BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«الاش تۋى استىندا» دەرەكتى ٴفيلمى تۇركيادا كورسەتىلدى

استانا، baq.kz. تۇركيا استاناسى انكارا قالاسىندا «كوكتۋ» قازاق مادەنيەتى قوعامى، قازاقستاننىڭ تۇركياداعى ەلشىلىگى قولداۋىمەن «الاش تۋى استىندا» دەرەكتى ٴفيلمىنىڭ تۇساۋكەسەرى ٴوتتى.

كورسەتىلىم بارىسىندا ٴسوز العان قازاقستان ەلشىسى ابزال ساپاربەك ۇلى جەلتوقسان ايىنىڭ قازاق ۇلتى ٴۇشىن ەرەكشە ماڭىزى بار ەكەنىن اتاپ ٴوتتى. الاش قوزعالىسى جونىندە تۇسىرىلگەن ەڭ اۋقىمدى ٴفيلمدى دايىنداپ، تۇركيادا كورسەتكەن كوكتۋ قوعامىنا العىسىن جەتكىزدى. «ۇلت ازاتتىق كۇرەس» جولىندا ٴمىرجاقىپ دۋلاتوۆ «ويان، قازاق!» دەگەن بولسا، ەلباسى نۇرسۇلتان نازاربايەۆ «رۋحاني جاڭعىرۋ»، « ۇلى دالانىڭ جەتى قىرى» ۇندەۋلەرى ارقىلى «ويان، تۇركى الەمى!» دەپ شاقىرادى» دەگەن ەلشى ەندى تۇركى حالىقتارىنىڭ تاريحى تەرەڭ تۇركى مادەنيەتى مەن وركەنيەتىن جانداندىرۋ كەرەكتىگىن باسا ايتتى.

«الاش ۇلتتىق قوزعالىسىن باستاعان زيالىلار تەك قازاق دالاسىن ويلاپ قانا قويعان جوق، ولار بۇكىل ورتالىق ازيانىڭ بولاشاعىن ويلادى. تاۋەلسىز مەملەكەت قۇرا الماسا دا، تاۋەلسىز مەملەكەتتە بولۋى قاجەت بارلىق شەشىمدەردى قابىلدادى»، دەدى ول.

پروف. در. حۋليا كاساپوگلۋ چەنگەل بولسا قازاق ۇلت ازاتتىق كۇرەسى وكىلدەرى مەن تۇرىكتىڭ ۇلت ازاتتىق كۇرەسىن جۇرگىزگەن تۇلعالار اراسىندا وتە جاقىن ۇقساستىق بار ەكەنىن اتاپ كورسەتتى.

«ولار - بىردەي رۋح، بىردەي تەبىرەنىستىڭ تۇلعالارى. قازىرگى كۇنى ستالين ٴوز تۋعان جەرىندە ۇمىتىلعان كەزدە، الاش زيالىلارىن بۇكىل تۇركى ەلدەرى اسپەتتەپ ەسكە الادى»، دەدى ول.

بۇل دەرەكتى ٴفيلمنىڭ كورسەتىلىمى الاشوردانىڭ 100 جىلدىعىنا وراي ارنايى ۇيىمداستىرىلعان.

ٴفيلمدى ٴتۇسىرۋ توبى الاش قايراتكەرلەرىنىڭىزىمەن سەمەيدىڭ الاش قالاسى اتالعان اۋماعىندا، ماسكەۋدەگى كرەمل، سانكت-پەتەربۋرگتەگى دۋما وتىرىستارى وتكەن تاۆريا سارايىندا، سمولنىيدا، سانكت-پەتەربۋرگ، قازان ۋنيۆەرسيتەتىندە، ۋفاداعى مەملەكەتتىك ٴماجىلىس وتكەن بۇرىنعى «ٴسىبىر» قوناقۇيىندە ٴتۇسىرۋ جۇمىستارىن جۇرگىزدى.

تۇساۋكەسەرگە قازاقستاننىڭ تۇركياداعى وكىلەتتى جانە توتەنشە ەلشىسى ابزال ساپاربەك ۇلى، كىتاپحانالار جانە باسىلىمدار باس ديرەكتورىنىڭ ورىنباسارى ياحيا وزەن، پروف. در. حۋليا كاساپوگلۋ چەنگەل، پروف. در. ٴابدۋاقاپ قارا، دوس. در. دجەميلە كىنادجى، تۇرىكسويداعى قازاقستان وكىلى اسقار تۇرعانبايەۆ، تۇرىك زيالىلارى، قازاقستاندىق ستۋدەنتتەر قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي