BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴتور التايدىڭ سۇلۋلىعىن قازاقستان مەن رەسەيدىڭ ۇزدىك سۋرەتشىلەرى بەينەلەيدى

فوتو: altaynews.kz

ەكى ەلدىڭ بەينەلەۋ ونەرىنىڭ ۇزدىك شەبەرلەرى شىعىس قازاقستاننىڭ كاتونقاراعاي اۋدانىندا ٴوتىپ جاتقان حالىقارالىق پلەنەرگە جينالدى، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

«تابيعاتى كەربەز، تاريحى تەرەڭ ٴور التاي» دەپ اتالاتىن سۋرەتشىلەر پلەنەرى «رۋحاني جاڭعىرۋ» باعدارلاماسى اياسىندا ۇيىمداستىرىلعان ەكەن.

دوسبول قاسىموۆ، حامزا كيكيموۆ، جۇماقىن قايرامبايەۆ، گەيمران بايمۋحانوۆ، باقىتنۇر بۇردەسبەكوۆ، باقىتجان دوسىموۆ سىندى بەلگىلى كەنەپ شەبەرلەرىمەن قاتار تاعى دا باسقا سۋرەتشىلەردەن قۇرىلعان توپ كاتونقاراعاي مەملەكەتتىك تابيعي ۇلتتىق پاركىنىڭ دەمالىس بازاسىنا ورنالاستى. ولار بەلقاراعايدان باستاپ توپقايىڭعا دەيىنگى كورىكتى جەرلەرمەن ٴجۇرىپ ٴوتىپ، تابيعات كورىنىستەرىن، سونداي-اق اۋىل حالقىنىڭ تۇرمىسىن كەنەپ بەتىنە ٴتۇسىرىپ جاتىر. بۇل سۋرەتتەر سۋرەتشىلەردىڭ جەكە كوللەكسياسىنا ەنىپ، «ار تۇمار» گالەرەياسىنىڭ كورمەسىنە قويىلادى.

ٴىس-شارانىڭ ۇيىمداستىرۋشىسى – اتالمىش گالەرەيانىڭ ديرەكتورى گۇلفايرۋز نۇرسەكەنوۆا. ايتا كەتسەك، ول كاتونقاراعاي اۋدانىنىڭ تۋماسى. گۇلفايرۋز نۇرسەكەنوۆانىڭ ايتۋىنشا، بۇل توپقا بەينەلەۋ ونەرىمەن اينالىساتىن شقو-نىڭ كەز-كەلگەن تۇرعىنى قوسىلا الادى ەكەن.

«ٴبىزدىڭ ولكەدەن شىققان جازۋشىلار كوپ، ٴبىراق سۋرەتشىلەر از، سوندىقتان بۇل ونەرگە جەرلەستەرىمىزدىڭ كوبىرەك ارالاسقانىن قالايمىن»، – دەيدى ول.

پلەنەرگە قاتىسۋشىلار بۇدان كەيىن بەرەلدەگى اشىق اسپان استىنداعى قورىق-مۇراجايىنا بارىپ، بىرەگەي مادەني ەسكەرتكىشتەردى بەينەلەمەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي