تالدىقورعاندا جۋرناليستەرگە «سامعاۋ» سىيلىعى بەرىلدى - رۋحاني جاڭعىرۋ|15 جەلتوقسان 2017، 12:34
كۋرسى ۆاليۋت وبنوۆليايۋتسيا
استانا:

تالدىقورعاندا جۋرناليستەرگە «سامعاۋ» سىيلىعى بەرىلدى

الماتى وبلىسىنىڭ اكىمى اماندىق باتالوۆ 21 جۋرناليسكە «سامعاۋ» سىيلىعىن تاپسىردى. جىل سايىن جۋرناليستەر اراسىندا وبلىس اكىمىنىڭ جۇلدەسىنە وتەتىن بايقاۋ بيىلعى جىلى ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ اياسىندا جارىق كورگەن جاريالانىمدارعا ارنالىپ، «سامعاۋ» سىيلىعى رەتىندە جالعاسىن تاپتى. جۇلدەلەر «رۋحاني جاڭعىرۋ» باعدارلاماسى باعىتتارىنىڭ جۇزەگە اسىرىلۋىن ناسيحاتتاۋ بويىنشا 7 اتالىم نەگىزىندە بەرىلدى، دەپ حابارلايدى baq.kz اقپارات اگەنتتىگى الماتى وبلىسى اكىمىنىڭ ٴباسپاسوز قىزمەتىنە سىلتەمە جاساپ.

ٴوز سوزىندە جۋرناليستەردىڭ ەسەلى ەڭبەكتەرى ٴۇشىن ريزاشىلىعىن بىلدىرگەن وبلىس اكىمى اماندىق باتالوۆ ٴوڭىردىڭ الەۋمەتتىك-ەكونوميكالىق دامۋى جايلى قىسقاشا ايتىپ ٴوتتى.

«جۋرناليستەر قاۋىمى – جاڭالىققا جاقىن، جاقسى ىستەر جايلى اقپاراتتى ەلگە جەتكىزەتىن، قوعام ٴومىرىنىڭ بارومەترىندەي. حالىق پەن بيلىك اراسىنداعى التىن كوپىر دەسەك تە ارتىق ايتقاندىق ەمەس. ەلباسى جۇرگىزىپ وتىرعان الەۋمەتتىك-ەكونوميكالىق، قوعامدىق-ساياسي رەفورمالاردى ناسيحاتتاي ٴجۇرىپ، سىزدەر وبلىستىڭ دامۋىنا ەلەۋلى ۇلەس قوسىپ كەلەسىزدەر. سىزدەردىڭ كونسترۋكتيۆتى، ٴادىل سىندارىڭىز كوپتەگەن ماسەلەلەردىڭ دەر كەزىندە شەشىلۋىنە ىقپال ەتەدى. بارشاڭىزعا العىسىمدى بىلدىرەمىن! بۇگىنگى بايقاۋداعى جەڭىستەرىڭىز – سىزدەردىڭ جارقىن ىستەرىڭىزدىڭ جەمىسى»، - دەدى ا. باتالوۆ.

ماسەلەن، «رۋحاني جاڭعىرۋ» تاقىرىبىنداعى شەبەرلىگى ٴۇشىن الاشوردانىڭ 100 جىلدىعىنا ارنالعان ٴوزىنىڭ «ٴبىر عاسىر بۇرىنعى بوستاندىق» اتتى ماقالاسىمەن وبلىستىق «جەتىسۋ» گازەتىنىڭ ٴجۋرناليسى قۋانىش تۇڭعاتار ٴ1-شى ورىندى يەلەندى.

«رۋحاني جاڭعىرۋ» تاقىرىبىن اشۋ» نوميناسياسىندا وبلىستىق «جەتىسۋ» تەلەارناسىنىڭ پروديۋسەرى زۋحرا جاقىپبايەۆانىڭ «جەتىسۋ جۇمباقتارى» تەلەحابارى ۇزدىك شىقتى.

«قازاق ٴتىلىن لاتىن گرافيكاسىنا كوشىرۋ تۋرالى ۇزدىك پوست» نوميناسياسىندا بلوگەر اجار بوتابايەۆا ۇزدىك دەپ تانىلدى. «قازاقستاننىڭ 100 جاڭا ەسىمى» تۋرالى فوتورەپورتاجدارى ٴۇشىن «تالدىقورعان» گازەتىنىڭ ٴفوتوتىلشىسى ايدىن نۇرشانوۆ ماراپاتتالدى.

جالپى ماراپاتتاۋ «رۋحاني جاڭعىرۋ» باعدارلاماسىن ناسيحاتتاۋ مەن جۇزەگە اسىرۋعا قاتىستى 7 اتالىم بويىنشا وتكىزىلدى. كونكۋرس ناتيجەسىندە 21 جۇلدەگەر ديپلومدار مەن ارنايى سىيلىققا يە بولدى.

اتاپ وتسەك، بيىلعى شىعارماشىلىق بايقاۋعا بۇقارالىق اقپارات قۇرالدارىنىڭ 93 وكىلى قاتىسىپ، 34 ماقالا، 43 سيۋجەت، 10 پوست پەن 6 فوتوسۋرەت ماتەريالدارى ۇسىنىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي