BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭا ٴالىپبي ەشبىر تۇتىنۋشىعا قيىنشىلىق تۋعىزباۋ كەرەك – ەردەن قاجىبەك

فوتو: Автор

الماتى، baq.kz ٴتىلشىسى. الماتىدا «لاتىن الىپبيىنە كوشۋ – تاريحي تاڭداۋ» اتتى رەسپۋبليكالىق عىلىمي-تەوريالىق كونفەرەنسيا ٴوتىپ جاتىر.

القالى جيىن بارىسىندا، «ورلەۋ» باۇو» اق فيليالى الماتى قالاسى بويىنشا پقباي ديرەكتورى رايسا سادۋاقاسوۆا قۇتتىقتاۋ ٴسوز سويلەپ، قاتىسۋشىلارعا ساتتىلىك تىلەدى.

«لاتىن الىپبيىنە كوشۋ – جالپىۇلتتىق مەملەكەتتىك رەفورما. وسى رەفورمانى جۇزەگە اسىرۋدا قازىرگى زامانعى ٴبىلىم بەرۋ ٴۇردىسىنىڭ ەرەكشەلىكتەرىن ٴتۇسىندىرۋ، لاتىن ٴالىپبيىنىڭ ٴبىرىڭعاي ستاندارتىن ەنگىزۋ ماسەلەسى بويىنشا وي ٴبولىسۋ. ٴىس-شارانى ٴتىل ٴبىلىمى ينستيتۋتىمەن بىرلەسە وتكىزۋدەگى ماقساتىمىز لاتىن الىپبيىنە كوشۋدىڭ ماڭىزدىلىعى تۋرالى ٴتىل ماماندارىنىڭ پىكىرىمەن تانىستىرىپ، تەرەڭ ماعلۇمات بەرۋ»،-دەيدى ر. سادۆاكاسوۆا.

اتالعان شارا ا. بايتۇرسىن ۇلى اتىنداعى ٴتىل ٴبىلىمى ينستيتۋتى مەن «ورلەۋ» باۇو» اق اراسىنداعى 2018 جىلعى 12 شىلدەدە جاسالعان عىلىمي-ادىستەمەلىك ىنتىماقتاستىق تۋرالى مەموراندۋم نەگىزىندە ۇيىمداستىرىلعان.

«ٴقازىر لاتىن ٴالىپبيى ٴبىزدىڭ مامانداردىڭ قاتىسۋىمەن ٴار قالادا قارقىندى تالقىلانىپ جاتىر. بۇگىن الماتى قالاسىنداعى 200 اسا مەكتەپ مۇعالىمدەرىمەن بىرگە حالىقارالىق دەڭگەيدە كونفەرەنسيا ٴوتىپ جاتىر. وعان ەۋروپا وداعىنان، تۇركيا، بەلگيادان قازاق ٴتىلىنىڭ ماماندارى ونلاين قوسىلىپ، ولاردا وزدەرىنىڭ ويلارىن بىلدىرۋدە. ٴقازىر ەلباسىنىڭ ناقتى تاپسىرماسى بار، بىرىنشىدەن، بۇل ٴالىپبي ەشبىر تۇتىنۋشىعا قيىنشىلىق تۋعىزباۋ كەرەك. ەكىنشىدەن، ٴار ازاماتتىڭ پىكىرى ٴبىز ٴۇشىن وتە قىمبات. ٴبىز كەز-كەلگەن جاڭالىقتى ساراپتاپ، تالقىلاپ، ورتاعا سالۋىمىز كەرەك»، -دەيدى ا. بايتۇرسىن ۇلى اتىنداعى ٴتىل ٴبىلىمى ينستيتۋتىنىڭ ديرەكتورى، پروفەسسور ەردەن قاجىبەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي