BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستاندا تۇركى دۇنيەسىنىڭ رۋحاني جاڭعىرۋىنا قاتىستى كونفەرەنسيا ٴوتىپ جاتىر

فوتو: Түркістан облысы әкімдігі

تۇركىستان، baq.kz. تۇركىستان قالاسىندا «كيەلى تۇركىستان جانە تۇركى دۇنيەسىنىڭ رۋحاني جاڭعىرۋى» اتتى عىلىمي-تەوريالىق كونفەرەنسيا باستالدى.

«رۋحاني جاڭعىرۋ» باعدارلاماسى اياسىنداعى ماڭىزدى جيىندى تۇركىستان وبلىسىنىڭ اكىمدىگى مەن حالىقارالىق تۇركى اكادەمياسى بىرلەسىپ ۇيىمداستىردى. سونىمەن قاتار، تۇركى كەڭەسى مەن قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى دە قولداۋ كورسەتۋدە. كونفەرەنسيانى تۇركىستان وبلىسىنىڭ اكىمى جانسەيىت تۇيمەبايەۆ اشتى.

ٴقازىر «تۇركى الەمىنىڭ كيەلى جەرلەرى»، «تۇركى دۇنيەسىنىڭ تۇعىرلى تۇلعالارى» جانە «تۇركى تىلدەرى جانە جازۋى» تاقىرىپتارىنداعى سەكسيالىق وتىرىستار ٴوتىپ جاتىر.

مەملەكەت باسشىسى نۇرسۇلتان نازاربايەۆتىڭ تۇركى كەڭەسىنىڭ vi سامميتىندە كوتەرگەن «تۇركى دۇنيەسىنىڭ تۇعىرلى تۇلعالارى» جانە «تۇركى الەمىنىڭ كيەلى جەرلەرى» باستامالارىن جۇزەگە اسىرۋ باعىتىندا ۇيىمداستىرىلعان عىلىمي باسقوسۋدا تۇركى دۇنيەسىنىڭ عىلىمى، مادەنيەتى مەن ادەبيەتى، تۇركى تىلدەرى، كيەلى جەرلەر مەن تۇعىرلى تۇلعالارى تۋرالى ايتىلادى.

كونفەرەنسياعا قازاقستانداعى ٴبىرقاتار شەتەل ديپلوماتتارى مەن حالىقارالىق ۇيىمداردىڭ وكىلدەرى مەن تاريحشىلارى، ٴازىربايجان، قازاقستان، قىرعىزستان، تۇركيا عالىمدارى مەن اقش، رەسەي، ٴۇندىستان، وزبەكستان زەرتتەۋشىلەرى قاتىسۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي