BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«تۋعان جەرگە تاعزىم» تۇركىستاننان باستالادى

فوتو: Түркістан облысы әкімінің баспасөз қызметі

استانا، baq.kz. بۇگىن تۇركىستان وبلىسىنىڭ ورتالىعى تۇركىستان قالاسىندا «تۋعان جەرگە تاعزىم» كەڭ اۋقىمدى جوباسى باستالدى. «وتانداستار» قورى ۇيىتقى بولعان شارانىڭ مىندەتى – الىس-جاقىن شەتەلدەردە، اۆستريا، انگليا، فرانسيا، شۆەسيا، يران، قىتاي، مونعوليا، تاجىكستان، رەسەي، بەلورۋس، وزبەكستان جانە قىرعىزستاندا تۇراتىن قانداستارعا ارناپ، قازاقستاننىڭ كيەلى جەرلەرىنە تاريحي-تانىمدىق ەكسكۋرسيالار سەرياسىن ۇيىمداستىرۋ. بۇل تۋرالى تۇركىستان وبلىسى اكىمىنىڭ ٴباسپاسوز قىزمەتى حابارلايدى.

ەكى كۇنگە جالعاساتىن ەكسكۋرسيانىڭ، ەڭ الدىمەن، تۇركىستاندا ٴوتۋ ماقساتى – وتانداستارعا قوجا احمەت ياسساۋي، ارىستان باب كەسەنەلەرى، تۇركىستاننىڭ تاريحي مۇراجايى جانە ٴوڭىردىڭ باسقا دا كورىكتى جەرلەرىن تانىستىرۋ ارقىلى قازاق حالقىنىڭ مادەني جانە رۋحاني قۇندىلىقتارىن ناسيحاتتاۋ.

بارشا تۇركى جۇرتىنىڭ اتاجۇرتىنا كەلگەن قانداستاردىڭ قادامىنا قۇت تىلەپ، زور قۇرمەتپەن قارسى العان وبلىس اكىمى جانسەيىت تۇيمەبايەۆ وسىناۋ ماڭىزدى كەزدەسۋدىڭ ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ اياسىندا ۇيىمداستىرىلىپ جاتقانىن ايتىپ، قاتىسۋشىلاردى تۇركىستاندى تۇركى الەمىنىڭ رۋحاني ورتالىعىنا اينالدىرۋ جونىندە ناقتى مىندەتى بۇگىنگى تاڭدا قالاي جۇزەگە اسىرىلىپ جاتقانىنان حاباردار ەتتى.

«رۋحاني جاڭعىرۋ» باعدارلاماسى اياسىندا 2018 جىلى وبلىستا 46 جوبا مەن 168 ٴىس-شارا بەلگىلەنىپ، وتكىزىلۋدە. «تۋعان جەر» ارنايى جوباسىنىڭ «اتامەكەن» كىشى باعدارلاماسى شەڭبەرىندە تۇركىستان وبلىسىندا 2018 جىلى 28 ملرد. 156 ملن. تەڭگەنىڭ جوبالارى، ياعني 428 نىسان (وبلىس بولىنگەنگە دەيىن بارلىعى 445 نىسان) جۇزەگە اسۋدا. ونىڭ ىشىندە قۇنى 887،2 ملن. تەڭگە قۇرايتىن 23 نىسان ىسكە قوسىلدى. باعدارلامادا قويىلىپ وتىرعان باستى ماسەلەلەردىڭ ٴبىرى – ادامدى ٴبىلىمدى، ٴارى رۋحاني باي ەتىپ تاربيەلەۋ. وسى ماقساتقا باعىتتالعان «تاربيە جانە ٴبىلىم» كىشى باعدارلاماسى اياسىندا ولكەنىڭ تاريحىن كەڭىنەن تانۋ، زەرتتەۋ ماقساتىندا 5، 6، 7-سىنىپتارعا ارنالعان «ولكەتانۋ» وقۋلىعىن باسپادان شىعارۋعا جەرگىلىكتى بيۋدجەتتەن 153 ملن. تەڭگە قارالىپ، 50 مىڭ دانامەن شىعارۋعا باسپاعا جىبەرىلدى. باعدارلاماعا وراي، قاسيەتتى جەرلەردىڭ ٴتىزىمىن قالىپتاستىرۋعا ۇسىنىستار ازىرلەيتىن تاريحشىلار، عالىمدار، ارحەولوگتاردان تۇراتىن ارنايى وڭىرلىك جۇمىسشى توبى قۇرىلىپ، وبلىسىمىزداعى قاسيەتتى، كيەلى نىسانداردىڭ ٴتىزىمى ىرىكتەلىپ، وڭىرلىك كارتا جوباسى دايىندالدى» - دەدى ٴوڭىر باسشىسى.

مۇنان بولەك، جۇزدەسۋدە «وتانداستار قورى» كەاق پرەزيدەنتى نۇرتاي ابىقايەۆ، «دۇنيەجۇزى قازاقتارىنىڭ قاۋىمداستىعى» رقب ٴتوراعاسىنىڭ ٴبىرىنشى ورىنباسارى زاۋىتبەك تۇرىسبەكوۆ، ق.ا.ياساۋي اتىنداعى حقتۋ رەكتورى بولاتبەك ابدراسيلوۆ، قر ۇلتتىق مۋزەيىنىڭ «قاسيەتتى قازاقستان» ورتالىعى باسشىسىنىڭ ورىنباسارى باتىرحان جۇمابايەۆ، مەملەكەتتىك ٴتىلدى دامىتۋ قورىنىڭ ديرەكتورى ازات شاۋەەۆتار جانە شەت ەلدىك دياسپورا وكىلدەرى ٴسوز سويلەپ، بۇگىنگى شارانىڭ ماڭىزدىلىعىنا توقتالدى.

جالپى، اتالعان «وتانداستار» قورى الداعى بەس جىل ىشىندە ەكسكۋرسيالىق تۋرلاردى ەلىمىزدىڭ وزگە دە وڭىرلەرىندە جۇيەلى تۇردە وتكىزۋدى جوسپارلاپ وتىر. كەلەسى رەتتەگى جوبا اقتاۋ، پاۆلودار، الماتى جانە ت.ب. قالالاردى قامتيتىن بولادى. ۇيىمداستىرۋشىلاردىڭ ايتۋىنشا، كيەلى جەرلەردى جاقىننان تانىپ، ٴجىتى زەرتتەۋ ارقىلى شەتەلدىك وتانداستار تاريحي وتانىنىڭ وتكەنىنە ٴۇڭىلىپ، ەلىمىزدىڭ مادەنيەتىنە، ونەرىنە جانە حالىقتىق داستۇرلەرىنە جاقىنداي تۇسەدى.

«وتانداستار» قورى» «تۋعان جەرگە تاعزىم» تاريحي-تانىمدىق ەكسكۋرسيالار جوباسىن «رۋحاني جاڭعىرۋ» مەملەكەتتىك باعدارلاماسى اياسىندا وتكىزىپ وتىر. جوبا باعدارلاماسىنا «قازاقستاننىڭ كيەلى جەرلەر گەوگرافياسى» كوپفۋنكسيونالدى ۆيرتۋالدى كارتاسى نىساندارىمەن تانىسۋ كىرەدى. اتالمىش يدەيا مەملەكەت باسشىسى نۇرسۇلتان نازاربايەۆقا تيەسىلى. ەلباسى ٴوزىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا بۇل باستامانى باسىمدىق مىندەتتەردىڭ ٴبىرى رەتىندە بەلگىلەگەن بولاتىن.

ٴقازىر قازاقستاننىڭ تاريحي جەرلەرى تىزىمىنە 185 جالپىۇلتتىق جانە 500 وڭىرلىك دەڭگەيدەگى نىساندار ەنگىزىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي