BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ادامدى قۇردىمعا كەتىرەتىن 7 ۇلكەن كۇنا

پايعامبارىمىز (س.ا.ۋ.): «قۇردىمعا جىبەرەتىن جەتى نارسەدەن ساقتانىڭدار»،- دەدى. سوندا ساحابالار: «ۋا، اللانىڭ ەلشىسى (س.ا.ۋ.)! ول جەتى نارسە نە؟»، - دەپ سۇرادى. پايعامبارىمىز (س.ا.ۋ.): «اللاعا ورتاق قوسۋ، سيقىرلىق، جازىقسىز ادام ٴولتىرۋ، ٴوسىمقورلىق، جەتىمنىڭ مالىن جەۋ، سوعىس مايدانىنان قاشۋ جانە ارى تازا ٴمۇمىن ايەلگە جالا جابۋ»، - دەپ جاۋاپ بەردى (بۇحاري، مۋسليم).

1. اللاعا سەرىك قوسۋ.

«شىندىعىندا اللا وزىنە سەرىك قوسقاندى كەشىرمەيدى، ال ودان باسقانى (باسقا كۇنانى) قالاعان پەندەسىنە كەشىرەدى. كىمدە-كىم اللاعا سەرىك قوسسا، ول قاتتى اداسادى» (نيسا، 116);

«اللامەن بىرگە ٴتاڭىر شاقىرما. وندا سەن دە ازاپقا ۇشىراۋشىلاردان بولاسىڭ» (شۇعارا، 213);

«جانە دە اللادان وزگە ساعان پايدا، زيان كەلتىرە المايتىن نارسەلەرگە جالبارىنبا. ەگەر ونى ىستەسەڭ، وندا كۇدىكسىز سەن زالىمداردان بولاسىڭ» (ٴجۇنىس، 106، 107);

«ەگەر ولار ورتاق قوسسا ەدى، ارينە ولاردىڭ ىستەگەن امالدارى جويىلىپ كەتەر ەدى» (ٴانعام، 88);

«سەندەردىڭ اللادان وزگە شوقىنعاندارىڭ سەندەرگە دە جاردەم ەتە المايدى ٴارى وزدەرىنە دە جاردەم ەتە المايدى» (اعراف، 197).

2. سيقىر جاساۋ.

«(ولار ٴتاۋراتتى قويىپ) سۇلەيمەننىڭ (ا.س) پاتشالىعى زامانىنداعى شايتاندار وقىعان (سيقىر) عا ىلەستى. سۇلەيمەن (ا.س) قارسى كەلمەدى (سيقىر جاسامادى). ٴبىراق شايتاندار، ادامدارعا سيقىر ۇيرەتىپ، كاپىر بولدى. ولار بابىلعا "ھارۋت، مارۋت" اتتى ەكى پەرىشتەگە تۇسىرىلگەندى ۇيرەتتى. ول ەكى پەرىشتە: "ٴبىز سىناق ٴۇشىن كەلدىك، قارسى بولماڭدار" دەپ ايتپايىنشا ەشكىمگە ۇيرەتپەگەن. سوندا دا ولار، ەكەۋىنەن: ەر-ايەلدىڭ اراسىن اجىراتىپ، ارازداستىراتىن سيقىرلىقتى ۇيرەنەتىن ەدى. ولار، اللادان بۇيرىقسىز ەشكىمگە زيان بەرە المايدى. ولار وزدەرىنە زيان كەلتىرەتىن، پايدا بەرمەيتىن نارسەنى ۇيرەنەتىن ەدى. راسىندا ولار ونى ايىرباستاپ العانعا (اللانىڭ كىتابىنىڭ ورنىنا سيقىر ۇيرەنگەگە) اقىرەتتە نەسىبە جوقتىعىن ٴبىلدى. ولار، وزدەرىنە نەندەي جامان نارسە ساتىپ العاندىقتارىن بىلگەن بولسا ەدى» (باقارا، 102);

«ەي، مۇمىندەر! اراق، قۇمار، تىگىلگەن تاستار (بۇتتار) جانە بال اشاتىن لاس، شايتاننىڭ ىستەرىنەن. ودان ساقتانىڭدار، قۇتىلارسىڭدار. نەگىزىنەن شايتان، اراقتا، قۇماردا ارالارىڭا دۇشپاندىق ٴارى كەك سالىپ، اللانى ەسكە الۋدان جانە نامازدان توسۋدى قالايدى. ال سوندا دا تىيىلمايسىڭدار ما؟» (ٴمايدا، 90-91)

3. جازىقسىز ادام ٴولتىرۋ.

«وزدەرىڭە بىرەۋ شابۋىل جاساسا، قۇداي جولىندا سەندەر دە سوعىساسىڭدار. تەك وزدەرىڭ كيلىكپەڭدەر. انىعىندا، اللا شەكتەن شىققانداردى ۇناتپايدى» (باقارا، 190);

«بەيكۇنا ادامداردى ٴولتىرۋشى بولماڭدار، ول – ٴتاڭىرى تىيىم سالعان ٴىس. ەگەر بىرەۋ ناقاق ولتىرسە، كەك الۋ قۇقىعى ولگەن ادامنىڭ جاقىن تۋىسىنا بەرىلەدى. ول ٴبىراق كەك الۋدا شەكتەن تىس شىقپاۋى كەرەك. شىدىعىندا، وعان جاردەم بولادى» (يسرا، 33);

«كىمدە-كىم ٴمۇمىندى قاساقانا ولتىرسە، ونىڭ جازاسى جاھاننام جانە ول وندا ماڭگى كۇيەدى. اللانىڭ قاھارى مەن قارعىسىنا ۇشىرايدى. ٴتاڭىرى وعان اۋىر ازاپ دايىندايدى» (نيسا، 93).

4. ٴوسىمقورلىق.

«پايىز (ٴوسىم) جەگەندەر قيامەت كۇنى قابىرلەرىنەن قويانشىق اۋرۋى بار ادامداي ەسەڭگىرەپ تۇرادى» (باقارا، 275);

«اللا تاعالا پايىز (ٴوسىم) العان جانە بەرگەندەردىڭ مال-مۇلىكتەرىن جويادى. ٴىزىن دە، بەلگىسىن دە قالدىرمايدى. زەكەت بەرگەندەردىڭ مال-مۇلىكتەرىن البەتتە ارتتىرادى.» (باقارا، 276);

«ٴاي، مۇمىندەر! اللادان قورقىڭدار. ەگەر سەنسەڭدەر، وسىمنەن قالىپ قالعان (الاسىلارىڭدى) قالدىرىڭدار (الماڭدار). ەگەر ونى ىستەمەسەڭدەر، (ٴوسىم العاندى قويماساڭدار) بۇنى اللاعا، پايعامبارىنا قارسى سوعىس دەپ بىلىڭدەر. ەگەر تاۋبە قىلساڭدار، سوندا مالدارىڭنىڭ باسى وزدەرىڭدىكى. ز ۇلىمدىق ەتپەگەن جانە ز ۇلىمدىققا ۇشىراماعان بولاسىڭدار». («باقارا»، 278، 279).

5. جەتىمنىڭ مالىن جەۋ.

«(ەي، مۇحاممەد!) ولار سەنەن جەتىمدەر تۋرالى سۇرايدى. «ولاردى تۇزەلتكەن جاقسى (ياعني، جەتىمدەردى تاربيەلەپ وسىرگەن جاقسى، جەتىمنىڭ اكەسىنەن قالعان مال-مۇلكىن قورعاپ، باعىپ بەرگەن جاقسى)، (اكەسىز قالعان بەيشارا جەتىمدەردىڭ مۇددەسىنە بولا) ولارمەن ارالاسىپ (ٴومىر سۇرىڭدەر) جاساڭدار. ولار سەندەردىڭ دىندەس تۋىستارىڭ. اللا بۇزۋشىنى تۇزەۋشىدەن ايىرىپ بىلەدى (باقارا، 220);

«جەتىمدەردى ۇيلەنۋ (جاسىنا) جەتكەنشە سىناپ تۇرىڭدار. ەگەر ولاردان (مال-مۇلكىنە يە بولارلىق) ەستيارلىق (قابىلەتىن) بايقاساڭدار، ولارعا مال-مۇلكىن تاپسىرىپ بەرىڭدەر. ولار ەسەيگەنشە مال-مۇلكىن شاشىپ (ىسىراپ قىلىپ) تەزدەتىپ جەپ الماڭدار. باي بولعاندار (جەتىمدى باعىپ، قاراعانىنا بولا) جەتىمنىڭ مالىن جەمەسىن. ال كەدەيلەر (ونى باعىپ-قاققان ەڭبەگى ٴۇشىن) لايىعىمەن جەسىن. جەتىمدەردىڭ مال-مۇلكىن تاپسىرىپ بەرگەن كەزدە ايعاقشى قويىڭدار. ەسەپ الۋعا اللا جەتكىلىكتى» (نيسا، 6);

«جەتىمدەردىڭ مالىن ز ۇلىمدىق ىستەپ جەپ العاندار ىشىنە وت جۇتىپ العان بولادى. ولار ٴسوزسىز توزاققا تاستالادى»(نيسا، 10).

6. سوعىس مايدانىنان قاشۋ.

«ال جانە كىم سوعىس كۇنى، سوعىس مايدانىن اۋىستىرۋ نەمەسە توپقا قوسىلۋدان باسقا تۇردە شەگىنسە، ارينە اللانىڭ قاھارىنا ۇشىرايدى. ورنى توزاق، نەندەي جامان ورىن!» (ٴانفال، 16).

7. ارلى ايەلگە زينا جالاسىن جابۋ.

«راسىندا ابىرويلى ٴمۇمىن، اق نيەت ايەلدەرگە جالا قويعاندار دۇنيە، اقىرەتتە قارعالدى. ٴارى ولار ٴۇشىن ٴىرى ازاپ بار» (نۇر، 23).

islam.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي