BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستان وبلىسىنداعى 3 شىڭعا قازاق بيلەرىنىڭ ەسىمى بەرىلدى

فوتو: Түркістан облысы әкімдігі

بۇل تۋرالى تۇركىستان وبلىسىنداعى «سايرام-وگەم» مۇتپ اۋماعىندا «بۇل – ٴبىزدىڭ تاۋلار!» اتتى تاۋ فەستيۆالىنىڭ جابىلۋ سالتاناتىندا بەلگىلى بولدى، دەپ حابارلايدى baq.kz اقپارات اگەنتتىگى.

ايتا كەتەيىك، تۇركىستان وبلىسى اكىمدىگىنىڭ قولداۋىمەن وتكەن فەستيۆالدى وبلىستىق تۋريزم جانە سىرتقى بايلانىستار باسقارماسى مەن تۇركىستان وبلىستىق الپينيستەر فەدەراسياسى ۇيىمداستىردى.

«بۇل – ٴبىزدىڭ تاۋلار!» فەستيۆالى 2018 جىلى ٴۇش بيگە ارنالدى. اتاپ ايتساق، وبلىستاعى 3 بيىك شىڭعا تولە، قازىبەك، ايتەكە ٴبيدىڭ ەسىمى بەرىلدى. بۇرىن ستۋدەنتوۆ (3750 م) دەپ اتالعان شىڭ ەندى ايتەكە بي شىڭى دەپ اتالسا، كەرگەلي ۋزلوۆايا (3787 م) شىڭىنا قازىبەك ٴبيدىڭ ەسىمى بەرىلدى. ال، روششينا (3860 م) شىڭى ەندى تولە بي شىڭى دەپ اتالادى.

فەستيۆالدە قاراعاندى، اقتوبە، تۇركىستان وبلىستارى مەن شىمكەنت قالاسىنان جينالعان 30-عا جۋىق ٴالپينيستىڭ ٴ15-ى اتالعان شىڭداردى باعىندىردى.

سالتاناتتى شارادا تۇركىستان وبلىسى اكىمىنىڭ ورىنباسارى ەربول تاسجۇرەكوۆ "رۋحاني جاڭعىرۋ" باعدارلاماسى اياسىندا وتكەن فەستيۆالدىڭ ماڭىزدىلىعىنا توقتالىپ، الپينيستەردى العىس حاتپەن ماراپاتتادى. ٴوز كەزەگىندە، تۇركىستان وبلىستىق الپينيستەر فەدەراسياسىنىڭ پرەزيدەنتى باقىتجان اسانوۆ ٴتۋريزمدى دامىتۋ باعىتىنداعى مۇنداي باستامالار الداعى ۋاقىتتا دا جالعاساتىنىن جەتكىزدى.

ٴىس-شارا بارىسىندا ۆەلوشەرۋ، ۇلتتىق ويىنداردان سايىستار، كونسەرتتىك باعدارلاما ۇيىمداستىرىلدى. ەل اعالارى ۇلى تۇلعالار تۋرالى دەرەكتەر ايتىپ، اق باتالارىن جاۋدىردى. تاۋ باۋرايىندا ٴۇش ٴبيدىڭ قۇرمەتىنە اس بەرىلىپ، پاتريوتتىق اندەر شىرقپلدى. فەستيۆالگە جينالعان كوپشىلىك تولە بي اۋدانىنىڭ تابيعاتىنا تامسانىپ، ىشكى ٴتۋريزمدى دامىتۋعا ۇلەس قوسىپ قايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي