BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

1500 دومبىراشى ٴبىر مەزەتتە ەلىمىزدىڭ تۇكپىر-تۇكپىرىندە قازاق كۇيلەرىن ورىندادى

فوتو: Автор

سولتۇستىك قازاقستان، baq.kz ٴتىلشىسى. قازاقستاننىڭ بارلىق ٴىرى قالالارى مەن وبلىس ورتالىقتارىن قامتىعان شارا «نازاربايەۆ زياتكەرلىك مەكتەپتەرى» دەربەس ٴبىلىم بەرۋ ۇيىمىنىڭ ۇيىمداستىرۋىمەن ٴوتتى. 1500 دومبىراشى ٴبىر مەزەتتە ەلىمىزدىڭ تۇكپىر-تۇكپىرىندە ٴتۇرلى قوعامدىق ورىنداردى قازاق كۇيلەرىن اۋەلەتى.

2008 جىلى قازاقستان رەسپۋبليكاسىنىڭ پرەزيدەنتى، ۇلت كوشباسشىسى نۇرسۇلتان نازاربايەۆتىڭ باستامىسىمەن زياتكەرلىك مەكتەپتەر قۇرۋ جونىندەگى جوبا ىسكە قوسىلدى.

بۇگىنگى كۇنى ول ٴبىلىم بەرۋ جۇيەسىنىڭ نەگىزگى ٴقوزعاۋشى كۇشىنە اينالىپ، الەمدىك ارەناعا شىقتى. بيىل «نازاربايەۆ زياتكەرلىك مەكتەپتەرى» دەربەس ٴبىلىم بەرۋ ۇيىمىنىڭ قۇرىلعانىنا 10 جىل.

قر تۇڭعىش پرەزيدەنتى كۇنى مەرەكەسىنە وراي، ەلباسىنىڭ ەسىمىن الىپ جۇرگەن ٴبىلىم ورداسى فلەشموب ۇيىمداستىردى. مەكتەپ مۇعالىمدەرىنىڭ ايتۋىنشا، مەرەيتويلىق جىلدىڭ سوڭعى ايىندا باسقا دا كوپتەگەن مەرەكەلىك شارالار وتكىزۋ جوسپارلانعان.

سولاردىڭ ٴبىر پاراسى – «ۇلا دالا مۇراگەرلەرى» اتتى دومبىراشىلار فلەشموبى. پەتروپاۆلدا اتالعان شارا «سيتي-مولل» ساۋدا ۇيىندە ٴوتتى. قازاقتىڭ كۇي ونەرىنىڭ مەرەكەسىنە 70-كە تارتا دومبىراشى قاتىستى.

جاستار قۇرمانعازىنىڭ «سارىارقا»، «اداي»، «بالبىراۋىن» جانە نۇرعيسا تىلەنديەۆتىڭ «اتا تولعاۋى» مەن «ٴالقيسسا» سىندى تاعى باسقا كۇيلەردى ورىندادى.

«جالپى ٴىس-شارانى ۇيىمداستىرۋداعى ماقسات وسكەلەڭ ۇرپاققا پاتريوتتىق تاربيە بەرۋ، قازاق حالقىنىڭ قاسيەتتى دومبىراسىن ناسيحاتتاۋ. ەرەكشەلىگى - جىل ساناپ دومبىراشىلار سانى ارتىپ كەلە جاتىر. 70 بالا كۇي ورىنداسا، 150-گە جۋىق وقۋشى مەن مەكتەپ قىزمەتكەرلەرى جانە اتا-انالار ونى كورۋگە كەلدى»، - دەيدى پەتروپاۆل قالاسىنداعى نازاربايەۆ زياتكەرلىك مەكتەبىنىڭ پەداگوگى باقىت نۇرىشەۆا.

مەكتەپ وقۋشىلارى ٴان مەن بيبەن شاشۋ شاشتى. فلەشموب ساۋدا ۇيىنە كەلۋشىلەردىڭ نازارىن وزىنە اۋدارتپاي قويمادى. كوپشىلىك توقتاپ، ساحنادا ورىندالعان كونسەرتتىك نومەرلەردى بەينەجازباعا ٴتۇسىرىپ جاتتى.

«قازاقتىڭ ورىمدەي ۇل-قىزدارى قولدارىنا قازاقتىڭ قارا دومبىراسىن الىپ، ساۋدا ۇيىندە ٴان مەن كۇيدى اۋەلەتىپ جاتىر. تاماشا كورىنىس. رۋحىڭدى كوتەرەدى. ۇلتىمىزدىڭ ونەرىنە دەگەن سۇرانىس ارتىپ كەلە جاتقانى، جاس ۇرپاقتىڭ وعان دەن قويعانى ارينە جاقسى. ساۋدا ٴۇيىنىڭ ٴۇشىنشى قاباتىندا كەتىپ بارا جاتىپ، دومبىرا ٴۇنىن ەستىگەندە، ەرىكسىز سول جاققا قاراي بەت الدىم. كوڭىلىم ٴبىر كوتەرىلىپ، سەرپىلىپ قالدىم»، - دەيدى پەتروپاۆل تۇرعىنى زەينەپ امانجولوۆا.

اتالعان شارا قازاقستاننىڭ تۇكپىر-تۇكپىرىندە ۇيىمداستىرىلدى. فلەشموبقا 1500-دەن استام دومبىراشى قاتىستى.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي