تاۋەلسىزدىك قۇرداستارى: ٴبىز ەلىمىزدىڭ بولاشاعىنا ۇلەسىمىزدى قوسقىمىز كەلەدى - رۋحاني جاڭعىرۋ|14 جەلتوقسان 2017، 12:57
كۋرسى ۆاليۋت وبنوۆليايۋتسيا
استانا:

تاۋەلسىزدىك قۇرداستارى: ٴبىز ەلىمىزدىڭ بولاشاعىنا ۇلەسىمىزدى قوسقىمىز كەلەدى

فوتو: Бауыржан Жуасбаев

قازاقستان رەسپۋبليكاسى تۇڭعىش پرەزيدەنتى – ەلباسىنىڭ قورى «نۇر وتان» پارتياسىنىڭ «بىرلىك» فيليالىنىڭ ۇيىمداستىرۋىمەن تاۋەلسىزدىكتىڭ قۇرداستارىمەن كەزدەسۋ وتكىزدى، دەپ حابارلايدى baq.kz اقپارات اگەنتتىگى.

كەزدەسۋ «رۋحاني جاڭعىرۋ. بولاشاققا باعدار» ماقالاسىن ورىنداۋ شەڭبەرىندە، تاۋەلسىزدىك جىلدارىندا جەتكەن جەكە جەتىستىكتەرمەن، تاجىريبەمەن، جوسپارلارمەن، ويلارمەن الماسۋ ماقساتىندا وتكىزىلدى.

ٴىس-شارا بارىسىندا تاۋەلسىزدىك قۇرداستارىنىڭ ەلوردانىڭ مەرەيلى جىلىنا وراي «20 مەيىرىمدى ٴىس» بىرلەسكەن ناۋقانى باستالۋى تۋرالى ەل جاستارىنا ارنالعان ۇندەۋى وقىلدى.

«ٴبىز ٴارقاشان جاستارىمىزدى قولداۋعا قۋانىشتىمىز. بۇگىن ٴبىز باسقا دا فيليالدار مەن باستاۋىش پارتيا ۇيىمدارىنىڭ جاستارىن ٴبىزدىڭ «20 مەيىرىمدى ٴىس» اتتى باستامامىزدى قولداسىن دەپ شاقىرامىز. تەك ورتاق كۇش-جىگەرىمىزبەن جاڭا بەلەستەرگە جەتە الامىز، مىقتى جانە وزىنە سەنىمدى قازاقستاندى قۇرا الامىز» - دەدى "بىرلىك" فيليالىنىڭ ساياسي كەڭەسىنىڭ بيۋرو مۇشەسى، قازاقستان رەسپۋبليكاسى تۇڭعىش پرەزيدەنتى – ەلباسى قورىنىڭ اتقارۋشى ديرەكتورىنىڭ كەڭەسشىسى اليا قايشاروۆا.

جاس ساياساتتانۋشى، تاۋەلسىزدىك قۇرداسى الكەي مارعۇلان ٴوزىنىڭ اتا ۇرپاقتان تاۋەلسىزدىككە دەگەن ارماندى الىپ، ونى كەلەر ۇرپاققا ورىندالعان ارمان رەتىندە جالعاستىرۋشى التىن كوپىر ەكەنىن ماقتان ەتەدى.

«ٴبىز وزىمىزگە قاجەتتى دۇنيەنى تاڭداي الامىز. ٴبىزدىڭ ۇلتتىق كودىمىزدا تاۋەلسىزدىك ٴۇشىن كۇرەس بار. بابالارىمىزدان وسىناۋ ىزگى قاسيەت مۇرا بولىپ قالماعاندا ٴبىز كەڭ دالامىزدى ساقتاپ قالا الماس ەدىك. مەن بابادان تاۋەلسىزدىك مۇراسىن قابىلداپ، ۇرپاققا ونى قالدىرا الامىن. ٴبىزدىڭ ٴارقايسىمىز ەلىمىزدىڭ جارقىن بولاشاعىنا زور ۇلەسىمىزدى قوسقىمىز كەلەدى»، - دەيدى حالىقارالىق ساراپشى، تاۋەلسىزدىكتىڭ قۇرداسى الكەي مارعۇلان.

كەزدەسۋدە تاۋەلسىزدىك قۇرداستارىن، ولاردىڭ اراسىندا – پارتيا مۇشەسى، «استانا وپەرا» موبت جەتەكشى بالەت ورىنداۋشىسى جانە قر تۇڭعىش پرەزيدەنتى قورىنىڭ ونەر جانە مادەنيەت سالاسى بويىنشا پرەمياسىنىڭ لاۋرەاتى بەكەتايەۆا ايگەرىم، «قر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى» مم جوبالار ٴبولىمىنىڭ پروكۋرورى نەدەلسكيي ەۆگەنيي جانە باسقالار قۇرمەتتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي