BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقش-تا وسكەن قانداسىمىز قازاقستانعا ورالعىسى كەلەدى

استانا، baq.kz. 24 جاسار ايدار حەينەس (aidar heynes) امەريكادا وسكەن. ونىڭ كىشكەنتاي كەزىندە تۋعان اپايى ايگەرىم ەكەۋىن امەريكاندىق مۇعالىمدەر وتباسى اسىراپ العان ەكەن. التى جىل بۇرىن جاس جىگىت قازاقستانعا العاش رەت وتباسىمەن بىرگە كەلىپ، وعان قازاقستاندا ٴومىر ٴسۇرۋ ۇناپ قالادى.

«انام دەببي - وقىتۋشى، اكەم دجوردج - زەرتتەۋشى بولىپ جۇمىس ىستەيدى. ايگەرىم ٴقازىر مونتانادا ٴوز وتباسىمەن بىرگە تۇرادى. ٴبىزدىڭ ۇيدە ۇلتتىق كيىم مەن قازاقتىڭ كادەسىيلارى بار. مەن قازاقستان تۋرالى كوپتەگەن مالىمەتتەر جينادىم»، - دەدى ايدار.

ايدار بيىل ٴبىلىم الماسۋ باعدارلاماسى بويىنشا نازاربايەۆ ۋنيۆەرسيتەتىنىڭ اكادەميالىق سەمەسترىن ساياساتتانۋ ماماندىعى بويىنشا بىتىرەدى. ول ٴوز ورتاسىندا سىيلى، دوستارى دا كوبەيدى. جاقىندا ايدار مونتانا شتاتىنىڭ بوزەمان قالاسىنا قايتادى. بيىل جازدا مونتانا مەملەكەتتىك ۋنيۆەرسيتەتىن بىتىرەدى. سوعان بايلانىستى قازاقستاندا ٴوز وقۋىن جالعاستىرۋعا نەمەسە كاسىبي تاجىريبە الۋعا وسىندا قالعىسى كەلەدى.

«مەن ٴاردايىم ساتتىلىك مەنىمەن بىرگە بولادى دەپ ۇمىتتەنەمىن. ماعان قازاقستان وتە ۇنايدى»، - دەيدى ول.

ەلىمىزدىڭ ٴبىراز جەرىن ارالاپ شىققان ايدار مونتانا كليماتىنىڭ الماتىعا ۇقساس ەكەندىگىن ايتادى.

«تاياۋدا نازاربايەۆ ۋنيۆەرسيتەتىندە ەمتيحان سەسسياسى وتەدى، سودان كەيىن مەن دوستارىممەن بىرگە بۋرابايعا بارعىم كەلەدى»، - دەيدى جاس جىگىت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي