BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركيادا قازاق سۋرەتشىلەرىنىڭ كورمەسى ٴوتىپ جاتىر

استانا، baq.kz. تۇركياداعى مۇستافا ايياز اتىنداعى زاماناۋي ونەر مۋزەيىندە پرەزيدەنتتىڭ «رۋحاني جاڭعىرۋ» باعدارلاماسىنىڭ اياسىندا، حح عاسىردىڭ سوڭى – ححi عاسىردىڭ باسىنداعى قازاقستاندىق سۋرەتشىلەردىڭ 32 كەسكىندەمەلىك جانە گرافيكالىق جۇمىستارىن ۇسىناتىن « ۇلى دالا رۋحى» كورمەسىنىڭ اشىلۋى ٴوتتى.

كورمەنى قر مادەنيەت جانە سپورت مينيسترلىگى، حالىقارالىق تۇركسوي ۇيىمى جانە ٴا. قاستەەۆ اتىنداعى قر مەملەكەتتىك ونەر مۋزەيى ۇيىمداستىردى.

ٴا. قاستەەۆ اتىنداعى قر مەملەكەتتىك ونەر مۋزەيى – قازاق بەينەلەۋ ونەرىنىڭ الەمدەگى ەڭ اۋقىمدى كوللەكسياسىنا يە قازاقستانداعى ٴىرى كوركەمسۋرەتتى مۋزەي. « ۇلى دالا رۋحى» كورمەسى كوشپەندىلەر مادەنيەتىنىڭ، قازاقتىڭ تۇرمىس ٴداستۇرى، ۇلتتىق ات-سپورتتىق ويىندارى، داستۇرلەرى مەن ادەت-عۇرىپتارىنىڭ بىرەگەي ەرەكشەلىگىن كورسەتەدى. ول قازىرگى زامانعى تۇركىتىلدەس ەلدەردىڭ بەينەلەۋ ونەرى، وتكەنگە، تاريحقا، ونىڭ اۋماعىندا بولعان ەجەلگى وركەنيەتتەرگە، قازىرگى زامانعى ادامزات پروبلەمالارىنا جانە رۋحاني ىزدەنىستەرگە دەگەن ۇلكەن قىزىعۋشىلىعىنىڭ ايقىن ۇلگىسى.

32 كەسكىندەمە جانە گرافيكالىق تۋىندى تۇرىك كورەرمەندەرى مەن تۇرىك استاناسىنىڭ قوناقتارىن قازاقستاندىق ەۆگەنيي سيدوركين، ٴابدىراشيت سىدىحانوۆ، دۋلات اليەۆ، عاني بايانوۆ، باحىت باپيشەۆ سىندى ونەر شەبەرلەرىنىڭ، سونداي-اق مارات بەكەەۆ، شاميل گۋليەۆ، نەللي بۋبە، اسقار ەسداۋلەت، الماگۇل مەڭلىبايەۆا، اندرەي نودا، گۇلجامال تاگەنوۆا، الپىسباي قازىعۇلوۆ جانە ۆياچەسلاۆ ليۋي-كو سياقتى قىزىقتى زاماناۋي سۋرەتشىلەردىڭ شىعارماشىلىعىمەن تانىستىرادى.

قازاق كەسكىندەمەسىنىڭ كلاسسيگى ەۆگەنيي سيدوركيننىڭ ٴتورت گرافيكالىق تۋىندىسى «ساكەن سەيفۋلليندى وقىعاندا» توپتاماسىنان «بەسىك جىرى» جانە «قازاقتىڭ ۇلتتىق ويىندارى» توپتاماسىنان «قىز قۋۋ»، «بايگە» جانە «كوكپار» عالامات كومپوزيسيالىق شەشىمىمەن ەرەكشەلەنەدى.

«قازاقتىڭ ۇلتتىق ويىندارى» توپتاماسىندا سۋرەتشى قازاقتاردىڭ ەڭ كونە ۇلتتىق ويىندارىنىڭ رۋحىن - شاپشاڭ قوزعالىسىن، باسەكەلەستىك قۇمارلىعىن جانە كۇرەس قارقىندىلىعىن كورسەتەدى. «بەسىك جىرىندا» كەرىسىنشە، ەڭ نازىك سىرشىلدىقتى − ٴوز ٴسابيىن سۇيۋگە يىلگەن، ەمىرەنە قۇشاقتاعان انا بەينەلەنگەن.

"ٴبىزدىڭ شەبەر ٴابدىراشيت سىدىحانوۆ تاڭبالىق كەسكىندەمەنىڭ نەگىزى رەتىندە قازاقتاردىڭ ەجەلگى رۋلىق تاڭباسىن الىپ، كوركەمدىك ورنەكتىڭ تۇبەگەيلى جاڭا تۇجىرىمداماسىن ۇسىنعان كەزدەگى شىعارماشىلىعىنىڭ ماڭىزدى كەزەڭىن بەينەلەيتىن «شوپان «تاڭبا» شىعارماسىمەن ۇسىنىلعان. نەللي بۋبەنىڭ «كوشپەندىلەر»، «قوناقجايلىلىق»، «قازاقستان ايەلدەرى»، «اي كەرۋەنى» جانە «سكيفتەر» اتتى بارلىق تۋىندىلارى كوشپەندىلەردىڭ بىرەگەي كوركەم ەتنيكالىق بەينەسىن - تۇيەمەن كوشۋ، ساۋدا كەرۋەندەرى، ايەلدەردىڭ ۇلتتىق كيىمىن جانە قازاقتىڭ قوناقجايلىلىعىنىڭ جىلۋلىعىن بىلدىرەدى" - دەيدى ۇيىمداستىرۋشىلار.

سۋرەتشى وتكەن عاسىردىڭ 90-شى جىلدارىنىڭ سوڭىندا تاجىريبە جاساپ، بىرەگەي ارالاس تەحنيكانى، رەلەفتىك كەسكىندەمەنىڭ تەحنيكاسىن جەتىلدىرۋ كەزىندە ٴوزىن ايقىن تانىتتى. مايلى بوياۋدى ٴار ٴتۇرلى ماتەريالدارمەن ارالاستىرۋ ارقىلى، نەللي قيالدى ەمەس، فورمانى جاسايدى. پوست-اۆانگارد پەن يمپرەسسيونيزمنىڭ مۇلدەم وزگە تەحنيكاسىندا باسقا بەلگىلى قازاقستاندىق سۋرەتشى گۇلجامال تاگەنوۆا جۇمىس ىستەيدى.

"ونىڭ «كوكتەم»، «جارتاسقا سالىنعان سۋرەتتەر» جانە «تاۋلار تىنىسى. قاسكەلەڭ» − كورمەلىك تۋىندىلارى تۋعان جەردىڭ سۇلۋلىعىن، كوكتەمگى بوياۋلاردىڭ ەلىرۋىن جانە جاس قازاق قىزدارىنىڭ اسەمدىگىن جىرلايدى. گۇلجامال ايەل بولمىسىنىڭ ساتتەرىن – ساۋكەلەدەگى قازاق قالىڭدىعىن ٴتۇسىرىپ الۋدى جاقسى كورەدى. گۇلجامال ٴوزىنىڭ كۇللى شىعارماشىلىعىندا ۇلتتىق كيىمدەردەگى قازاق قىزدارىنىڭ رومانتيكالىق بەينەلەرىن جاساۋمەن كەلەدى" - دەيدى قازاقستاندىق ونەرتانۋشىلار.

ۆياچەسلاۆ ليۋي-كونىڭ «تەڭىز ماڭىنداعى قالا. ىمىرت»، «وتكەل. سىرناي تۋرالى اڭگىمە»، «ٴبىر كەزدەرى مەن وسىندا تۇرعانمىن»، «سەنبى. قاشقان قالىڭدىق» شىعارمالارى تەرەڭ فيلوسوفيالىق ماعىناعا، بايلانىستار مەن پايىمداۋلارعا تولى. سۋرەتشى ٴۇشىن ەڭ باستىسى − سيۋجەت، استارلى اڭگىمە، تاريح.

الپىسباي قازىعۇلوۆتىڭ كەنەپتەرى بولمىس اسپەكتىلەرى تۋرالى ەموسيالىق پىكىرلەر بولا وتىرىپ، ابستراكسيا مەن ٴسيمۆوليزمنىڭ شەكاراسىن تەڭ ۇستايدى.

«كورمە قازاقستاننىڭ زاماناۋي ونەرىنىڭ كەڭ ستيليستيكالىق ارتۇرلىلىگىن ۇلتتىق بوياۋى مەن وزىندىك ەرەكشەلىگىن ايقىن كورسەتە وتىرىپ، كورنەكى تۇردە ۇسىنادى. ٴا. قاستەەۆ اتىنداعى ونەر مۋزەيى شەتەلدىك كورمەلەردى ٴار ٴتۇرلى ەلدەردە ۇيىمداستىرۋ ارقىلى، قازاق ونەرىن حالىقارالىق دەڭگەيگە كوتەرىپ، الەمدى ٴتول مادەنيەتىمىز، تاريحىمىز بەن بەينەلەۋ ونەرىمەن تانىستىرادى» - دەيدى مۋزەي ديرەكتورى، پروفەسسور گۇلميرا شالابايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي