BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«تۋعان ەلگە ساياحات»: 200 بالا تۋريستىك پويىزبەن قازاقستاندى ارالايدى

فوتو: Нұржас Жақсыбай

استانادا «قتج» ۇك» اق پەن «samruk-kazyna trust» الەۋمەتتىك جوبالاردى دامىتۋ ققورىنىڭ ۇيىمداستىرۋىمەن «تۋعان ەلگە ساياحات» جوباسىنىڭ ٴۇشىنشى تۋرى باستالدى. 12 مەن 15 جاس ارالىعىنداعى بالالار 15 تامىز بەن 23 تامىز ارالىعىندا استانا – بايقوڭىر – تۇركىستان – الماتى – الاكول – استانا باعىتى بويىنشا پويىزبەن ساياحاتقا شىعادى، دەپ حابارلايدى baq.kz ٴتىلشىسى.

15 تامىزدا جوباعا قاتىساتىن 200 بالا استانادا باس قوستى. ولار 16 تامىز كۇنى «نۇر الەم» سفەراسى مەن «بايتەرەك» مونۋمەنتىنە ەكسكۋرسيا جاسادى. 2017 جىلى وتكەن كورمەنى تاماشالاي الماسا دا، ودان قالعان ايگىلى «شار» - قازاقستان پاۆيلونىنا كىردى. ول جەردە بولاشاق ەنەرگياسىنا قاتىستى ٴارتۇرلى تاقىرىپتاعى ەكسپوناتتار مەن ستەندتەردى، لازەرلىك شوۋلاردى كورىپ، قىركۇيەككە دەيىن جالعاساتىن «روبوپوليس» كورمەسىن تاماشالادى.

جىل سايىن «تۋعان ەلگە ساياحات» جوباسىمەن «سامۇرىق-قازىنا» ٴۇاا قورى قىزمەتكەرلەرىنىڭ بالالارى ساياحاتتايدى. سونداي-اق، بيىل ۇيىمداستىرىلعان شىعارماشىلىق بايقاۋ ارقىلى ەلىمىزدىڭ تۇكپىر-تۇكپىرىنەن 90 بالا ىرىكتەلدى. بايقاۋ شارتى بويىنشا 12 مەن 15 جاس ارالىعىنداعى مەكتەپ وقۋشىلارى pr@sk-trust.kz. ەلەكتروندىق پوشتاسىنا «مەن ٴوز وڭىرىمدە نەنى وزگەرتەتىن ەدىم؟» تاقىرىبىندا شىعارما، بەينەروليك نەمەسە ولەڭ جازۋ ارقىلى قاتىستى.

قاتىسۋشىلار اراسىندا جازعان شىعارماسى ارقىلى ۇزدىك دەپ تانىلىپ، جوبانىڭ ٴۇشىنشى كەزەڭىنە وتكەن تارازدىق 15 جاستاعى توعجان اسىلحانوۆا الماتى مەن الاكولدى ٴوز كوزىمەن كورۋدى قاتتى قالايتىنىن ايتتى.

«ەكى مىڭ جىلدان استام تاريحى بار تاراز قالاسىنانمىن. بيىل 10-سىنىپقا ٴوتتىم. «تۋعان ەلگە ساياحات» اتتى ەكسكۋرسيالىق جوباعا شىعارما جازۋ ارقىلى ٴوتىپ، ٴۇشىنشى كەزەڭىنە جولداما ۇتىپ الدىم. بىزگە «مەن ٴوز وڭىرىمدە نەنى وزگەرتەتىن ەدىم؟» تاقىرىبى بەرىلگەن بولاتىن. ٴوز تاراپىمنان قاراپ قانا قويماي، حالىققا نە كەرەك، حالىق نەگە مۇقتاج، سونى ساراپتاپ جازدىم. ٴوز ايماعىمداعى بۇقارالىق، قوعامدىق ماسەلەلەردى كوتەردىم. بىزگە جاقسى ەكسكۋرسيالار ۇيىمداستىرىپ جاتىر. بارلىعى بەس قالاعا پويىزبەن ساياحاتتايمىز، سونىڭ ىشىندە الماتى مەن الاكولگە بارۋعا اسىعىپ ٴجۇرمىن. ەكسكۋرسيالىق بايقاۋىمىزدى ەلىمىزدىڭ باس قالاسى – استانادان باستادىق. «ەكسپو» الاڭىن ارالاعان سوڭ وتە قىزىقتى بولا ٴتۇستى. ەكسكۋرسيالىق باعدارلاما ۇيىمداستىرۋشىلارىنا كوپ العىسىمىزدى بىلدىرەمىز. وسىنداي جوبالار مەن لاگەرلەردىڭ وقۋشىلارعا كوپتەگەن پايداسى بار. وسى جوباعا قاتىسىپ جاتقاندا وتە كەرەمەت سەزىمدە بولدىم. ياعني، تۇلا بويىم تەبىرەنىپ، ۇلكەن شىعارماشىلىق شابىتتى جيناپ جاتقاندايمىن. وسى جاقتان جيناعان شابىت، كەرەمەت اسەرلەردى جاڭا وقۋ جىلىندا جۇمسايتىن بولامىن»، - دەدى قاتىسۋشى.

ساپار بويى بالالاردىڭ جانىندا انيماتور، تالىمگەر جانە مۇعالىمدەردەن باسقا، قر تاريحي جانە كورىكتى جەرلەرىمەن تانىستىرىپ وتىراتىن تاريحشىلار دا جۇرەدى.

ٴار تۋردىڭ قاتىسۋشىلارى ارنايى وتريادتارعا بولىنەدى. بارلىق تۋر بارىسىندا بالالارعا انيماتور، تالىمگەر جانە مۇعالىمدەر اعىلشىن ٴتىلى، سۋرەت، شاحمات، بيدەن ساباق بەرەدى. جوبا سوڭىندا كوزگە تۇسكەن وقۋشىلارعا ارنايى سىيلىقتار تابىستالادى.

جوبا بالالاردىڭ بويىندا قورشاعان ورتاعا دەگەن قىزىعۋشىلىعىن وياتىپ، ەلىمىزدىڭ تاريحي جانە ارحيتەكتۋرالىق ەسكەرتكىشتەرىن تانىپ، بىلۋگە، وتانعا دەگەن سۇيىسپەنشىلىگى مەن پاتريوتتىق سەزىمىن وياتۋعا باعىتتالعان.

200 بالادان تۇراتىن «تۋعان ەلگە ساياحات» پويىزى 16 تامىز كۇنى ساعات 18.00-دە «نۇرلى جول» ۆوكزالىنان العاشقى ساپارعا اتتانادى.

ايتا كەتسەك، بيىل جوبانىڭ ٴبىرىنشى جانە ەكىنشى كەزەڭىنە بارلىعى 600 بالا قاتىستى. وتكەن جىلدارمەن سالىستىرعاندا قاتىسۋشىلار سانى ارتىپ كەلەدى.

ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي