تالدىقورعاندا ٴدىنتانۋشىلار زايىرلى قوعام، ٴدىن جانە ٴداستۇر ماسەلەسىن تالقىلادى - رۋحاني جاڭعىرۋ|14 جەلتوقسان 2017، 12:23
كۋرسى ۆاليۋت وبنوۆليايۋتسيا
استانا:

تالدىقورعاندا ٴدىنتانۋشىلار زايىرلى قوعام، ٴدىن جانە ٴداستۇر ماسەلەسىن تالقىلادى

تالدىقورعان قالاسىندا «زايىرلى قوعام: ٴدىن مەن ٴداستۇر» تاقىرىبىندا ٴدىنتانۋشىلار مەن ٴدىني بىرلەستىكتەر جەتەكشىلەرىنىڭ i وبلىستىق فورۋمى ٴوتتى، دەپ حابارلايدى baq.kz اقپارات اگەنتتىگى.

فورۋم قازاقستان رەسپۋبليكاسىنىڭ پرەزيدەنتى ن.ٴا.نازاربايەۆتىڭ «رۋحاني جاڭعىرۋ» باعدارلاماسى مەن ٴدىن سالاسىنداعى مەملەكەتتىك ساياساتتىڭ 2017-2020 جىلدارعا ارنالعان تۇجىرىمداماسىن ىسكە اسىرۋ اياسىندا جۇرگىزىلدى.

شاراعا الماتى وبلىسى اكىمىنىڭ ورىنباسارى ج.ومار ٴتوراعالىق ەتتى. فورۋمعا سونىمەن قاتار قر ٴدىاقم ٴدىن ىستەرى كوميتەتىنىڭ مادەنيەتتەر مەن دىندەر حالىقارالىق ورتالىعىنىڭ ديرەكتورى ا.ٴابۋوۆ، قازاقستان مۇسىلماندار ٴدىني باسقارماسىنىڭ رەسمي وكىلى ۇ.التىنبەك، ٴى.جانسۇگىروۆ اتىنداعى جەتىسۋ ۋنيۆەرسيتەتىنىڭ الەۋمەتتىك-گۋمانيتارلىق پاندەر كافەدراسىنىڭ دوسەنتى ٴا.قۇرانبەك، الماتى وبلىستىق «جەتىسۋ» گازەتىنىڭ باس رەداكتورى ٴا.ٴارىن، «ٴبىلىم» وقىتۋ ورتالىعىنىڭ ديرەكتورى ر.ٴىرىجانوۆ، قر ۇقك اكادەمياسىنىڭ وقىتۋشىسى، ٴدىنتانۋشى ب.شومانوۆ جانە وبلىستىق دەپارتامەنتتەر مەن باسقارمالاردىڭ، ٴدىني بىرلەستىكتەردىڭ، ىشكى ساياسات بولىمدەرىنىڭ باسشىلارى، تەولوگ ماماندار، باق وكىلدەرى قاتىستى.

ٴوز سوزىندە ايماقتاعى ٴدىن ىستەرى باسقارماسىنىڭ باسشىسى ر.ەسداۋلەتوۆ اتالعان شارانىڭ سالانى دامىتۋ ماسەلەلەرىن تالقىلاۋ ٴۇشىن بىرەگەي ديالوگ الاڭى رەتىندە ماڭىزدى ەكەنىن اتاپ ٴوتىپ، الماتى وبلىسىنداعى ٴدىني احۋالدىڭ تۇراقتىلىعى تۋرالى باياندادى.

فورۋمنىڭ پلەنارلىق وتىرىسى فورۋم رەزوليۋسياسىن قابىلداۋمەن اياقتالدى. اكىمنىڭ ورىنباسارى ج.ومار ٴاقپاراتتىق-تۇسىندىرۋ توپتارىنىڭ مۇشەلەرى مەن وڭىردەگى ٴدىني بىرلەستىكتەردىڭ وكىلدەرىنە العىس حاتتار مەن ارنايى سىيلىقتار تابىستادى. ول باسقارما «رۋحاني جاڭعىرۋ» باعدارلاماسى اياسىندا ىسكە اسىرعان «رۋحاني كەرۋەن» جوباسىنا قاتىسقان جەرگىلىكتى زيالى قاۋىم وكىلدەرىنىڭ ەرەكشە ٴرولىن اتاپ ٴوتتى.

بۇدان كەيىن فورۋمنىڭ جۇمىسى ەكى سەكسيادا جالعاستى. ٴدىن سالاسىنداعى ماسەلەلەردى زەرتتەۋ ورتالىعىنىڭ قىزمەتكەرلەرىنىڭ مادەنيەتتەر جانە دىندەر حالىقارالىق ورتالىعىنىڭ ديرەكتورى ا.ابۋوۆپەن كەزدەسۋىندە ٴدىن سالاسىنداعى مەملەكەتتىك ساياسات تۇجىرىمداماسى جانە ٴدىن سالاسىنداعى زاڭنامالىق وزگەرىستەر تالقىلاندى. ا.ۇتىسحان وبلىس يمامدارىمەن كەزدەسۋ كەزىندە حيدجاب كييۋ ماسەلەسى بويىنشا اتا-انالارمەن جۇمىستى قالاي جۇرگىزۋ كەرەكتىگى جايلى ايتىپ، ٴوز تاجىريبەسىمەن ٴبولىستى.

قازىرگى ۋاقىتتا الماتى وبلىسى بويىنشا ٴدىني بىرلەستىك پەن فيليالدارىنىڭ جالپى سانى - 595. ونىڭ ىشىندە مەشىتتەر - 436، پراۆوسلاۆيەلىك شىركەۋلەر - 51، ريم-كاتوليك شىركەۋلەرى - 11، پروتەستانتتىق باعىتتاعىلارى - 95. 12 كونفەسسيا وكىلدەرى تاتۋلىق پەن بىرلىكتە ٴومىر سۇرۋدە.

ايتا كەتەيىك، قىركۇيەك ايىنىڭ باسىندا ٴدىن ىستەرى باسقارماسى ەلباسىنىڭ باعدارلامالىق ماقالاسى اياسىندا «رۋحاني كەرۋەن» جوباسىن باستاعان بولاتىن. ٴۇش ايدىڭ ىشىندە ٴتۇرلى سالا وكىلدەرى: تەولوگتار، قوعام زيالىلارى، عالىمدار، مادەنيەت جانە ونەر سالاسىنىڭ وكىلدەرى وڭىردەگى بارلىق اۋدانداردى ارالادى. رۋحاني كەرۋەن اياسىندا وبلىستاعى شىعارماشىلىق زيالى قاۋىم وكىلدەرى جەرگىلىكتى اۋداندار مەن اۋىلدىق ەلدى مەكەندەردىڭ كۇندەلىكتى تىنىس-تىرشىلىگىمەن تانىستى. جاستاردىڭ اعا بۋىن وكىلدەرىمەن كەزدەسۋلەرى، وڭالتۋ جۇمىستارى، كورمەلەر ۇيىمداستىرىلدى، كوپشىلىك شىعارماشىلىق توپتاردىڭ مادەني-رۋحاني ونەرىن تاماشالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي