ۇلتتىق سۇرانىس پەن قاجەتىلىككە جاۋاپ بەرەتىن جاڭعىرۋ جولىن تاڭداۋىمىز كەرەك – ساراپشى - رۋحاني جاڭعىرۋ|07 جەلتوقسان 2017، 15:36
كۋرسى ۆاليۋت وبنوۆليايۋتسيا
استانا:

ۇلتتىق سۇرانىس پەن قاجەتىلىككە جاۋاپ بەرەتىن جاڭعىرۋ جولىن تاڭداۋىمىز كەرەك – ساراپشى

بۇگىن قر تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىندا (اەسي) «جاڭعىرۋ جانە دامۋدىڭ ۇلتتىق جولى: تاريح ساباقتارى مەن بولاشاقتىڭ سىن-تەگەۋرىندەرى» اتتى دوڭگەلەك ۇستەل ٴوتتى، دەپ حابارلايدى baq.kz اقپارات اگەنتتىگى.

"قازاقستان رەسپۋبليكاسىنىڭ تاۋەلسىزدىك كۇنى قارساڭىندا، ەل ەگەمەندىگىنىڭ 26 جىلىن قورىتىندىلاي وتىرىپ، ٴبىز ٴوزىمىزدىڭ ۇلتتىق جاڭارۋىمىزدىڭ جاڭا كۇردەلى كەزەڭىنە قادام باسامىز. ٴۇشىنشى جاڭعىرۋ دەپ بەلگىلەنگەن بۇل كەزەڭ قازاقستاننىڭ ەڭ دامىعان 30 ەلدىڭ قاتارىنا كىرۋىنە باعىتتالعان ماڭىزدى تاپسىرمالاردى جۇزەگە اسىرۋعا نەگىزدەلگەن"، - دەيدى دوڭگەلەك ۇستەلگە قاتىسقان اەسي ديرەكتورى ەرجان سالتىبايەۆ.

ساراپشىنىڭ سوزىنە قاراعاندا، جۇزەگە اسىرىلىپ جاتقان جاڭعىرۋ باعدارلاماسىن ەلىمىزدىڭ جيناقتاعان تاجىريبەسى مەن حالقىمىزدىڭ سانعاسىرلىق تاريحى ارقىلى باعالاۋ وتە ماڭىزدى.

"ٴبىزدىڭ تاريحىمىزدا بۇعان دەيىن درامالىق سيپاتقا ساي كەلەتىن جاڭعىرۋ جۇمىستارى جۇرگىزىلگەن. كەڭەس ٴداۋىرىن ەسكە الساق جەتكىلىكتى. بۇل تۇرعىدان العاندا، ٴبىزدىڭ تاريحي تاجىريبەمىز بەن قوعامنىڭ قازىرگى جاعدايىن تەرەڭ تالداۋى قاجەت، وتكەن كۇندەردە جاساعان قاتەلىكتەردى قايتالاماي، ۇلتتىق سۇرانىس پەن قاجەتىلىككە جاۋاپ بەرەتىن ەڭ ٴتيىمدى ٴارى ناتيجەلى جاڭعىرۋ جولىن تاڭداۋىمىز كەرەك"، - دەيدى اەسي ديرەكتورى.

پىكىرتالاسقا قاتىسۋشىلار مەملەكەت باسشىسىنىڭ قوعامدىق سانانى جاڭعىرتۋ بويىنشا قويعان تاپسىرمالارىن، جاڭعىرۋ جۇمىستارىن ارى قاراي جۇرگىزۋ ٴۇشىن قانداي تۇيتكىلدى ماسەلەلەرگە نازار اۋدارۋ كەرەكتىگىن تالقىلادى.

شاراعا وتاندىق ساراپشىلار، ساياساتكەر-عالىمدار مەن تاريحشىلار قاتىستى. ولاردىڭ قاتارىندا: مۇحيت-ارداگەر سىدىقنازاروۆ، ل.ن. گۋميلەۆ اتىنداعى ەۇۋ زاماناۋي زەرتتەۋلەر ينستيتۋتىنىڭ ديرەكتورى; تيمۋر كوزىرەۆ، حالىقارالىق تۇرىك اكادەمياسىنىڭ ساراپشىسى; راديك تەمىرعاليەۆ، تاريحشى، «قازاقتار مەن رەسەي» جانە ت.ب. كىتاپتاردىڭ اۆتورى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي