BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسىندا « ۇلى جەبە» مەموريالدى كەشەنى اشىلدى

استانا، baq.kz. الماتى وبلىسىنىڭ جاركەنت قالاسىندا تۇڭعىش پرەزيدەنت كۇنىنە وراي جانە وربۇلاق شايقاسىنىڭ 375 جىلدىعىنا بايلانىستى « ۇلى جەبە» مەموريالدى كەشەنى اشىلدى.

الماتى وبلىسى اكىمدىگىنىڭ ٴباسپاسوز قىزمەتىننىڭ مالىمەتىنشە، سالتاناتتى شاراعا وبلىس اكىمى اماندىق باتالوۆ، پارلامەنت ٴماجىلىسىنىڭ دەپۋتاتى، قوعام قايراتكەرى قۋانىش سۇلتانوۆ، تاريحشى عالىمدار، قالامگەرلەر، اۋدان جۇرتشىلىعى قاتىستى.

«وربۇلاق شايقاسى – قازاق حالقىنىڭ ازاتتىق جولىنداعى تاريحي وقيعالارىنىڭ ٴبىرى. ەلباسىمىز نۇرسۇلتان ٴابىش ۇلى نازاربايەۆ: «وربۇلاق پەن اڭىراقايداعى تاريحي ماڭىزدى جەڭىستەر ازاتتىقتىڭ اق تۋى استىندا جەلبىرەدى»، - دەپ، تاريح تولقىنىنداعى ەرلىككە تولى ۇلى وقيعالاردى دارىپتەۋگە ەرەكشە ٴمان بەرگەن بولاتىن. مەملەكەت باسشىسىنىڭ جاقىندا جارىق كورگەن « ۇلى دالانىڭ جەتى قىرى» اتتى ماقالاسى دا ٴبىزدىڭ ۇلتتىق تاريحىمىزعا تەرەڭ ۇڭىلۋگە، حالقىمىزدىڭ وتكەنىنە، بۇگىنى مەن بولاشاعىنا زور قۇرمەتپەن قاراۋعا ۇندەيدى. وربۇلاق تاريحى – سول ۇلى دالا تاريحىنىڭ ٴبىر پاراعى»، - دەپ اتاپ ٴوتتى وبلىس اكىمى اماندىق باتالوۆ.

« ۇلى جەبە» مەموريالدىق كەشەنى نەگىزىنەن اق ٴمارمار مەن گرانيتتەن دايىندالدى. جوبانىڭ قۇنى 278،6 ملن. تەڭگەنى قۇرايدى. قۇرىلىسىن جۇرگىزگەن مەردىگەر ۇيىم – «kagan engineering» جشس. مەموريالدى كەشەننىڭ سۋرەتشىلەرى - عازيز ەشكەنوۆ پەن ايدار جامحان، ٴمۇسىنشى ارحيتەكتورى - ايدىن جايلاۋبايەۆ. مەموريالدىق كەشەندى تۇلپارلى باتىرلار بەينەلەنگەن بارەلەف پەن جوعارىعا تىك شانشىلعان جەبە مەن قالقان قۇراپ تۇر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي