ٴتىل ماماندارى لاتىن الىپبيىنە كوشۋدىڭ ارتىقشىلىعى مەن كەمشىلىكتەرىن تالقىلادى - رۋحاني جاڭعىرۋ|28 قاراشا 2017، 16:04
كۋرسى ۆاليۋت وبنوۆليايۋتسيا
استانا:

ٴتىل ماماندارى لاتىن الىپبيىنە كوشۋدىڭ ارتىقشىلىعى مەن كەمشىلىكتەرىن تالقىلادى

قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ الماتىلىق كەڭسەسىندە «قازاق ٴتىلىن لاتىنشاعا كوشىرۋ: تۇيتكىلدى ماسەلەلەر مەن ولاردى شەشۋ جولدارى» اتتى دوڭگەلەك ۇستەل ٴوتتى، دەپ حابارلايدى baq.kz اقپارات اگەنتتىگى.

دوڭگەلەك ۇستەلگە قاتىسۋشىلار لاتىن ٴالىپبيىنىڭ بەكىتىلگەن نۇسقاسىن ەنگىزۋدەگى تاجىريبەلىك اسپەكتىلەردى، ونىڭ كەلەشەكتەگى جەتىلدىرىلۋى، مەملەكەتتىك ورگاندار قىزمەتى مەن قازاقستاندىقتاردىڭ ومىرىندە بەلسەندى پايدالانۋىن تالقىلادى. سونىمەن قاتار، قازاق ٴتىلىنىڭ لاتىن الىپبيىنە ٴتيىمدى كوشىرىلۋىنە نە اسەر ەتە الادى جانە بۇل ۇردىستەگى كەرى اسەرلەردى قالاي ازايتۋعا بولادى دەگەن ساۋالدارعا جاۋاپ ىزدەدى.

"بۇل ماسەلەگە قاتىستى قوعامدا بولىپ جاتقان وتكىر پىكىرتالاس لاتىن الىپبيىنە كوشۋ كوپتىڭ كوكەيىندە جۇرگەنىن ايعاقتايدى. قازاق ٴالىپبيىن لاتىنشاعا كوشىرۋدەگى باستى ارگۋمەنت، ول لاتىن ٴالىپبيىنىڭ – ٴححى عاسىرداعى حات، عىلىم مەن تەحنيكا، عالامتور جانە ىت-تەحنولوگيالار ٴتىلىنىڭ ەڭ كەڭ تاراعان گرافيكالىق جۇيەسى ەكەندىگى. سونداي-اق، ول قازاق ٴتىلىنىڭ ساقتالىپ قالۋىن قامتاماسىز ەتىپ، وزگە تىلدەن ەنگەن سوزدەردىڭ بەيىمدەلۋ مەحانيزمىن جۇزەگە اسىرادى، - دەدى اەسي-دىڭ جەتەكشى ساراپشىسى ايمان ٴجۇسىپوۆا.

ساراپشىنىڭ سوزىنشە، لاتىن الىپبيىنە كوشۋ ناتيجەسىندە جاس بۋىننىڭ كيريلشە جازىلعان مادەني مۇرادان قول ٴۇزىپ قالۋى ٴقاۋىپ تۋدىرادى، سونىمەن قاتار، حالىقتىڭ ٴتۇرلى جازۋ ۇلگىسىن ۇستاناتىن ەكى توپقا ٴبولىنىپ كەتۋ جاعدايى تۋىنداۋى مۇمكىن.

پىكىرتالاس بارىسىندا ساراپشىلار لاتىن الىپبيىنە كوشۋ قازاقستاندىق قوعامنىڭ دامۋىنا، حالىق ساناسىنىڭ جاڭعىرۋىنا، مەملەكەتتىڭ الداعى ۋاقىتتا الەمدىك قاۋىمداستىققا ساياسي، ەكونوميكالىق جانە مادەني ينتەگراسياسىنا قانشالىقتى ىقپال ەتەتىنىن تالقىلادى.

دوڭگەلەك ۇستەل جۇمىسىنا احمەت بايتۇرسىن ۇلى اتىنداعى ٴتىل ٴبىلىمى ينستيتۋتىنىڭ ديرەكتورى ەردەن قاجىبەك، «قازاق ٴۇنى» گازەتىنىڭ پرەزيدەنتى قازىبەك يسا، ساياساتتانۋشى داۋرەن بابامۇراتوۆ جانە ت.ب. قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي