«تۇركى بارومەترى» جوباسى تانىستىرىلدى - رۋحاني جاڭعىرۋ|27 قاراشا 2017، 16:23
كۋرسى ۆاليۋت وبنوۆليايۋتسيا
استانا:

«تۇركى بارومەترى» جوباسى تانىستىرىلدى

بۇگىن تۇركى اكادەمياسى حالىقارالىق ۇيىمى (twesco) استانا قالاسىندا وتكەن «تۇركى الەمىندە رۋحاني جاڭعىرۋ: تاريح. تانىم. تۇلعا» كونفەرەنسياسى اياسىندا «تۇركى بارومەترى» جوباسى مەن ونىڭ العاشقى زەرتتەۋ ناتيجەلەرىن تانىستىردى، دەپ حابارلايدى baq.kz اقپارات اگەنتتىگى.

جينالعان كوپشىلىك الدىندا ٴسوز العان اكادەميا باسشىسى دارحان ٴقىدىرالى «تۇركى بارومەترىن» جاساۋداعى نەگىزگى ماقسات پەن كەلەشەك جوسپارلار تۋرالى بايانداپ بەردى.

"تۇركى بارومەترى سيپاتى جاعىنان ەۋروپا وداعىنىڭ «ەۋروبارومەتر» زەرتتەۋ باعدارلاماسى مەن الەمنىڭ وزگە دە ايماقتارىندا جۇرگىزىلەتىن («افروبارومەتر»، «لاتىنبارومەتر» جانە ت.ب.) زەرتتەۋلەرگە ۇقساس جوبا. 2004 جىلدان بەرى پوستكەڭەستىك كەڭىستىكتە ەۋرازيالىق مونيتورينگ جۇرگىزىلەتىنى ٴمالىم. ال، ەۋرازيالىق دامۋ بانكى (eabr) 2012 جىلدان باستاپ تمد ەلدەرى اۋماعىندا «ينتەگراسيالىق بارومەتر» جۇرگىزىپ كەلەدى. زەرتتەۋ جوباسىنىڭ نەگىزگى ماقساتى: تۇركى مەملەكەتتەرى تۇرعىندارىنىڭ تۇركى كەڭەسى تاراپىنان جۇرگىزىلەتىن ينتەگراسيالىق پروسەستەرگە قاتىستى الەۋمەتتىك كوڭىل-كۇيلەرىن (رەاكسيالارىن)، ەكونوميكالىق، مادەني اسپەكتىلەرگە بايلانىستى وي-پىكىرلەرىن زەرتتەپ ٴبىلۋ. تارقاتىپ ايتقاندا، تۇركى مەملەكەتتەرىنىڭ نەگىزگى الەۋمەتتىك، ەكونوميكالىق كورسەتكىشتەرىن ەكشەۋ جانە حالىقتار اراسىنداعى ىنتىماقتاستىق ٴۇشىن وڭتايلى تۇستاردى باعامداۋ" - دەيدى دارحان ٴقىدىرالى.

العاشقى الەۋمەتتىك زەرتتەۋ ازەربايجان، قازاقستان، قىرعىزستان، وزبەكستان، تۇركيا مەن تۇرىكمەنستان استانالارىنىڭ تۇرعىندارى اراسىندا جۇرگىزىلگەن.

اكادەميا تاپسىرىسىمەن «قوعامدىق پىكىر» عىلىمي زەرتتەۋ ينستيتۋتى جۇرگىزگەن بۇل جوبانى قاتىسۋشىلارعا اتالعان ينستيتۋتتىڭ جەتەكشىسى، عىلىمي كەڭەسشى بوتاگوز راقىشەۆا تانىستىردى. ونىڭ ايتۋىنشا، «تۇركى بارومەترى» كەلەشەكتە تۇركى الەمىندەگى مەملەكەتارالىق (كروسس-مادەني) الەۋمەتتىك زەرتتەۋلەردىڭ تۇراقتى جۇيەسىنە اينالادى دەپ كۇتىلەدى.

"زەرتتەۋ بارىسىندا جوعارىدا اتالعان مەملەكەتتەردىڭ ٴار بىرىنەن 500 رەسپوندەنت تاڭدالىپ، ولار 50-دەن استام سۇراققا جاۋاپ بەردى. ولاردىڭ ىشىندە: تۇركى مەملەكەتتەرىنىڭ مادەنيەتىمەن قانشالىقتى تانىسسىز؟; تۇركى الەمىنىڭ عىلىم، مادەنيەت، ونەر، سپورت سالالارىنداعى ەڭ تانىمال وكىلدەرىن اتاڭىز؟; تۇركى الەمىندەگى بەدەلدى تۇلعا كىم دەپ ويلايسىز؟; تۇركى الەمىندەگى جاڭالىقتاردى قاي كوزدەردەن الاسىز؟ سەكىلدى ساۋالدار قامتىلدى" - دەيدى بوتاگوز راقىشەۆا.

ايتا كەتۋ كەرەك، «تۇركى بارومەترى» تاۋەلسىز تۇركى مەملەكەتتەرىندە جۇيەلى تۇردە (ٴار التى اي سايىن نەمەسە جىلىنا ٴبىر رەت) ساۋالناما ارقىلى جاسالىپ تۇرادى. زەرتتەۋگە جاسى 18-گە تولعان ازاماتتار قاتىسا الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي