بولعان ول قاي جەردە قىزمەت ەتسىن مەيلى، قاشاندا ۇلتتىق مۇددەنى تۋ ەتتى. «قازاقفيلم» كينوستۋدياسىندا ونىڭ سسەنارييىمەن «ادامدار مەن ارعىماقتار»، «قۇلاگەر» فيلمدەرى ٴتۇسىرىلدى، ول «قىز جىبەك» ٴفيلمىنىڭ رەداكتورى رەتىندە كوپ جۇمىس تىندىردى، م.اۋەزوۆ تەاترىنىڭ ادەبيەت ٴبولىمىنىڭ مەڭگەرۋشىسى بولىپ قىزمەت ەتكەن جىلدارى ۇلتتىق كلاسسيكانىڭ جاڭاشا ينتەرپرەتاسيالانۋىنا ۇلەس قوستى.

ۇلانعايىر ٴبىلىم يەسى، حالىق ادەبيەتى مەن ٴسالت-داستۇردىڭ، مۋزىكا مەن جىر الەمىنىڭ، تەاتر مەن كينو، بەينەلەۋ ونەرىنىڭ بىلگىرى، ٴسوز زەرگەرى ا.سۇلەيمەنوۆ ەل ەسىندە. ونىڭ ەسىمى تۇركىستان وبلىسىنىڭ سوزاق اۋدانىنداعى ٴوزى وقىعان جانە سارىاعاش قالاسىنداعى مەكتەپتەرگە، ال، 80 جىلدىق مەرەيتويىنا وراي تۇركىستان قالاسىنداعى ٴبىر كوشەگە بەرىلدى.

اسقار سۇلەيمەنوۆ 1938 جىلى 29 جەلتوقساندا وڭتۇستىك قازاقستان وبلىسى تۇركىستان اۋدانىنىڭ، شورناق ەلدى مەكەنىندە دۇنيەگە كەلگەن. 1959 جىلى ٴقازپي-دىڭ ادەبيەت-تاريح فاكۋلتەتىن (قازىرگى اباي اتىنداعى قازاق ۇلتتىق پەداگوگيكالىق ۋنيۆەرسيتەتى) بىتىرگەن. 1961 جىلى «جول باسى» العاشقى سىن ماقالاسى «لەنينشىل جاس» (قازىرگى «جاس الاش») گازەتىندە جاريالانعان. ول «بەسىن» (1970)، «اداسقاق» (1988)، «بەساتار» (1996)، «كەك» (2001)، «بولمىسپەن بەتپە-بەت» (2001)، شىعارمالارىنىڭ اۆتورى جانە «ارعىماقتار مەن ادامدار» دەرەكتى ٴفيلمىنىڭ (1977)، «اس» («قۇلاگەر») كوركەم ٴفيلمىنىڭ (1976)، «بايانەل» («قوزى كورپەش-بايان سۇلۋ») ٴفيلمىنىڭ سسەنارييىن جازعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي