توپجارعان توبا - رۋحاني جاڭعىرۋ|23 قاراشا 2017، 11:34
كۋرسى ۆاليۋت وبنوۆليايۋتسيا
استانا:

توپجارعان توبا

فوتو: Нұржас Жақсыбай

استانادا «رۋحاني جاڭعىرۋ» باعدارلاماسى اياسىندا تاۋەلسىزدىك كۇنى مەن قر تۇڭعىش پرەزيدەنتى كۇنىنە جانە الاشوردانىڭ 100 جىلدىعىنا ارنالعان جاس اقىندار ايتىسى ٴوتتى، دەپ حابارلايدى baq.kz اقپارات اگەنتتىگى.

استانا قالاسى تىلدەردى دامىتۋ باسقارماسى ۇيىمداستىرعان ايتىس ەلورداداعى «جاستار» سارايىندا ٴوتتى. «تاۋەلسىزدىگىم – تەڭدىگىم، ەگەمەندىگىم – ەلدىگىم» اتتى جىر دوداسىنا ەلىمىزدىڭ الماتى، ارقالىق، سەمەي، قىزىلوردا، پاۆلودار، شىمكەنت قالالارى مەن تورعاي، شىعىس قازاقستان وڭىرىنەن 10 ايتىسكەر قاتىستى.

اقىندار تاۋەلسىزدىك، الاش، رۋحاني جاڭعىرۋ، تۋعان جەر، ٴتىل تاقىرىپتارىنا ٴسوز قوزعاپ، جاس تا بولسا ەل ٴسوزىن سويلەر، جۇرت مۇڭىن جوقتار ازاماتقا اينالىپ كەلە جەاتقاندىقتارىن كورسەتتى.

«بۇل جاس اقىندار ايتىسى تاۋەلسىزدىك كۇنى مەن قر تۇڭعىش پرەزيدەنتى كۇنىنە جانە استانا قالاسىنىڭ 20 جىلدىعىنادا ارنالىپ وتىر. اقىندار تاۋەلسىزدىگىمىزدى، استانا قالاسىننىڭ كەشەگى مەن بۇگىنىڭ، بولاشاعىن، الەمنىڭ وزگەدە استانالارىمەن تەرەزەسىنىڭ تەندىگىن جىرلايدى. مىسالى ەلوردادا كەشە 250-260 مىڭ حالىق بولسا، بۇگىنگى كۇنى ٴبىر ميلليونعا جەتتى. ەلىمىزدىڭ، استانامىزدىڭ ەكونوميكاسىنىڭ، ٴبىلىمىنىڭ، عىلىمىنىڭ جانە مادەنيەتىنىڭ ٴوسۋ جاعدايلارى جىرلانادى»، - دەپ اتاپ ٴوتتى استانا قالاسى تىلدەردى دامىتۋ باسقارماسىنىڭ باسشىسى تىلەۋعالي قىشقاشبايەۆ.

ايتىستى وتكىزۋدىڭ ماقساتى اقىنداردىڭ ورەلى ونەرى، ورنەكتى سوزدەرى ارقىلى تاۋەلسىزدىك مۇراتتارى مەن قۇندىلىقتارىن ناسيحاتتاۋ; ەل ەگەمەندىگى جولىنداعى ەلباسىنىڭ اتقارعان يگى ىستەرىن ۇلىقتاۋ; «رۋحاني جاڭعىرۋ» باعدارلاماسىنىڭ ماڭىزدىلىعىن پاش ەتۋ; وسكەلەڭ ۇرپاقتى وتانسۇيگىشتىككە تاربيەلەپ، ولاردىڭ تانىم-تالعامىن ۇلت رۋحانياتىنا باعىتتاۋ; قازاقتىڭ ٴتول ونەرى، قۇدىرەتتى ٴسوزى ارقىلى مەملەكەتتىك ٴتىلدىڭ مەرەيىن ارتتىرۋ، قولدانىس اياسىن كەڭەيتۋ.

قونىسباي ٴابىل، بالعىنبەك يماش، جىبەك بولتانوۆا، قالقامان سارين، ەركەبۇلان قاينازاروۆ قاتارلى قازىلار القاسى تورەلىك ەتىپ، جاس پەرىلەرگە ٴتيىستى باعاسىن بەردى.

سونىمەن، ٴى ورىن - توبا وتەپبايەۆ (ارقالىق)،

ٴىى ورىن - ايان نيازبەك (وقو)،

ٴىىى ورىن - نۇرقانات قايرات (پاۆلودار وبلىسى).

ال ايبار راعاتوۆ (قوستاناي وبلىسى) ارنايى جۇلدە يگەرى اتاندى. جەڭىمپازدار باعالى سىيلىقتارمەن جانە ارنايى ديپلومدارمەن ماراپاتتالدى.

قالعان بارلىق قاتىسۋشىلارعا استانا قالاسىنىڭ اكىمى اسەت يسەكەشەۆتىڭ اتىنان العىس حات جانە 50 مىڭ تەڭگە قارجىلاي سىيلىق بەرىلدى.

ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي