BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«تۋعان جەر» جوباسى اياسىندا قانداي شارالار اتقارىلدى؟ 

«تۋعان جەر» جوباسى جۇزەگە اسىرىلعان ۋاقىتتان بەرى 17 مەكتەپ، 62 بالاباقشا، 36 مادەنيەت نىسانى، 23 دەنساۋلىق ساقتاۋ نىسانى، 169 سپورت نىسانى، 32 بالالارعا ارنالعان الاڭ سالىندى جانە 59 مەكتەپ، 26 بالاباقشا، 51 مادەنيەت نىسانى، 43 سپورت نىسانى، 15 دەنساۋلىق ساقتاۋ نىسانى قالپىنا كەلتىرىلدى، دەپ حابارلايدى baq.kz اگەنتتىگى.

2018 جىلدىڭ ٴى جارتىجىلدىعىندا مەسەناتتاردىڭ ارقاسىندا 43 نىسان بوي كوتەرىپ، 1 نىسان جاڭعىرتىلدى.

رەسپۋبليكا بويىنشا جاڭا ينفراقۇرىلىمدىق نىساندار ىسكە قوسىلىپ، ولاردىڭ جۇمىس ىستەپ تۇرعاندارى جاڭعىرىلدى.

اقمولا وبلىسىندا مەسەناتتاردىڭ ەسەبىنەن جاس ماماندارعا ارنالعان 2 ٴۇي سالىنىپ، 32 پاتەرلى ٴۇش تۇرعىن ٴۇي، 3 مەكتەپكە دەيىنگى مەكەمە جانە 10 مەكتەپ، 2 دەنساۋلىق ساقتاۋ نىسانى جاڭعىرتىلدى جانە قالپىنا كەلتىرىلدى، 2 اۋىلدىق وكرۋگ ٴۇشىن جەدەل جاردەم اۆتوموبيلدەرى ساتىپ الىندى، 5 مادەنيەت نىسانى مەن 9 سپورت نىسانىنا جوندەۋ جۇمىستارى جۇرگىزىلدى. سونىمەن قاتار، قورعالجىن مەملەكەتتىك قورىعىنىڭ اۋماعىندا ورنيتولوگيا ورتالىعى قۇرىلدى.

اقتوبە وبلىسىندا نەكە قييۋ سارايى، «انالارعا تاعزىم» اتتى قازاقستانداعى تۇڭعىش رۋحاني-ادامگەرشىلىككە تاربيەلەۋ ورتالىعى، بالالارعا ارنالعان شىعارماشىلىق اكادەمياسى، «جۇبانوۆتار الەمى» ونەر ورتالىعى، ويىل اۋلىنداعى «مەيىرىم» الەۋمەتتىك ٴۇيى، 1 200 ورىنعا ارنالعان ەرەكشە كونسەرت زالى بار سنپس-اقتوبەمۇنايگاز كومپانياسىنان ونەر ورتالىعى، اقتوبە قالاسىنداعى حوككەي سپورت-جاتتىقتىرۋ كەشەنى جانە وبلىس بويىنشا تاعى باسقا 11 سپورتتىق نىسان، جىل بويى جۇمىس جاسايتىن بالالار لاگەرى، جازعى اكۆاپارك، 4 بالاباقشا، دارىگەرلىك پۋنكت جانە 6 مادەني نىسان پايدالانۋعا بەرىلدى.

سونداي-اق، مەسەناتتاردىڭ قاراجاتى ەسەبىنەن اقتوبە قالاسىنداعى وبلىستىق تاريحي-ولكەتانۋ مۋزەيىنىڭ قۇرىلىسى باستالدى. جەرگىلىكتى كاسىپكەرلەردىڭ قولداۋىمەن وڭىردەگى ٴبىرقاتار مەكتەپ، اۋىل كلۋبارى جانە باسقا دا الەۋمەتتىك نىسانداردا كۇردەلى جوندەۋ جۇمىستارى جۇرگىزىلدى جانە الەۋمەتتىك ٴالسىز توپتارعا جاتاتىن ازاماتتارعا ٴتۇرلى مەرەكە كەزىندە الەۋمەتتىك كومەك كورسەتتى.

الماتى وبلىسىندا «رۋحاني جاڭعىرۋ» مامانداندىرىلعان ورتالىعىنىڭ عيماراتى، تۇڭعىش پرەزيدەنتتىڭ تاريحي-مادەني ورتالىعى، «باتىر بابالار» مۋزەيى، حالىقتىڭ الەۋمەتتىك ٴالسىز توبىنا ارنالعان 37 ٴۇي، جىلىجاي كەشەنى، 3 بالاباقشا (120، 100 جانە 65 ورىنعا ارنالعان)، ٴتۇرلى سپورتتىق جانە ٴبىلىم بەرۋ نىسانى مەن اۋان دەڭگەيىندەگى جولدار سالىندى.

سونىمەن قاتار، ەڭبەكشى اۋدانىندا قوسىمشا ٴبىلىم بەرۋ ورتالىعىنىڭ قۇرىلىسى جۇرگىزىلىپ جاتىر. سونداي-اق، ايتوبە اۋىلدىق وكرۋگىندە مەكتەپ قۇرىلىسى جۇرگىزىلۋدە.

اتىراۋ وبلىسىندا 6 بالاباقشا، 4 بالالارعا ارنالعان سپورت الاڭى سالىنىپ، پايدالانۋعا بەرىلدى، مادەنيەت جانە ارداگەرلەر ۇيلەرى، «اتامەكەن» مەن «جەڭىس» پاركتەرى، «ىرىستى» سپورت كەشەنى جانە تاعى باسقا نىساندار اشىلدى.

«اداي-اتا» تاريحي مازارلار كەشەنىنە كولىك جولى توسەلدى.

شىعىس قازاقستان وبلىسىندى وڭالتۋ ورتالىعىنىڭ، وسكەمەندە «نۇرلى جول» دەمالىس پاركىنىڭ، 3 سپورتتىق ٴمودۋلدىڭ قۇرىلىسى قامتاماسىز ەتىلدى، جالپى سانى 14 بالاباقشا سالىندى جانە قالپىنا كەلتىرىلدى، 2 دەنساۋلىق ساقتاۋ مەكەمەسى قاجەتتى كەرەك-جاراقپەن جابدىقتالدى. «مەنىڭ مەكتەبىم» جوباسى اياسىندا مەسەناتتار نازاربايەۆ زياتكەرلىك مەكتەبى ستاندارتى بويىنشا 277 تولىق جيناقتى مەكتەپ جاساقتالىپ جاتىر.

سونىمەن قاتار، سەمەي قالاسىندا جالپى اۋماعى 5 مىڭ شارشى مەتردى قۇرايتىن «№1 ۆوستوك ستاديونى» سالىندى. ونىڭ ىشىندە، fifa ستاندارتى بويىنشا ولشەمدەردى ساقتاي وتىرىپ، جاساندى كوگالى بار فۋتبول الاڭى، شەڭبەر بويىنشا 450 مەترلىك جۇگىرۋ جولى بار.

جامبىل وبلىسىندا از قامتىلعان وتباسىلارعا ارنالعان 9 ٴۇي، 7 سپورت الاڭى سالىندى جانە پايدالانۋعا بەرىلدى، اۋداندىق ماڭىزى بار جولداردىڭ جەكەلەگەن ۋچاسكەلەرىندە جوندەۋ جۇمىستارى جۇرگىزىلدى.

سونداي-اق، الەۋمەتتىك از قامتىلعان وتباسىلاردىڭ بالالارى تەگىن جاتىپ وقيتىن بالالار ينتەرناتى سالىندى جانە الداعى ۋاقىتتا تاراز مەملەكەتتىك پەداگوگيكالىق ۋنيۆەرسيتەتىنە بەرىلەتىن مۋزەي عيماراتىنىڭ قۇرىلىسى جۇرگىزىلىپ جاتىر.

باتىس قازاقستان وبلىسىندا «رۋحاني جاڭعىرۋ» مۋزەيى، 13 بالالار الاڭى، 16 سپورت نىسانى، اۋىل كلۋبى، فەلدشەرلىك پۋنكت، بالاباقشا، شىڭعىرلاۋ وزەنى ارقىلى وتەتىن كوپىر سالىندى جانە دەمالىس ساياباعىنا قالپىنا كەلتىرۋ جۇمىستارى جۇرگىزىلدى. مەسەناتتار قاراجاتى ەسەبىنەن اقسۋات اۋلىنىڭ ورتالىق جولىنىڭ جوندەۋ جۇمىستارى جانە جانعالا اۋدانىنىڭ بورىك اۋلىندا اۋىل كلۋبى سالىندى، سونداي-اق، ماحامبەت اۋلىنداعى سپورت ستاديونى مەن بقو-نىڭ ٴبىرقاتار ەلدى مەكەنىندەگى باسقا دا 25 سپورت نىساندارىنىڭ قۇرىلىسى قامتاماسىز ەتىلدى.

قاراعاندى وبلىسىندا «تۋعان جەر» اۋلا كلۋبى بار سپورت كەشەنى سالىندى، 5 بالاباقشا اۋماعى اباتتاندىرىلدى، 5 تۇرعىن ٴۇيدىڭ الدىڭعى بەتى جوندەلىپ، جاس تۋريستەر ستانسياسى سالىندى، جابدىقتاردى اۋىستىرۋ جانە دارىگەرلىك قۇرامعا قوسىمشا تولەمدەردى قارجىلاندىرۋمەن اۋرۋحاناعا جوندەۋ جۇمىستارى جۇرگىزىلدى.

قوستاناي وبلىسىندا 100-دەن اسا ٴبىلىم بەرۋ، دەنساۋلىق ساقتاۋ، مادەنيەت جانە سپورت مەكەمەلەرىنە جوندەۋ جۇرگىزىلدى، 61 ادەۋمەتتىك نىساننىڭ ماتەريالدىق-تەحنيكالىق بازاسى جاقسارتىلدى، 18 بالالار جانە سپورت الاڭدارى قۇرىلدى، ولكەتانۋ مۋزەيى اشىلدى. وبلىستىڭ 8 اۋدانىنداعى مەكتەپتەردە سيفرلىق تەحنولوگيالار كابينەتى اشىلدى.

قىزىلوردا وبلىسىندا دارىگەرلىك پۋنكت، جىلىجاي كەشەنى، قىزىلوردا وبلىسىندا زاماناۋي رۋحاني جاڭارۋ ورتالىعى، «انالار اللەياسى»، «ارداگەرلەر اللەياسى»، «تاعزىم» الاڭى سالىندى. «مەكتەبىمە تاعزىم» اكسياسى اياسىندا وبلىستاعى 60 مەكتەپتە 44 ملن تەڭگەگە سپورت الاڭدارى سالىنىپ، كابينەتتەر جاساقتالدى.

ماڭعىستاۋ وبلىسىندا جاڭاوزەن قالاسىندا گەموديالەزدى ورتالىق، 500 ورىنعا ارنالعان از قامتىلعان وتباسىلارعا ارنالعان جاتاقحانا، سونداي-اق، دەمالىس پاركى جانە باسقا دا سپورت نىساندارى اشىلدى.

پاۆلودار وبلىسىندا ستۋدەنتتەر جاتاقحاناسى، بالاباقشا سالىنىپ، 17 اۋىل كلۋبىنا جوندەۋ جۇمىستارى جۇرگىزىلدى، ٴىرى مۋلتيمەديالىق-مۋزەيى كەشەنى، 1200 ورىنعا ارنالعان كونسەرت حولل، جەڭىل اتلەتيكالىق جانە فۋتبول مانەجى، مۇز ارەناسى، 50 مەترلىك ٴجۇزۋ باسسەينى جانە وليمپيادالىق رەزەرۆتى دايىنداۋ ورتالىعىنىڭ قۇرىلىسى جۇرگىزىلىپ جاتىر.

سولتۇستىك قازاقستان وبلىسىندا ٴبىرقاتار نىسانداردىڭ قۇرىلىسى مەن جاڭعىرتۋى قامتاماسىز ەتىلدى: ٴبىلىم بەرۋ سالاسىندا 30 جوبا، مادەنيەت سالاسىندا 12 جوبا، الەۋمەتتىك كومەك سالاسىندا 5 جوبا، سپورت سالاسىندا 9 جوبا، دەنساۋلىق ساقتاۋ سالاسىندا 4 جوبا.

وڭتۇستىك قازاقستان وبلىسىندا شىمكەنت قالاسىندا رۋحاني دامۋ ورتالىعى اشىلىپ، كەنتاۋ قالاسىندا جانە قازىعۇرت اۋدانىندا بالاباقشا قۇرىلىسى جۇرگىزىلۋدە، حالىقارالىق تەننيس ورتالىعى، بوكس زالى اشىلدى. «اجارلى ٴۇي – ىرىستى»، «تابيعات – تىرشىلىك ٴنارى» جوبالارى ىسكە قوسىلىپ، اۋداندار مەن قالالاردا وتكىزىلگەن «تال كۇنى» اكسياسى اياسىندا 12 مىڭ ادامنىڭ قاتىسۋىمەن 47،5 مىڭ كوشەت جانە ٴتۇرلى اعاش وتىرعىزىلدى.

الماتى قالاسىندا ەمحانا، مەكتەپ-گيمنازيا، 4 بالاباقشا، جەڭىل اتلەتيكا ستاديونى، بالالارعا ارنالعان سپورت جانە ۆەلوسيپەد الاڭدارى اشىلدى، 4+ كوپپاتەرلى تۇرعىن ٴۇيدىڭ الدىڭعى اۋماعىنا جوندەۋ جۇرگىزىلدى، 3 ساياباق جاڭعىرتىلىپ، بورالداي ساق قورعانى پاركىنىڭ اۋماعىندا ساق ٴداۋىرىنىڭ قالپىنا كەلتىرىلگەن عيماراتى اشىلدى، 2 مەكتەپ سالىنىپ، پايدالانۋعا بەرىلدى.

استانا قالاسىندا زاماناۋي ەكومەشىت سالىندى، «استانا ترياتلون پاركى»، «نۇرال» سپورت مەكتەبى جانە مەكتەپتەگى جابىق فۋتبول الىڭىنىڭ قۇرىلىسى جۇرگىزىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي