ستۋدەنتتەردىڭ ەڭ ۇزدىك جوبالارى انىقتالدى

فوتو: Л.Н. Гумилев атындағы ЕҰУ баспасөз қызметі

قازاقستان رەسپۋبليكاسىنىڭ تاۋەلسىزدىك كۇنىنە وراي ل.ن. گۋميلەۆ اتىنداعى ەۆرازيا ۇلتتىق ۋنيۆەرسيتەتى، «وتىرار» كىتاپحاناسىندا «ستۋدەنتتەردىڭ 100 ۇزدىك يدەياسى» رەسپۋبليكالىق كونكۋرسىنىڭ جەڭىمپازدارىن ماراپاتتاۋ سالتاناتى ٴوتتى.

شاراعا شىعارماشىلىق زيالى قاۋىم وكىلدەرى، باق باسشىلارى، ۇستازدار مەن ستۋدەنت جاستار قاتىستى. ٴىس-شارا ۇيىمداستىرۋشىلارى: قر ٴبىلىم جانە عىلىم مينيسترلىگى جانە «ەل-شەجىرە» قوعامدىق قورى.

«ستۋدەنتتەردىڭ 100 ۇزدىك يدەياسى» رەسپۋبليكالىق كونكۋرسى ەلىمىزدىڭ پرەزيدەنتى ن.ٴا. نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ نەگىزگى ەرەجەلەرىن جۇزەگە اسىرۋ جونىندەگى جالپى رەسپۋبليكالىق «100 يدەيا» جوباسىن ىسكە اسىرۋ شەڭبەرىندە وتكىزىلدى.

كونكۋرس يننوۆاسيالىق قىزمەتتى بەلسەندىرۋگە، تاجىريبەلىك مۇددە مەن قوعامدىق ماڭىزدىلىقتى بىلدىرەتىن يننوۆاسيالىق يدەيالار مەن جوبالاردى انىقتاۋعا جانە ەنگىزۋگە باعىتتالعان. كونكۋرس ماقساتى – ۇزدىك يدەيالار مەن جاستار باستامالارىن جيناقتاۋ.

قىركۇيەك-جەلتوقسان ايلارى ارالىعىندا 100idea.kz سايتىندا قر ٴبىلىم جانە عىلىم مينيسترلىگىنىڭ تىكەلەي باستاماسىمەن «ستۋدەنتتەردىڭ 100 ۇزدىك يدەياسى» اتتى رەسپۋبليكالىق كونكۋرسقا ماتەريالدار قابىلدانعانىن بولاتىن.

ناتيجەسىندە 100-دەن اسا كەلىپ تۇسكەن ۇسىنىمدار ىشىندە كونكۋرس تالابىنا ساي 60 ۇسىنىم ىرىكتەلىپ، ونىڭ ىشىندە ٴال-فارابي اتىنداعى قۇۋ فيلولوگيا جانە الەم تىلدەرى فاكۋلتەتىنىڭ 2-كۋرس ستۋدەنتتەرى قاراتايەۆا بالجان مۇراتقىزى مەن ەمانگاليەۆا كاميلا اسكاروۆنا ۇسىنعان «alshy» - ۇلتتىق برەند» جوباسى كونكۋرستىڭ جۇلدەلى i ورىندى يەلەنىپ، نوۋتبۋك ۇتسا، ال قازتۇتىنۋوداعى قاراعاندى ەكونوميكالىق ۋنيۆەرسيتەتىنىڭ ەكونوميكا جانە باسقارۋ فاكۋلتەتىنىڭ 3-كۋرس ستۋدەنتى جولدىباي التىناي ەربولقىزى ۇسىنعان «digital university» جوباسى كونكۋرستىڭ جۇلدەلى ii ورىنعا شىعىپ زاماناۋي پلانشەت ۇتىپ الدى. پاۆلودار مەملەكەتتىك پەداگوگيكالىق ۋنيۆەرسيتەتىنىڭ فيلولوگيا جانە تاريح فاكۋلتەتىنىڭ 3-كۋرس ستۋدەنتى ورازبەك ايگەرىم تانىربەرگەنقىزى ۇسىنعان «ٴتىل ٴتۋريزمى» جوباسى كونكۋرستىڭ جۇلدەلى iii ورنىنا ٴوتىپ، ۇيالى تەلەفونعا يە بولدى.

كونكۋرس ماتەريالدارى تومەندەگى باعىتتا ٴوتتى:

1. قازاقستاننىڭ قاسيەتتى جەرلەرىن برەندىلەۋ جانە ولاردى ٴارى قاراي دامىتۋ;
2. قولايلى قالا ورتاسىن قالىپتاستىرۋ;
3. اۋىلدىق جەردىڭ تۇرمىسىن جاقسارتۋ;
4. «تابىس تاريحى» مەن سەلف-برەندينگتى كوپشىلىككە تاراتۋ سالاسىنداعى باستامالار
5. بيزنەس-جوبالار مەن ستارتاپتار;
6. الەۋمەتتىك سالاداعى جاڭا سيفرلىق شەشىمدەر;
7. لاتىن الىپبيىنگە كوشۋ;
8. العاش قازاق تىلىنە اۋدارىلعان كىتاپتاردى وقۋعا جانە كوپشىلىككە تاراتۋعا قىزىعۋشىلىقتى ارتتىرۋ;
9. ولكەتانۋ;
10. قازاقستاننىڭ مادەنيەتىن شەتەلگە تانىتۋ جانە ەلدىڭ حالىقارالىق قوعامدىق-مادەني ۇستانىمى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!